الاحداث اللى حصلتلى دى بعد ما عملت صيانة ال1000 كم ومش عارف سبب ليها لحد دلوقتى وده مخلينى قرفان من العربية
عرض للطباعة
عملتها فين؟
و انت على الطريق كان فى هوا فى وشك؟
طيب جربت تشد بيها تانى على طريق مفتوح و عملت نفس المشكله؟
لو المشكله موجوده يبقى فى حاجه مش مظبوطه و لازم تروح التوكيل يكشفو على العربيه
انا جربت النهاردة اشد على طريق مفتوح مع تشغيل التكييف وحصل نفس الكلام وزادت لفات الموتور و الصوت عالى روحت محول العربية على وضع المانيوال لقيتها على التالت روحت مديها الرابع ورجعت تانى على الاوتوماتيك وضغطت بنزين راح الصوت بدا يعلى تانى وكذلك عدد اللفات رو حت راجع على المانيوال لقيتها واخدة التالت ...
بصراحة انا مبقيتش فاهم حاجة ارجوووووووووكم حد يفهمنى او يطمنى اعمل ايه والل انا باسوق غلط؟؟؟؟؟؟؟؟؟؟؟؟
روح التوكيل بتاع كيا هيظبطولك الدنيا ممكن يكونو فى الصيانه عندك منضفوش البوجيهات و دى بيكون عليها هباب كتير من البنزين العظيم بتاعنا .... انت بتحط 92 صح ؟
بالنسبه للتالت و الرابع معلش انت سقت اوتو قبل كده؟ اصل حاسس ان رجلك تقيله على البنزين فبتعمل كيك داون و هتفضل على التالت لحد 6000 rpm
لو عايز تعدى عليه مره نجرب عربيتك و اقولك ان كان فى فرق فى السواقه مع عربيتى انا تحت امرك ... انا الصبح فى مصر الجديده و باليل فى مدينة نصر
طب أيه أخبار السحب بدون تكييف ؟
انا صحبي معاه كارنز و شديت معاه انا بطلع منه بس مش بفرق رهيب يعني العربيه ادائها جميل جدا و السيراتو ادائها رياضي اكثر عشان الوزن و الديزين بس الكارنز جريتها بسم الله ما شاء الله جميله
حضرتك بتقول انك لسه 1100 كيلو حاول تضغط علي العربيه الفتره الجيه كتير قرص و ككات و تهين الموتور شويه عشان يفتح معاك و بعدين تطلع تفتحا علي الطريق زي ما حضرتك قلت و ان شاء الله هتلاقي صاروخ تحت ايدك
الكارنز بطيئة من وضع الحركة فقط لكن على السرعات العالية ادائها ممتاز وافضل من عربيات كتير انا بسافر بيها كتير وبجيب بيها 150 و160 بسهولة حضرتك لسة في فترة التلين احكم على العربية بعد 5000 كيلو هتحس بفرق جامد .
مشكلة السحب دى تتحل فى التوكيل روح والمهندس يطلع يجربها معاك واذا كان فيه مشكلة اكيد هيكتشفوها
وتتحل ان شاء الله
اما بالنسبة لتجربتى مع الجميلة الكارينز
السحب ممتاز بالنسبه لحجمها واسهلاك الوقود ده ليا معاه تجارب غريبة جدا واكتشفت فيها حاجه غريبة
الكارينز على السرعات الضعيفة من 60-100 كيلو متر استهلاك 13.3 كيلو فى اللتر بكل دقه يعنى ممتاز جدا
وده بيكون معظم الوقت داخل المدينه انا ساكن فى الشروق وبنزل بيها مصر الجديده ووسط البلد استهلاك رائع مع التكييف كمان
اما الغريب ان لما بسافر بيها وبدوس اكتر من 120 بيزيد الأستهلاك ووصل معايا 12 كيلو فى اللتر بحسابات دقيقة
ولما مشيت بسرعة من 140-160 استهلاك رهيب وصل 8 كيلو متر فى اللتر يعنى احسن اداء ليها على السرعات المتوسطه والضعيفة عكس كل السيارات ودى تجربتى بالنسبة للأستهلاك البنزين
وانا وصلت بيها ل 23000 كيلو متر وجربت فى جميع الظروف
وللعلم انا معايا خليجى هاى لين 2011
ارجو انى اكون شاركت بما يفيد