لا ينفع ان تكون مسلم علمانى وبالتالى ليبرالى
YouTube - ‫ظ‡ظ„ ط§ظ„ط¹ظ„ظ…ط§ظ†ظٹ ظ…ط³ظ„ظ…طں ظپطھظˆظ‰ ظ„ظ„ظ…ظپطھظٹ‬‎
كن مسلم فقط تحب الله ورسوله
الحمد لله المفتى شخصيا علشان ماحدش يقول متشدد
عرض للطباعة
لا ينفع ان تكون مسلم علمانى وبالتالى ليبرالى
YouTube - ‫ظ‡ظ„ ط§ظ„ط¹ظ„ظ…ط§ظ†ظٹ ظ…ط³ظ„ظ…طں ظپطھظˆظ‰ ظ„ظ„ظ…ظپطھظٹ‬‎
كن مسلم فقط تحب الله ورسوله
الحمد لله المفتى شخصيا علشان ماحدش يقول متشدد
طب أنا ليبرالي ...... كدة ماينفعش أبقى مسلم
سؤال و محتاج إجابة ؟؟؟؟
و بعدين في فرق كبير بين العلمانية و اللبرالية ......... و فضيلة المفتي مجبش سيرة اللبرالية
بلاش تدليس
بس د. أسامة السيد ....... بيقول كلام محترم جداً
الدين ..... عبادة ...... تزكية نفس ...... عمارة الأرض
لو العبادة زادت عن الحد ....... أصبحت تطرف و تشدد
لو تزكية النفس زادت عن الحد ...... أصبحت نوع من أنواع الرهبنة
لو عمارة الأرض زادت عن الحد ...... أصبحت علمانية
و أنا كمان مش مقتنع بالكلام ده ،
الليبرالية و العلمانية مناهج اجتماعية و سياسية و اقتصادية
مالهاش علاقة بالعقيدة و الكفر و الإيمان
طيب هى ايه مبادىء الليبراليه ؟؟؟؟؟؟؟؟؟؟؟؟
اظن انها منشقه عن العلمانيه فالعالمانيه هى الأم
وممكن نسأل فضيله المفتى
اظن رد المفتى وااااااااضح فى العلمانى
و لما حضرتك بتظن ....... يعني ماتعرفش ...... يعني ماقرتش ....... يعني ماعندكش فكرة
امال بتصنف المسلمين و تكفرهم على أساس إيه ؟؟؟؟؟
و تقول المسلم ينفع يبقى كذا و ماينفعش يبقى كذا ؟؟؟؟؟
معلش بس دة على أساس حضرتك مين ؟؟؟؟؟ أو إيه هي الحجة بتاعتك في إخراج و إدخال الناس من الملة ؟؟؟؟؟
مينفعش تكون مسلم ليبرالى او مسلم معتدل او مسلم وسطى
لازم تكون من الجماعة ... يعنى مسلم اخوانجى :)
غير كده تبقى علمانى ليبرالى كنتاكى ملحد كافر ههههههههههههههههههه
بجد ربنا يهدى ويشفى كل المتطرفين والمتشددين و(بعض) السلفيين الظلاميين الذين (يكفرون المسلمين الاخرين)
تسمح لى اقتيس منك الجزء ده يا استاذ hobiko
اعتقد ان ده افضل كلام وافضل شرح لتفريق بين الحالات التالتهاقتباس:
بس د. أسامة السيد ....... بيقول كلام محترم جداً
الدين ..... عبادة ...... تزكية نفس ...... عمارة الأرض
لو العبادة زادت عن الحد ....... أصبحت تطرف و تشدد
لو تزكية النفس زادت عن الحد ...... أصبحت نوع من أنواع الرهبنة
لو عمارة الأرض زادت عن الحد ...... أصبحت علمانية
ياريت برضوا نبص للموضوع بعمق اكتر ازاى هنطور بلدنا ازاى هنبقى امه تمتلك العلم والسلاح والمال ازاى هنبقى المتحكمين فى قرارتنا
غلبت اقولكوا ان ليبرالية مش دين جديد ظهر فى مكة .. وبيعبدوا نواه البلح ..
بس مفيش فايدة ..
كفاية بأه جو التلقين ده والزن على الودان عشان ده بيطلع جيل حافظ مش فاهم .
