محمد سوسو

**tananybasha** · 13-06-2011 12:38 AM

الحوار ده اللى حصل بما يرضى الله و ليكم الحكم
والله على ما اقول شهيد
دكتور صديق لهلالى اسمه دكتور ثابت
معاه استرا اللى هى 1200 سى سى
راح لعاطف و عنده الكباس بينحر و ضغطه ضعيف و مفوت
عاطف قاله هات واحد
جاب واحد استيراد من عند محمد سوسو فى المريوطية
و ركبه
لقى كبسه ضعيف
هو اشتراه يوم 21/5
و ركبه يوم 25/5
و اتصل بالمحل قالهم
قاله هاته و خد فلوسه
الراجل مش فاضى لظروف شغله
بالصدفه و انا مع ايهاب امبارح عند عاطف لقيته جاى و الكباس قافش خالص
محمد طلع الكباس لأن عاطف مسافر مصيف
لقينه قافش خالص
محمد قاله ده مينفعشى يرجع
بس اهو خلاه يلف عشان ميبقاش قافش بطرية و لعبة ما
و رحنا عند سوسو فى المريوطية
ملقناش محمد سوسو
كان بره
العيال اللى هناك قالك لما يرجع
جه
و قال معنديش ترجيع بعد كل المده دى
لو كنت جبته وقتها كنت خدت فلوسك
و بمنتهى قلة الذوق راح سبنا و مشى و عمال يزعق و انا عندى السكر و الضغط و باتنرفز بسرعه و كلام زى كده
دكتور ثابت كان متعصب قوى
استنناه رجع تانى
قاله انا مش باشترى من الشارع
قاله لأ بتشترى من الشارع و مش هيرجع و لا فلوسه هترجع
قاله انا عايز سربتينه و مش عارف ايه تانى
قاله تشتريها بيع و شرا
و برضوا سبنا و مشى
قلت لثابت
نستناه بره بدل ما نطرد من المحل حتى يبقى اسمنا فى الشارع
لأجل البخت جه ابوه الحاج سوسو
قلت لثابت ده ابوه
قاللى طيب روح انت العربية
و قعد يتكلم معاه شوية
و نادى العيال
و قالهم قولوا لمحمد يدي الراجل فلوسه
قولوا هنديه
راجعوا و قالوا الكباس بتاعهم
دخل محمد شايط
قاله لو شاريه بقالك اكتر من 29 يوم مش زى ما انت بتقول
قاله متدنيشى فلوسى و خد الكباس هدية
لاقه باقله 20 يوم بالظبط
قاله ماشى
ادى كارت هاكتبلك عليه تاخد فلوسك بعد 20 يوم
سبت ثابت و خرجت بره
لاقيت الواد اللى عنده اسمه عماد
مطلع الكباس و بيقولى احطه فى الشنطه
خليته يحطه و طلع ثابت
وقف مع الحاج شوية و سلمنا عليه و مشينا
بقول انا محدشى ليه كلمه عليا و لا حتى ابويا
الراجل الكبير زعل من الكلمه
قلت لثابت منتظر ايه من واحد ملوش خير فى ابوه
هى شغلانة نصب
و ربنا يعوض عليك

قسماً بالله الموضوع كما حصل
ايه رأيكم بما يرضى الله
انا عن نفسى قررت لو اخر حتة فيها اوبل فى البلد عنده و عربيتى واقفه عليه
هاولع فيها و مشتريش منه
انا لا هازوده و لا هاقلله
بس ربنا يديله على قد نيته

**Ahmed_lol2007** · 13-06-2011 12:51 AM

عن تجربة سيئة معاه بردة لانه جمب بيتى أقل من 3 دقايق
كنت نازل أشترى سيلكتور المهم كلامه يغيظ ويجيب الضغط والسكر
ومن ساعتها مش بطيق اعدى من أدام محله مع إن أقاربى يعرفو عيلة سوسو معرفة عائلية
بس المهم قولى انت روحت إمتى إمبارح عشان والدى كان عنده بيسالى على حاجات عشان أنا بمتحن (كان نازل يتمشى شوية بالعربية ودى تانى مرة يسوق العربية دى)
لان إمبارح دة كان يوم عالمى عندى كنت عمال أشد ف شعرى ف عز الضهر وف وسط الشارع
بجد كنت حاسس إن هيجيلى نقطة ههههههههههههههههههههههههه هههههههههههههههههههه
ولغاية دلوقتى والله

**tananybasha** · 13-06-2011 12:55 AM

ربنا يكرمه ايهاب
قاله هاتصل باسلام و جاب منه سعر تحفه الأتنين 1000 جنيه و اسلام هيتهز معاه السعر
المقصود الموقف
و انت عارف الموقف
كلامى فيه حاجة محصلتشى
يعنى باتبلى عليه
و ثابت قاللى
هاروح بعد 20 يوم
هيقولى كمان كام يوم
و بعدين يقولى ده الكباس بايظ
طيب ما انا مرجعه لأنه بايظ
و نخش فى حسبة برما تانى

**tananybasha** · 13-06-2011 12:56 AM

المشاركة الأصلية كتبت بواسطة ahmed_lol2007

عن تجربة سيئة معاه بردة لانه جمب بيتى أقل من 3 دقايق
كنت نازل أشترى سيلكتور المهم كلامه يغيظ ويجيب الضغط والسكر
ومن ساعتها مش بطيق اعدى من أدام محله مع إن أقاربى يعرفو عيلة سوسو معرفة عائلية
بس المهم قولى انت روحت إمتى إمبارح إمتى عشان والدى كان عنده بيسالى على حاجات عشان أنا بمتحن (كان نازل يتمشى شوية بالعربية ودى تانى مرة يسوق العربية دى)
لان إمبارح دة كان يوم عالمى عندى كنت عمال أشد ف شعرى ف عز الضهر وف وسط الشارع
بجد كنت حاسس إن هيجيلى نقطة ههههههههههههههههههههههههه هههههههههههههههههههه
ولغاية دلوقتى والله

يعنى مش ثابت اول تجربه سيئة معاه
مع انى كنت باخد حاجاتى كلها منه
بس مبقتش مستريح