الموضوع: الهوندا هوندا

المشاركة الأصلية كتبت بواسطة rosebox

يا جماعه الموضوعات بتاعتكم خليتنى فعلا افكر فى الهوندا بشكر رسمى

و ليا سؤال سألته فى موضوع تانى عنا برضه لو عايزه اجيب هوندا فى حدود 60 الف مثلا تبقى موديل كام و يا ريت لو صور ليها مثلا
بالنسبه لقطع الغيار و الصيانه و التصليح و الكلام اللى يزعل ده, ايه اخباره؟
انا جايه من خلفية فيات و انتوا عارفين بقى الرطرطه بتعة قطع الغيار و اى ميكانيكى بيفعم فيها و الكلام ده

انما انا بدور انى اغير بقى

بالنسبة لل60 الف دول تجيبلك هوندا سيفيك موديل 99-2000 vti حالة جيدة جدا مش ممتازة ودية بتبقى كاملة فتحة سقف - 2 ايرباج , Abs محرك 1600 1 كامة 130 حصان اتوماتيك + shift lock للفتيس والفتيس بتاعها فية 3 نقلات مانيوال لو عايزة تسوقى رياضى من غير ماتعملى كيد داون وفيها فتحة سقف كهرباء وضعيتين

وطبعا العربية غنية عن التعريف كل حاجاتها موجودة جديدة واستيراد , وفى التوكيل مش غالية اوى ومش رخيصة بس بتعيييييييييييييييييييييي يش كعادة هوندا , والسيارة اعتمادية جدا اعطالها قليلة اوى , ثابتة جدا , سريعة اوى

المشاركة الأصلية كتبت بواسطة rosebox

متشكرة جدا على اهتمامك و ردك على سؤالى

بالتفصيل و شكلها فعلا تمام و كل الكماليات اللى احلم بيها فيها
بس انا كمان بصه على موضوع قطع الغيار بعمق
و ممكن ازود سنه او سنتين و اجيبها حاله ممتازه انا ببص انى ما اصرفش عليها جامد بعد ما اجيبها و الاقى الميكانيكيه بيتفننوا فى تعذيبى و اصلا انا ماليش غير فى انى اسوق و خلاص
الله يخليك طمنى من الناحيه دى

لو هتجيبها حالتها ممتازة يبقى تمام وهتريحك طبعا

وبالنسبة لانك ماتصرفيش على العربية فدة طبعا هيتوقف على الحالة اللى حضرتك هتجيبها

وعشان تبقى عارفة العربية لازم يتكشف عليها كويس سواء شاسية او عفشة او محرك وطبعا اهم حاجة بردة الصالون و الاكسسوارات الخارجية لان الحاجات دية اغلى من اجزاء المحرك والعفشة نفسها

يعنى ان شاء الله حضرتك يبقى فى اعتبارك وانت بتدورى على عربية لازم يبقى اكسسوارتها كلها متركبة وسليمة لان دية بتدى مظهر تانى خالص للعربية

ولازم تكشفى على العربية عند مركز متخصص فى الهوندا لان مش اى حد بيفهم فيها

وان شاء الله لو ربنا كرمك بواحدة كويسة ونظيفة وعجبتك اكشفى عليها وقولى حالتها ونرد عليكى وتقولى التقرير طلع فية اية وبناء علية هنديكى قرار الشراء وتمنها

المشاركة الأصلية كتبت بواسطة samoreception

استاذ سمسم معلش سؤال لواحد ميعرفش حاجة عن الهوندا يعنى ايه (من غير ما اشغل الفى تك ) هوه ده زى التربو يعنى ولا ايه مش فاهم

لأ ياباشا اسأل براحتك

انا عربيتى مانيوال وال vtec عموما بيشتغل عندى عند عدد لفات محرك 5200 لفة وهو مجرد مايشتغل بيحول العربية لوحش وصوت تحفة تحب تسمعة فانا كل اللى انا عملتة انى جريت معاهم بدون ماعدى عدد لفات الماتور دة

وبالنسبة للمانيوال انت تقدر تتحكم فية بسهولة عن طريق عدم القرص على المحرك وتنقل بدرى هتلاقى عندك سرعتك 160 كم ولسة العداد عند 5000 لفة بالظبط من واقع 8500 لفة يبقى انا بجرى وصوت العربية مافيييييييييش وفى نفس الوقت استهلاك بنزين ممتاز مع انك بتجرى وفى نفس الوقت بردة بتراعى شعور اللى انت بتجرى معاة عشان مايحبطش

هية دية طريقة سواقتى لما بجرى مع عربية عادية

لكن لما كنت بجرى مع الشيركو كنت فاتح الvtec طبعا من السرعة الاولى , لكن ال 1600 او ال2000 العادى بجيب الخامس وانا على سرعة 80 كم