حتى المفتى طلع عليه كل التهم المحفوظه
ماشى انا مصدق المفتى خصوصا فى التصريح ده :)
http://www.shorouknews.com/.......Data.aspx?id=475550
المفتى فى أحدث كتبه (المتشددون):السلفيون عائق حقيقى أمـام التقدم والإصـلاح
و أنا يكفينى أتصاق عمرو حمزاوى مع أفكاره .. الشروخ معروفه مش محتاجه أبين عدائها لأى ملتزم فى مصر .
ايه يا جماعة الخير
في ايه بس يا موحدين بالله
الفيديو بيشرح شئ لعالم دين ( فسواء اقتنع به البعض او انكره البعض ) لا يجوز ان نقول تدليس
و لا ان يتحدث البعض و يحشر في كلامه اي تيارات دينية لانها مش لبانة كل شوية عمالين تجزو عليها
و علي فكرة المتحدثين لم يقولو اللي مش هبنضم لجماعة او تيار مش هيبقي مسلم
و الله مقال كده خالص
اللي عاوز يزود لنفسه معلومة يسمع و يستفيد اللي عاوز ينتقد الكلام بموضوعية لكي يفيد و يستفيد ايضا يمتعنا بحوار راقي و مناقشة ثرية ردا علي ما ينكره مما قاله الشيخ
او ان يشرح بهدوء و جهة نظره و ليختلف كيفما شاء و يضعف و جهة نظر الطرف الاخر انما بالدليل او بمحاولة توصيل الفكرة الينا كمتابعين للحوار
م.حاتم السباعي
سؤال الي الاخوه في المنتدي .....من ثقولون علي انفسهم انهم ليبراليين ....
يعني ايه مفهوم الليبراليه بالنسبه لك ...وايه مدي اختلافها عن العلمانيه ...؟
وياريت شرح واضح....
لان الليبراليه كا كلمه تعريفها مطاط والي الان الاشخاص اللي بيظهرو في الاعلام عرفوها تعريف لا يختلف في الاخر عن العلمانيه او بالاصح هما غيرو كلمه علمانيه باليبراليه علشان محدش ياخد باله
بالنسبه ليكم انتو ماذا تعني لك الليبراليه ....وياريت توضحوها بامثله ...وتضربو لنا مثل عن المفهوم ده ........يمكن الاعلام ضلل الناس عن المفهوم الحقيقي والناس فاهمه غلط
فياريت توضح جيد
أنا مش بتهم فضيلة المفتى ...... أنا بتهم اللى خد كلام المفتى على العلمانية ...... و هوب لزق فيه الليبرالية فى السكة
أنا لا أنكر على الشيخ و التدليس مقصود بيه ..... اللى قال ان فضيلة المفتى قال حاجة و هو ماقلهاش
ممكن سؤال
المسلم العادى اللى هو مش منضم للاخوان
يتبع سنه رسول الله ولكن غير منضم لاحد الجماعات السلفيه
بيصلى ويصوم ويزكى ويعتمر وينوى الحج ان شاء الله
مختلف مع الاخوان وبعض شيوخ الجماعات السلفيه فى الرأى السياسى وليس شىء يتعلق بالدين
وييجى واحد بجهل منه يتهمه بانه طالما ليس معهم فهو يحسب على العلمانيين
ممكن هو كمان يرد عليه ويحسبه على اسواء من فى الطرف الاخر
يعنى ممكن يستخدم نفس الاسلوب فى التعميم على الطرف الاخر ويختار اسواء من فيهم ويتهمه بنفس الاسلوب
طب ادام الليبراليه كده كمصطلح عامل ازمه لغويه " عشان فرانكو اراب" ما ينفعش بدل ما نقول مسلم ليبرالي....نقول مسلم "متحرر الفكر" ؟؟؟؟؟؟؟؟؟؟؟؟
الليبرالية (بالإنجليزية: Liberalism) اشتقت كلمة ليبرالية من ليبر liber وهي كلمة لاتينية تعني الحر. فالليبرالية تعني التحرر. وفي أحيان كثيرة تعني التحرر المطلق من كل القيود مما يجعلها مجالا للفوضى. الليبرالية حاليا مذهب أو حركة وعي اجتماعي سياسي داخل المجتمع، تهدف لتحرير الإنسان كفرد وكجماعة من القيود السلطوية الثلاثة (السياسية والاقتصادية والثقافية)، وقد تتحرك وفق أخلاق وقيم المجتمع الذي يتبناها تتكيف الليبرالية حسب ظروف كل مجتمع، إذ تختلف من مجتمع إلى مجتمع. الليبرالية أيضا مذهب سياسي واقتصادي معاً ففي السياسة تعني تلك الفلسفة التي تقوم على استقلال الفرد والتزام الحريات الشخصية وحماية الحريات السياسية والمدنية.
