الموضوع: ماليزيا .... طفرة تنموية بروح إسلامية

المشاركة الأصلية كتبت بواسطة m.mosaad

مقاله رائعه بس تقول لمين لازم نعيد اختراع العجله تاني

و دستور موادة اكثر من رائعه لكن لازم برضة نعيد اختراع الدستور

يعني قدامنا دوله قامت من الحضيض لحد ما بقت نمر اسيوي و من الدول السياحيه الاعلي في العالم يعني تطبيق الشريعه مأثرشي علي حركه السياحه و اقبال السياح و لا حاجة

و ناس متعبوش نفسهم بمحاوله ايجاد هويه للدوله اسلاميه و لا مدنيه و لا علمانيه و لا ليبراليه ريحوا نقسهم و اخدوا شريعه ربانيه جاهزة مترتبه تصلح لكل زمان و مكان و بتراعي جميع الاديان و الحقوق و طبقوها و استريحوا و اتفرغوا لبناء الدوله يعني بطلوا كلام فارغ و تضييع الوقت و اشتغلوا بجد

انا مش عارف لو مصر مشيت علي نفس النهج دة 5 سنين هنبقي عاملين ازاي اعتقد ان افقر مواطن مصري هيبقي افضل من الطبقه المتوسطة بتاعه الايام دي يعني اعتقد كل مصري هيلاقي وظيفه محترمه بمرتب جيد و شقه مناسبه و اكل و شرب نضيف و عيشة مريحه

يارب الناس تقرا و تفهم

الحقيقة ماليزيا لا تطبق الشريعة إلا على المسلمين فقط ولا تتطبق الحدود..يعني زي مصر في تطبيق المواريث والاحوال الشخصية وهكذا، إلا ان مصر تطبق الشريعة الإسلامية على غير المسلمين إذا وصل النزاع للمحكمة او اختلفت الملل...اما عن موضوع الاقتصاد الإسلامي فدا غير صحيح ايضا ولعلنا نتذكر الانهيار الاقتصادي الكبير في اسيا واسبابه..راجعوا مذكرات مهاتير محمد المترجمة للعربية..

اما عن انطباعي الشخصي، فأنا اعتقد (ولا ازكي على الله احدا) ان مسلمي ماليزيا من افضل المسلمين في العالم في الالتزام والاخلاق والانضباط الديني، وهم سنة على المذهب الحنفي ولا يوجد مذهب غيره هناك