ثقافة الوصم .. بدعة إستوردوها من النازية وكل ما حد يفتح بقه بكلمتين لازم يتوصم في ساعتها !
عرض للطباعة
توضيح سريع حتى لا يحدث لبس
ان المقصود بالأجر هنا ليس في الاخره اي ثواب
بل له الأجر يعني ثمن الحمل
وقول الأمام ابو حنيفة مخالف لما عليه الجمهور
وسبب قول الإمام ابي حنيفة أن الحمل هنا ليس من مستلزمات الشرب .. يعني هو لزمه لعله
كما ان الحمل قد يكون من أجل استخدامها ليس في الشرب .. ولكن لعلة أخرى كإشعال النار
وعلى كل فهذا مردود عليه بأكثر من قول . وكل يؤخذ من قوله ويرد إلا النبي صلى الله عليه وسلم
العلمانية مختلفة سواء من بلد لبلد ومن طائفة لأخرى ومن فهم شخص لآخر
وكذلك الليبرالية
فيه واحد بيعتبرها التحرر من كل القيود والقيم والتقاليد أيضا
وفيه واحد بيعتبرها التحرر من تقييد حرية الفكر والإبداع والإجتهاد داخل دائرة الخطوط الحمراء للدين والعرف
وعلشان كده في رأيي التعميم خطأ تاريخي بنمر بيه وممكن يخلينا ننقل واحد من دائرة لآخرى ونفقده دون داعي
وكده هيكون وزره مشاركين فيه
وأتمنى ندور على الأشياء المتفقين حولها من مبادئ وأهداف ونرسخهم ونجعلهم قواعد لبناء البلد
بدل ما نحاول نهدم بعض
وأعتقد أن ما بين الإسلاميين والعلمانيين والمسيحيين مجال واسع من المبادئ والأهداف المشتركة
ومش عايز أعمل زي ما بعض العلمانيين بيعملوا ويتصيدوا الأخطاء ومقاطع الفيديو ويضعوها في غير موضعها
تحياتي
تحية طيبة ومقبولة وجزاك الله خيرا عليها
أنا أؤكد لحضرتك عن قربببببببب جدا ومعاشرة مش سماع فقط للإخوان إن ده رأي النخبة والقادة والمثقفين في الإخوان وكثيرا مما عداهم كمان - لكن أكيييييييييييد هتقابل ناس من الإخوان رأيهم مش كده بس عادي يعني لو حضرتك عاوز تشرب مية ولقيت قشة في الكوب مش عاجبلك جنبها ولا تنزر إليها وتعامل مع باقي الكوب لكن لو حضرتك مصمم إن كوب الإخوان يكون صافي فأعتقد إنك ممكن تهلك من العطش قبل ما تلاقي الكوب اللي بتبحث عنه
وده بالمثل في العلمانيين وغيرهم
بس للأمانه ساعات بيكون فيه علمانيين معينين بيعتبرهم الكثير من الإسلاميين إنهم خارج نطاق الفهم الإسلامي كليا ده إن لم يخرجوهم من دائرة الإسلام زي مثلا سيد القمني - انا لا أكفره لأني مش عالم لكن قريت لناس كتيره كفرته ومنهم ناس ليبراليين ومنهم ليبراليين مش اسلاميين اتهموا سيد القمني بالكذب والتضليل فقط زي مثلا بلال فضل
فمش معنى عداء الإسلاميين لشخص أو أشخاص بعينهم إنه عداء لكل الفكر والمنتميين للعلمانية بجميع مفاهيمها
تحياتي يا أخي الحبيب
يعني ايه ( انت حد كلمك ) دي
احنا في منتدي محترم لو مش عارف ان اي جملة تكتبها فمن حقي اعلق عليها يا ريت تعرف
و لو الرد ده اساء اليك اشتكي ( زي ما انا اشتكيتك كده )
و لو الرد به ما يتم نقاشة تعلق عليه بأحترام يا محترم
حد كلمك دي بتتقال في الشارع مش في منتدي
و موضوع الاسئلة اللي انته بتسأل عنها المشاركات و الموضوع مغلق و ليس محذوف يدخل الاعضاء و يشاهدو الضرر المكتوبة من حضرتك
و لن اعلق اكثر من ذلك فأحيانا السكوت مع البعض هو ابلغ رد
لان اسلوبك غير لائق
و السلام
م.حاتم السباعي
يا فندم بارك الله لك علي التوضيح
و هي ليست سبه ( ان اعتقد انحضرتك ليبرالي او اخواني او علماني او سلفي او مع نفسك )
و كلمة نفس المنهج ايضا لا يوجد بها اي شئ سئ لا للي مع نفسه و لا للي بينتهج المنهج
و لو كلامي به اي شئ ضايق حضرتك فأنا اعتذر لك علي ظني في ان حضرتك بتنتهج المنهج الليبرالي
و اشكرك لسعة صدرك
م.حاتم السباعي
هو ليه الكلام متناقض
يعنى تشبيه احد بانه على نفس المنهج مش سبه
بس عنوان الموضوع لا ينفع ان يكون المسلم علمانى (يعنى مش حتى المؤمن لاء ده مش مسلم من اساسه)
وصاحب الموضوع اضاف ولا الليبرالى
يعنى على نفس منهج الليبرالى او العلمانى واختصاؤا للوقت هو غير مسلم بالمره بقى علشان منتكلمش كتير
كلام مين يا فندم المتناقض؟
انا ليست واضع الفيديو ( شكل حضرتك مش واخد بالك و لا ايه )
و اكيد الاستاذ الفاضل صاحب الموضوع اجدر مني بأي استفسار عن عنوان الموضوع
و ما بداخل الموضوع يسأل عنه المفتي
انا اوضح فقط ما يخصني في فهمي الخاطئ لمشاركة الاخ الفاضل و هو اوضح لي بعتاب جميل بأنه ليس كما اعتقدت انا و لذلك قدمت له اعتذاري عن سوء فهمي فهذا لا يقلل من شأني ابدا
و اضفت له انه حتي لو هو يتبع اي منهج فأنها ليست سبه
و من حق اي انسان ان يعتنق اي منهج او فكر ( من وجهة نظري )
و لكن من حقنا ان نعلق علي هذه المعتقدات الفكرية و المناهج
و لكن ليس من حقي ان اقول لحضرتك انت ليه متبع الفكر الفلاني
انما من حقي ان اعبر عن الفكر او المنهج عموما و ايضاح ان هناك تضارب او اتصال بينه و بين عقيدتي كمسلم
او ان اختار هذا المنهج او ذاك لتطبيقة علي كيان الدولة التي اعيش فيها
و منتظر ان اعرف ( كلام مين المتناقض )
لان حضرتك اقتبست تعليقي و كتبت مشاركتك
م.حاتم السباعي