وبخصوص العلاقة بين الليبرالية والأخلاق، أو الليبرالية والدين، فإن الليبرالية لا تأبه لسلوك الفرد طالما أنه لم يخرج عن دائرته الخاصة من الحقوق والحريات، ولكنها صارمة خارج ذلك الإطار. أن تكون متفسخاً أخلاقياً، فهذا شأنك. ولكن، أن تؤذي بتفسخك الأخلاقي الآخرين، بأن تثمل وتقود السيارة، أو تعتدي على فتاة في الشارع مثلاً، فذاك لا يعود شأنك. وأن تكون متدينا أو ملحداً فهذا شأنك أيضا. ترى الليبرالية أن الفرد هو المعبر الحقيقي عن الإنسان، بعيداً عن التجريدات والتنظيرات، ومن هذا الفرد وحوله تدور فلسفة الحياة برمتها، وتنبع القيم التي تحدد الفكر والسلوك معاً. فالإنسان يخرج إلى هذه الحياة فرداً حراً له الحق في الحياة والحرية وحق الفكر والمعتقد والضمير، بمعنى حق الحياة كما يشاء الفرد ووفق قناعاته، لا كما يُشاء له. فالليبرالية لا تعني أكثر من حق الفرد - الإنسان أن يحيا حراً كامل الاختيار وما يستوجبه من تسامح مع غيره لقبول الاختلاف. الحرية والاختيار هما حجر الزاوية في الفلسفة الليبرالية، ولا نجد تناقضاً هنا بين مختلفي منظريها مهما اختلفت نتائجهم من بعد ذلك.
ظ„ظٹط¨ط±ط§ظ„ظٹط© - ظˆظٹظƒظٹط¨ظٹط¯ظٹط§طŒ ط§ظ„ظ…ظˆط³ظˆط¹ط© ط§ظ„ط.ط±ط©
اذن ما مشكله "مسلم" متحرر الفكر؟
دين الاسلام مش ناقص علشان نحتاج نرقعه بانظمة اخري
و اللي عايز يجمع ما بين الاسلام و نظام اجتماعي او سياسي يبقي هو نفسه مش فاهم الدين بتاعه و كويس
و ده مش عيبه و لا ذنبه ده عيب سنين من اضعاف دور الدين المُمنهج من مشتاقي الكراسي
الاسلام فيه من الاحكام الكافي لتنظيم شئون الدنيا و اللي منها السياسة و نظام الحكم
فمثلا الانتخابات و التصويت هو شكل من اشكال الشوري و كذلك الحرية و العدالة و المساوة و تطبيق القانون و الحدود علي الغني و الفقير و الشريف و الضعيف
يبقي ليه نتبني شئ عندنا منه و يمكن بصورة احسن و نظام ادق , هل عقدة نفسية خوفا من التهم بالتطرف و الارهاب فعلشان كده بنهرب من الدين و نقول لا احنا بتوع الغرب و الرومان و الديموقراطية
انا مش شايف مبرر للدفاع عن الانظمة دي بانواعها , اذا كنا حندافع عن الحقوق و العدالة فده من صميم الدين و هو أمر بالمعروف و نهي عن المنكر و بالتأكيد وفقا للضوابط الشرعية و مش محتاجين تسميات جديدة و لا مستوردة
و كما يقولون بالانجليزية هو احنا حنعيد اختراع العجلة Reinventing the wheel
:majd(4):
الاسلام دين كامل...ده امر محسوم وده لاننا مسلمين ومتبعين للشريعه
اما نظام سياسي كامل ده انا مش متفق عليه..ما تفهمنيش غلط لو سمحت..انا بتكلم في الامور العمليه..يعني ايه شورى ومين دول اللي حيكونوا اهل المشوره؟ علماء الدين...هب كده دخلنا في الثيوقراطيه ولا انا ولا انت ولا حد قصده كده.
