ظبط الكهربا

**ibrahem_elkhabery** · 12-06-2011 10:41 AM

انا معايا لانسر بطة مو 93 كنت عايز اسئل عن ظبط الاسبراتير ازاى بيتظبط علشان انا لعبت فية و من ساعتها حاسس ان العربية مكلبشة ومبتسحبش و مبرجلة ياريت حد يقولى على حد بيظبطة بالكمبيوتر

**mandordiab** · 15-06-2011 12:00 AM

طالما مالعبتش الا في الاسبراتير فانه لولفيته مع عقارب الساعه ده تاخير وهتلاقي العربيه صوت موتورها وطي وعزمها وسحبها قل وهتسقف معاك والعكس هيديلك عزم وسحب ولكن لوزودت التقديم العربيه هتعتل معاك في بدايه دوران المحرك طبعا الموضوع بيفرق من بنزين 80 او 90 الا اذا كنت خرجت الاسبراتير من مكانه

**ibrahem_elkhabery** · 15-06-2011 06:33 PM

شكرا على اهتماماك وردك عاليا
اولا انا مخلعتش الاسبراتير من مكانة ثانيا : يعنى اية العربية هتعتل معايا
انا بحط بنزين90

**mrghost** · 15-06-2011 08:02 PM

المشاركة الأصلية كتبت بواسطة ibrahem_elkhabery

شكرا على اهتماماك وردك عاليا
اولا انا مخلعتش الاسبراتير من مكانة ثانيا : يعنى اية العربية هتعتل معايا
انا بحط بنزين90

تعتل يعنى مش هتدور علطول هتتاخر فى الدواره

**mandordiab** · 15-06-2011 08:03 PM

هتعتل بلغه الصنايعيه يعني هتبقي تقيله اوي في بدايه التشغيل

**mandordiab** · 15-06-2011 08:19 PM

الموضوع سهل طالما البنزين 90 او 92 وابتدي بظبط العربيه وهيه دايره هوي مسامير الاسبراتير وابتدي وسطنه لاهوه مقدم اوي ولاماخر اوي وحرك مع زياده البنزين بايدك مع كل حركه لحد ماتحس ان الموتور يبطل تسقيف اربط مساميرك وجرب لوالعزم لسه ضعيف قدم شويه وكفايه لحد كده علشان ماطولش عليك وشكرا لردك علي في موضوع تركيب عداد
rpm ,ولسه مصر علي رقم كهربائي شاطر

**ibrahem_elkhabery** · 17-06-2011 09:28 PM

شكرا ليك على اهتمامك وردك الجميل والمفيد انا فعلا عملت كدة وبدات بتزويد الكهرباء وكانت بتسقف وابتديت اخف شوية بشوية لغاية ان التسقيف راح وعتقد انها كدة ابتدت وبات تدور على طوول وحتى من غيير مدوس بنزين وفى حد نصحنى ان تحريك الاسبراتير بيكون بالملى يعنى حاجة بسيطة جدااا والحمد الله اعتقد انى ظبطة وكلة تماااام