تعمل ايه لو حسيت انك متضايق

**Nile_Storm** · 26-04-2008 09:32 PM

تعمل ايه لو حسيت انك
متضايق
مخننوق
مكتئب مش طايق نفسك و لا اللي حواليك
مش جايلك مزاج تعمل اي حاجه
حتي نايل موتورز تخيلو
تعمل ايه لو قرفان من نفسك
مش عارف انا فعلا اعصابي تعبانه و الموود وحش جدا قلت اشوف رايكو
اعمل ايه ؟

**araberphilosoph** · 26-04-2008 09:35 PM

عايز نصيحه
اخرج امشي لوحدك شويه
وصلي بالليل
هتلاق يالعمليه خفت شويه
وربنامعاك

**aif** · 26-04-2008 09:38 PM

يوم اجازة زي الايام دي ....

تصحي بالليل قبل الفجر ... تصلي ركعتين قيام ليل ... وتنزل تصلي الفجر في الجامع ... وتتمشي شوية في الجو الجميل اللي قبل الشروق مباشرة و تقرأ ما تيسر من القرآن ... وتنام ..... ح تصحي واحد تاني تماما غير اللي كان قبل كده ... بس انت جربها مرة واحدة ....جرب وابقي احكيلي

**Noha.M** · 26-04-2008 09:44 PM

المشاركة الأصلية كتبت بواسطة aif

يوم اجازة زي الايام دي ....

تصحي بالليل قبل الفجر ... تصلي ركعتين قيام ليل ... وتنزل تصلي الفجر في الجامع ... وتتمشي شوية في الجو الجميل اللي قبل الشروق مباشرة و تقرأ ما تيسر من القرآن ... وتنام ..... ح تصحي واحد تاني تماما غير اللي كان قبل كده ... بس انت جربها مرة واحدة ....جرب وابقي احكيلي

الله يبارك فيك يا ابراهيم :)

والله بجد يا نايل جرب بس اللى قال عليه ابراهيم ..انا كان نفسي اطلع ولد عشان انزل اصلى الفجر فى الجامع و لما الفجر بيأذن بفضل اتفرج على جيراننا اللى نازلين الجامع اللى جنبنا بالجلاليب البيضا عشان يصلو ..ياااااااااااااااه بتبقي جميلة اوى

**Hassan Khalil** · 26-04-2008 10:09 PM

مش حازود علي اللي الاخوة الافاضل قالوه ..
بس حاقولك
( ألا بذكر الله تطمئن القلوب )
***********
اوقات كتير بيحصلي اللي بيحصلك .. و خصوصا ان هموم الدنيا لما بتتجمع علي الواحد بتنسيه اسمه ..
كل اللي بعمله ..
*باذكر الله و استغفر ( لا اله الا انت سبحانك اني كنت من الظالمين / لا اله الا انت سبحانك اني كنت من الظالمين )
*انزل اقول الاذكار و انا باتمشي واحدة واحدة .. ممكن عند الميريلاند .. عند سور الكلية الحربية .. و ساعات لما بيكون معايا عربية كنت باصلي الفجر و اطلع علي المنيل في اخر شارع عبد العزيز ال سعود .. في حتة هناكتعتبر في النيل ...حتة رااااااائعة لمناجاة الله عز وجل .. و كنت باروح هناك اتنح .. بجد اتنح

.. و انا بتفرج علي الطيور بتسعي لرزقها وو البط بيبلبط في الميه و الغراب قاعد يجعر فوق دماغي و الصيادين طالعين من النجمة .. و كفاية منظر النيل .. او باطلع علي كورنيش المقطم ..
*للأسف كل الحتت اللي بقولك عليها دي .. بتبقي اماكن موبوءة بعد الظهر لغاااااااية منتصف الليل .
*شوف واحد صاحبك قريب منك جدا .. و انزلوا اتمشوا مع بعض شوية ( تمشية مش فسحة بالعربية ) حتلاقيه فتح معاك و انت فتحت معاه .. و الامور اصبحت كويسه .
* الصدقة الصدقة الصدقة الصدقة .
* اللهم اني اعوذ بك من الهم و الحزن
و اعوذ بك من العجز و الكسل
و اعوذ بك من الجبن و البخل
و اعوذ بك من غلبة الدين و قهر الرجال

**جندى مجند** · 26-04-2008 10:28 PM

دى يا سيدى وصفة ربانية لا مثيل لها:
"وَأَيُّوبَ إِذْ نَادَى رَبَّهُ أَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ (83) فَاسْتَجَبْنَا لَهُ فَكَشَفْنَا مَا بِهِ مِن ضُرٍّ وَآتَيْنَاهُ أَهْلَهُ وَمِثْلَهُم مَّعَهُمْ رَحْمَةً مِّنْ عِندِنَا وَذِكْرَى لِلْعَابِدِينَ (84)" -- الأنبياء

**analyzer** · 26-04-2008 11:11 PM

بصراحه الاخوة الاعضاء قالو كل الى كنت هاقوله

توضئ وصلى واسمع القران وتدبرة وانت تستمع
اكثر من الاستغفار
التوبه والندم على اى ذنب
اكثر من الدعاء لله الواحد القهار

وربنا يعفو عنك ويفك كربك وهمك ان شاء الله