طب مين طيب؟؟؟حد له مرجعيه ولا مرجعيه ليها حد بيؤمن بيها؟؟
يعني نظام القضاء مثلا هل حيبقى عالم الدين هو القاضي؟ ولا القاضي اللي درس شريعه مع الامور الدنيويه الاخرى هو اللي نقبل بحكمه؟
يعني ايه خلافه؟؟ طب مجلس شورى المسلمين اللي اختاروا الخلفاء الراشدين كان مكون من مين؟ وهل اتساوينا بيهم عشان نبقى نكون زيهم؟؟طيب بعد كده "نظام الملكيه الاسلامي اللي اتبع بعد عهد الخلفاء الراشدين كان وحش؟؟؟واللا كان حلو؟؟ والخليفه يحكم فيصيب ويخطيء؟؟مين اللي حيحاسبه وكيف سنخرج عليه لو ظلم؟؟ محتاجين تفسيرات كتير لده وحناخده فقط من علماء المسلمين؟؟ واللا ايه بالضبط نفهم بقا ايه التصور السياسي الحقيقيفي رأي من ينادي بتطبيق قانون العوده للوراء..بحذافيره وبالنص لو سمحتم..تصور وليس فتوى يعني مش حترجعوا فيها لحد عشان تستفتوا رايه وبعدين تعرضوا فتوى مقتنعين بيها ...لا رأي مبني على تصور مبني على تفكير مبني على ما استقيتموه من ما اقتنعتم بيه
اولا شكرا لحضرتك....بس انا مش بدور علي التعريف العام
انا عايزه اعرف الليبراليه هنا في مصر تعني ايه ....ايه حدود الحريه الفكريه لمعتنقيها ده اولا
ثانيا .....ايه مدي اختلاف التعريف ده عن العلمانيه حيث ان كل الشخصيات اللي بيدعو لها بيقولو نفس افكار العلمانيه...
ثالثا....ايه المثال العالمي اللي محقق الليبراليه علي ارض الواقع....لان احنا يهمنا في الاخر مدي قدره التطبيق في مجتمعنا
واخيرا وده للمسلمين ( مع كامل احترامي للاخوه مقتنعي اي دين او فكر)
ايه اللي في الاسلام متعارض مع فكرك الليبرالي لدرجه انك بدل ما تدعو لتطبيق مبادئه استوردت مبدا مطاط التعريف والهويه لتطبيقه
ومتقوليش سلفيين واخوان ......وتكرر كلام الاعلام بانك لو مكنتش واحد منهم فانت ليس بمسلم....لان الاعلام وتركيزه علي الهفوات لبعض الناس مش لوجه الله دي لمصالح شخصيه بحته وخرج منها كمان مصلحه البلد
ومتقوليش اصل هما دول اللي حيوصلو للسلطه فانا علشان خايف من تطبيقهم اقوم اختار ناس مالهومش في الدين اصلا وحيخرجو الدين من السياسه ....حقولك ساعتها يبقي ايه فرق الليبراليه عندك من العلمانيه
............
انت كمسلم موحد بالله شايف دينك ناقص فيه حاجه للتطبيق لمبدا الليبراليه اللي انت بتفكر بيه...
اخيرا ياريت برضه حد يجاوبني بصراحه اكبر مدي اقتناعك بالليبراليه وايه هي اهدافها ومفهومها في نظرك ومثال عالمي للتطبيق لكي نعرف نتناقش فيه ونوصل لنقطه اتفاق
ردا علي حضرتك
اهل الدين او علماء الدين دول دورهم نشر الوعي الديني وتقويم الحاكم لو خرج عن الشريعه ومقاصدها
القضاه ناس متخصصه في دراسه كل مايتعلق بالقوانين والاحكام الشريعه اللي بيقررها علماء من كل التخصصات
مثلا في الاقتصاد يتم عمل لجنه من فقيه شرعي معه اساتذه في الاقتصاد ويخرجو بتشريع يتناسب مع حل كل المشكلات الاقتصاديه
في الطب لو حصل تعارض مع حاجه مثلا زي زراعه الاعضاء...يتم عمل لجنه من فقهاء في الدين مع بعض الاطباء المتخصصين في المجال ويدرسوه ويخرجو بقانون ليها
في الاحوال الشخصيه.....في الجنايات ....في كله
اللجنه دائما متغيره وتضم كافه التخصصات ....واذا كان مين اللي حيبقي في اللجان دي بيتم الترشيح من كل نقابه او جامعه مثلا لشخص محدد او اتنين ليهم وجود حقيقي في مجاله
وده اصلا معمول بيه في تركيا واندونيسيا وماليزيا...ده مثال من العصر الحديث وليس من التاريخ
...........
