ايه رأيكم في لادا سماره 2004

**nazzal** · 13-06-2011 01:56 AM

السلام عليكم ورحمه الله وبركاته

ازيكم يا اجدع ناس ويا احلي منتدي

اتمني من اهل الخبره افادتي في سياره لادا سماره موديل 2004 جميع الكماليات
السياره حالتها جيده واستعمال نظيف
يا تري ما هو أفضل سعر لها.....وهل ان استطعت ان اشتريها ب 280000 هل هذا سعر جيد أم ان توبها اقل من ذلك أم أكثر ؟
وهل يوجد صعوبه في تعامل الميكانيكيه معها وقطع الغيار وما الي ذلك
افيدوني افادكم الله وجزاكم الله خيرا

**midonbtc** · 14-06-2011 06:42 PM

انا رأى انها عربيه ممتازه واحسن من ال2107 100 مره ...دا رأى وانتظر راى الخبراء

**nazzal** · 15-06-2011 03:38 AM

متشكر ليك جدا وجزاكم الله كل خير علي الرد والاهتمام :))
انا صرفت نظر عنها وبفكر في الفا روميو ......طالعه من عيني علي الرغم من انهم كلهم بيخوفوني منها
ياريت لو حدا عنده خبره في القصه دي يدلني....هي موديل 147 موديل 96 1600 سي سي ومفترض ان حالتها جيده وعلي 30000
حد ممكن يفيدني في سعرها وقطع غيارها وكده ...العربيه تحفه ورخيصه

**Esam Mosaad** · 15-06-2011 04:22 AM

280000

هوا انا عارف انها غلطه بس انت كدا ممكن تودى القسم فى دهيه لو حد شاف الرقم ده

بالنسبه الفا رميو هقولك على حاجه الاول
لو ناوى تجيب بى ام هيخوفوك منها
العربيه ديه انا بحترمها جدا جدا جدا جدا جدا جدا رغم ان المضنع قفل
بس العربيه جميله جدا وقطع غيره امتوفره بس غاليه اكيد

**Esam Mosaad** · 16-06-2011 09:18 AM

ههههههههههه لادا ب أكتر من ربع ملبون جنيه...فعلا خطأ فادح :)
انهي مصنع اللي قفل يا باشا بتاع الالفا وللا البي ام :) وانهي بردو اللي بتحترمها الالفا وللا البي ام...معلش السطر ده وقع مني كله :))
هما بيخوفوني من الالفا عشان قطع غيارها ولان الميكانيكيه مش بيفهموا فيها ...بردو انت قصدت بقطع الغيار المتوفره كانت في الالفا وللا البي ام....؟

ههههههه ممكن تحصل فى يوم ولادا ربنا ينفخ فى صورتها وتعمل حاجه كدا
انا اقصد ان حتى لو حضرتك نويت تشترى بى ام هتلاقى ناس طالعه تخوفك منها
فلو مشيت ورا كلام الناس هتتعب

هوا التوكيل بتعها قفل بس بعد كدا اختدوا شركه كيا

من هننكر ان العربيه عاوز حد فاهم فيها وقطع غيارها موجوده على فكره بس عند ناس معينه وغاليه شويه
بس فى الاول وفى الاخر هيا عربيه جميله جدا جدا جدا جدا وتستاهل بصراحه

وطبعا مع احترامى للادا مفيش وجهه مقارنه

**SHNORY** · 16-06-2011 10:36 PM

السماره 2004 ملهاش قطعه غيار بره التوكيل الا حاجات قليله
الالفا روميو بتبقي علي ما اسمع اصدارات يعني ممكن تشتري مساعد 147 وميركبش علي عربيتك لفروق في المقاسات
قطع غيارها مش غاليه بالنسبه لعمرها وكفائتها
وليا صديق شخصي عنده ورشه ميكانيكا للالفا روميو والعربيات الايطالي بس لو حضرتك جيبتها ومحتاجلها قطع غيار