الاسلام اصلا مافيهوش ملكيه بل بالعكس بدء انهيار المجتمع الاسلامي والخلافه كان من اول بدء الملكيه....بل بالعكس الاسلام بيعتمد علي البيعه( الانتخاب في العصر الحديث)...والتجديد لو ثبت وجوده او يتم البيعه لشخص اخر
....
مجلس الشوري زمان يشبه الان موضوع مجلس الشعب والانتخابات....كان زمان مجلش الشوري عباره عن شخصيات لهم ثقلهم وتدينهم ومعرفتهم ببواطن الامور من كل العشائر وكان بيتم ترشيح اسم عليهموييتفقو عليه او لا .............
تطبيقه في العصر الحديث هي الانتخاب المباشر من الافراد كلهم في المجتمع وده لانه بقي صعب علي المجتمع الواحد معرفه خلفيه كل الشخصيات المحترمه في المجتمع فاصبح كل حزب معروف توجهه في المجتمع يقدم مرشح ويتم الاختيار بالانتخاب
...........
لو عايز بقي تشريع لاي حاجه تخطر علي بالك اسال وان شاء الله اجاوبك من الاسلام مش من عندي او من عند اي فئه
وحضرتك لو تعبت نفسك شويه وقريت في التشريع الاسلامي واحكامه ومقاصد الشريعه حتفهم انا قصدي ايه
اولا مع احترامي الكامل لعلم حضرتك وتفقهك في الدين انا بأقرأ في الدين من وانا عندي 5 سنوات بالضبط ولله الحمد ولا ادعي علمي بكل شيء ولا اطلب من حد يسالني او يستشيرني في اي شيء لكن انا بادرس التاريخ الاسلامي اجتهاديا من العصر القديم الى العصر الحديث..
يعني حضرتك تقصد عصر الخلفاء الراشدين مش كده واللا انا غلطان؟
مجلس الشورى = انتخابات حره ونزيهه مش كده..بدون شعارات ولا توجهات صح؟
لجان متخصصه ..جميل..احتكام للعقل بما لا يتعارض مع اصول الشريعه جميل..انتخابات واحزاب وحريه سياسيه..طب ما دي ليبراليه برضه..ليبراليه مسلمه..هوا انا كنت بقول ليبراليه جاهليه مثلا ولا ليبراليه صيني؟؟؟
طب ماهي موجوده في تركيا وماليزيا ومش موجوده في الصومال وافغانستان
شكرا أستاذ علي نوبيرا على الفيديو القيم
جزاك الله خيرا
مواضيع عدة توضح صورة العلماني أو الليبرالي المصري ألي يهمنا بغض النظر عن التعاريف المثالية لها................علشان نقصر المسافات ومانقعدش نعيد ونزيد
وبالمناسبة هل عند أي مسلم على الأقل شك في قوة من يحاجج بالدين وحتما ولابد سينتصر على من يحاجج بأنظمة أي كان مسماها فهي من صنع البشر؟!!!!!!!!!!!
أنا ماعنديش شك ولو للحظة والمواضيع موجودة وخير شاهد
تقبلو تحياتي
http://www.nilemotors.net/Nile/22429...E3%C7%E4%ED%C9
http://www.nilemotors.net/Nile/22333...E3%C7%E4%ED%C9
http://www.nilemotors.net/Nile/22364...E3%C7%E4%ED%C9
http://www.nilemotors.net/Nile/22377...E3%C7%E4%ED%C9
http://www.nilemotors.net/Nile/22400...E3%C7%E4%ED%C9
http://www.nilemotors.net/Nile/22543...E3%C7%E4%ED%C9
http://www.nilemotors.net/Nile/22498...E3%C7%E4%ED%C9
http://www.nilemotors.net/Nile/22451...E3%C7%E4%ED%C9
http://www.nilemotors.net/Nile/22429...E3%C7%E4%ED%C9
http://www.nilemotors.net/Nile/22395...E3%C7%E4%ED%C9
http://www.nilemotors.net/Nile/22355...E3%C7%E4%ED%C9
http://www.nilemotors.net/Nile/22202...E3%C7%E4%ED%C9
كويس ان احنا اتفقنا علي ان الدين كامل و مش حفهمك غلط
حضرتك بتدور علي آليات تطبيق المقاصد الواضحة في الدين و التي ليس فيها جدال و ده شئ بيحصل باتفاق الناس عليه مع بعض علي حسب ظروف المجتمع و مفيش فيه فرض من الدين المهم ان مقصد العدالة يتحقق في المجتمع
في مجتمع قبلي الامر بيرجع فيه للاكابر و رؤس العوايل و القبائل , في مجتمع تاني فيه اقتراع في صندوق و في مجتمع تالت بالاجهزة او علي النت او حتي بالمحمول المهم هو ضمان الشفافية و العدل بين الناس اللي حضرتك تصر علي انك تسميها ديموقراطية في حين انها من اساس الدين
و لا حاجةالي استيراد انظمة اجتماعية او سياسية كاملة بعيوبها و حسناتها علشان عجباني فيها فكرة بل و استميت في الدفاع عنها في حين عندي الاساس و المرجعية السليمة و جاهزة و واضحة لمن يبحث بل و تمت التجربة و نجحت لعدة عقود في الدولة الاسلامية من بعد وفاة الرسول صلي الله عليه و سلم بمراحلها المختلفة حتي وصلت الي مراحل من الاضمحلال ناتج عن سوء التطبيق للقواعد بسبب الطمع او المنافسة السياسية او المذهبية
و لا تظلم الدين و تنفيه من المجتمع علشان دولة او عصر اخطئوا في التطبيق و رفعوا شعارات دينية و نفس الوقتك لا تبجل و لا تعظم من انظمة ظاهرها لطيف و داخلها ظلم و فساد
و لنا مثال في الاشتراكية و التي فُضحت في العالم كله خصوصا بعد انهيار الاتحاد السوفيتي و تخلي الصين عنها و دمج الرأسمالية في اقتصادهم , ماذا كان شعار الاشتراكية هو المساوة و العدالة و عدم التمييز و الخير كله للشعب في حين الحقيقة ان اعضاء الحزب الحاكم و الصفوة يعيشون في الترف و النعيم و الشعب ينتظر الكوبونات لصرف المواد الاساسية
و ماذا قدمت الديموقراطية و الليبرالية للعراق بل ماذا قدمت لامريكا , قدمت مرشحين لهم النفس السياسات في شو اعلامي حتي يفرح الشعب الامريكي المضحوك عليه بنعمة الاختيار بين وجهين لعملة واحدة
مش معقول نكرر اخطاء الماضي و نرجع نستورد انظمة فاشلة 100% و ندافع عنها و نترك دينا السليم لان البعض يحاول احتكاره , الواجب هو مقاومة الاحتكار ده و اي مظاهر للتطرف و التشدد مش نديه ضهرنا و نروح ندور بره
و لو اخدت بكلامك و مصطلح الثيوقراطية : مالها الثيوقراطية ما هي حلوة و زي الفل ماله لما يتحكم الدين في الدولة و بشرع ربنا , المشكلة مش في الدين و لا الثيوقراطية المشكلة هي وجود ناس تستغل الدين لمصالحها يعني العيب في الناس مش في الدين و لا في تطبيق الشريعة و لا يعرف الحق بالرجال
واضح من كلامك التخوف من جماعة بتشعر انها متربصة بك في حين اننا هنا فرادي و كل واحد مسئول عن مشاركته سواء اتقفنا او اختلافنا و مش معني وجود تطرف في جانب ان الجانب التاني يتطرف ايضا و يقول طب بلاش دين خالص و لا اي حاجة لها علاقة بالدين خليها ديموقراطية ليبرالية علمانية
كذلك وضعت الكثير من التساؤلات عن الماضي و اجابتها موجود في النت فالتاريخ ليس حكرا لاحد لكن المشكلة انك تقرا وجه نظر واحدة و تمشي ورائها و تكون رأيك بناء عليها, لذلك انصحك بتعدد مصادر بحثك حتي تضمن الموضوعية و الدقة في المعلومة
اما عن الاسئلة المستقبلية لتكوين الدولة في مصر فلا اعتقد ان في احد في المنتدي قادر علي الاجابة عليها كلنا مواطنين مصريين نخضع لقوانين الدولة و سنرضي بما ينتج عن انتخابات شفافة نزيهه و مش احنا اللي اللي حنشكل الدولة علي مزاجنا
الخلاصة ارجوا الناس التي تهاجم الشريعة و الدين و ترفض وصاية الدين التامة علي نواحي الحياة الخاصة بالمسلمين ان تتوقف و تراجع كلامها و تدققه و نبتدي نتكلم بوضوح عن اشخاص او مواقف بعنيها مش نعمم و نرفض و نتطرف في المعارضة لان ده الطريق التي منها بيدخل الاعداء و الفلول و الانتهازيون لنشر في الفساد بين الناس و في المجتمع
سؤال :ايه هو بقي قانون العودة للوراء ده لو سمحت و ايه هي نصوصه و كان شغال في اي عصر من الازمنة المختلفة , ارجو مزيد من التوضيح؟
اما عن الاسئلة المستقبلية لتكوين الدولة في مصر فلا اعتقد ان في احد في المنتدي قادر علي الاجابة عليها كلنا مواطنين مصريين نخضع لقوانين الدولة و سنرضي بما ينتج عن انتخابات شفافة نزيهه و مش احنا اللي اللي حنشكل الدولة علي مزاجنا
----------------
++++99999999
أحنا نعمل ألي علينا وننتخب من يعلنها صراحة أنه سيراعي الله فينا(شرع الله) ولو ماحققش وعوده لاينتخب مرة أخرى
..................
طيب سؤال لحضرتك ....الليبراليه الاسلاميه كما تقول هي دي ما يتم الدعوه ليه حاليا علي ارض الواقع ؟
هل كل الاحزاب الليبراليه حتوافق علي تطبيق الكلام ده خاصه انه جاي من دين اسلامي ؟
هل ده اللي حاصل في الواقع......طب وليه تغيير المسيمات طب ماهو ده الاسلام يبقي نطلق عليه اسم تاني ليه
احنا بنتناقش في الواقع الموجود حاليا وليس في التعريف المطلق للشئ وهو ده مربط الفرس.....هل كل الناس مقتنعه بان الاسلام هي الليبراليه في افضل صورها ولا مقتنعه ان وجود الدين تحت اي مسمي مرفوض
...............
ملحوظه اخيره لما قلتلك تقرا في احكام الشريعه ماكنش قصدي لجهل فيك....لا
بل لاني اري بعض الاشخاص حتي مع قراتهم التامه لكل الشريعه الا انه لم يدركها جيدا....بسبب كتر التخصصات
وبالتالي بيبني وجهه نظره علي شئ منقوص فبتالي بيحصل لخبطه من هنا
اي بمعني المعرفه الجيده والادراك التام لمقاصد الشريعه....حتجد ان الاسلام فيه لكل مشكله سواء قديمه او جديده او لسه حتحصل حل ...بس معظمنا بيبقي مش مدرك ليه لانه مش متخصص في كل المجالات ممكن يبقي فاهم مجاله كويس لكن ميعرفش باقي التخصصات ويبتدي يحصل لغط من هنا ودي علشان يتم القضاء عليها ان العلم يؤخذ من القرءان والسنه والائمه الاربعه والعلماء والمتخصصين اللي ليس لهم مصالح او مطامح شخصيه ودول موجودين وبكثره بس النظام المخلوع كان مغطي عليهم
مجهود مميز بصراحة فى جمع المواضيع :)
بس برضه فى فرق بين العلمانى و بين الليبرالى ...... و الليبرالى مسلم رغم انف الجميع
المواضيع مش ليك ياباشا دي للي ماشركش فيها وممكن ماتكنش مرت عليه أنما حضرتك مشارك في أغلبها فا عرفها
ياترى أنت متسق مع مين على الساحة السياسية حاليا يعني شايف مين بيمثل الليبرالية المثالية ألي من وجهة نظرك:grin54:
الليبرالي مسلم أو مسيحي أو لاديني
الليبرالية مش دين أساسا علشان تربطها بالدين:grin54:
الليبرالية تقترب من الدين ألى درجة التطابق يبقى مالهاش لازمة=الحكم بالأسلام
الليبرالية تبعد عن الدين أو تتعارض معاه زي السماح بالخمر وتصنيعها والأتجار فيها وأخذ الضرائب من تجارها
تبقى ليبرالية فاسدة
ويبقى مؤيدها مسلم عاص على أقل تقدير
حنا بنتناقش في الواقع الموجود حاليا وليس في التعريف المطلق للشئ وهو ده مربط الفرس.....هل كل الناس مقتنعه بان الاسلام هي الليبراليه في افضل صورها ولا مقتنعه ان وجود الدين تحت اي مسمي مرفوض
كلام جميل جدا ..يبقى بدل ما ندخل " الثيوقراطيه" في كلامنا على انها وماله مش وحش الدين يتدخل في كل شيء ويبقى احنا بدون ان نشعر بندفع بانفسنا الى عصور ما قبل الحضاره اصلا..ليه ما نتجادلش جدال علمي وهاديء على اننا ازاي نوصل لطريقه نفهم بيها الناس ان الاسلام "وده رايي" لا يتعارض مع الليبراليه ولا مدنيه الدوله ولا النظام الديموقراطي الا في بعض الحريات والنقاط الدنيويه اللي راينا فيها كمسلمين انها تتعارض مع مجتمعنا الاسلامي النموذجي الاخلاقي
ولا نتمسك بالتعريف للمصطلحات وننبذ الواقع بكل صوره
على فكره انا لست ضد جماعه معينه ولا فكر معين ولا اتجاه معين..انا مصري ومسلم وبحب بلدي زيكوا كلكوا بالضبط.واتفاقنا يعني اتفاق الكثيرين يعني الخير لبلدنا اولا واخيرا
وفي الاخر برضه انا مسلم ليبرالي مصري الخ..لست كافرا او ملحدا او معارضا للشريعه
أنا عندي حساسية من التكفير ،،
و مازالت مقتنع إن دي مجرد نظم إجتماعية و سياسية و إقتصادية
بالضبط زي ما الصحابة رضوان الله عليهم و هم أفضل منا ملايين المرات
تركوا أمر إدارة الدواوين لأهل البلاد اللي فتحوها و تعاملوا بعملاتهم
و ذلك ليس نقصا أو عيبا في الإسلام
زيها زي البلاك بيري و الآي فون و الكيا سيراتو
مجرد إختراعات بشرية لو استخدمتها بالدين هتكون حلال
لو استخدمتها بما يخالف الدين هتكون حرام
انا متفقه معاك في ده وده تقريبا اللي كل الناس عاوزاه ....لكن الاعلام بغباء اتربي علي مبدا المؤامره ....عمال يركز علي كلام لا انزل الله به من سلطان وده اثر علي ناس كتيير ولخبط المفاهيم عند الناس ....خلاهم يعتقدو ان الاسلام ده هو ايران والسعوديه ( الي في نظري علاقتهم بلاسلام اسميه فقط وليس فعليه)......ده وصل البعض انه لما تتكلم عن حاجه منطقيه اخلاقيه ..يشوفو الاول ده الاسلام بيقولها يبقي نهاجمها......
......................
ومعترضه معاك في مصطلح انك مسلم ليبرالي ...حضرتك مسلم منتمي لدين للاسلامي ولنا جميعا الفخر بهذا
اسلامنا اللي بيحقق كل متطلباتنا في العيش عيشه كريمه ويحترم فيها عقيدتي ويحترم ايصا من يختلف معي
يعني حضرتك لست بحاجه لاضافه كلمه جديده بجانب انك مسلم ......بل بالعكس عندما يقول احدهما لك انك ليبرالي تقوله ...اسلامي وديني يضمن ليه افضل مافي كل العقائد والافكار البشريه وانا لست في حاجه لتاكيدها بكلام وانما افعالي واحكام ديني هي من تضمن للجميع الحياه الصحيحه
................
وعلي فكره انا برضه لا انتمي لاي تيار ....انا مسلمه مصريه افتخر بشده بديني وافتخر بشده ايضا بمصريتي
وبدور لمصر علي افضل شئ في الكون وعندما بحثت لم اجد افضل من ديني لاهديه اليها
بالمختصر المزيد:
حبايبنا اللي شايفين نفسهم ليبراليين أو علمانيين هاسألهم سؤال بسيط:
لو انت مسؤول أو وزير أو عضو نيابي...واتعرض عليك مشروع مفاده إن الخمرة تتباع بالبطاقة...يعني تحت 18 سنة ميشربش (مثلا...ومحدش يمسكلي في المثل)
قرارك هايكون ايه؟
أنا أقولكم:
1- لو رفضت...و رفضك كان قناعة دينية....تبقى ليبرالي و علماني جدع
2- لو وافقت...تبقى لا مؤاخذة ...مش جدع
إخواننا الليبرالين (أو اللي بيصوموا و يصلوا بس مش منتمين للدعوة السلفية أو الاخوان) هيعملوا ايه؟
هايبقوا جدعان و الا لا مؤاخذة مش.....؟