اول مشكلة ليا مع mmt

**hondaman** · 13-06-2011 07:21 AM

انا معايا العربية موديل 2008 جايبها بقالى سنة ونص للشغل عاملة انهاردة 58 الف وكسور الحمد الله مشتكتش منها لا فى الفتيس ولا اى حاجة حتى يوم الجمعة رحت اسكندرية العربية جبارة على الطريق ال 200 دى سهلة قوى بالنسبلها فى اى وقت مشكلتى بقا مش فى الفتيس بس فى الشيفت بتاع الفتيس اللى فى الدركسيون (-) مش شغال او بيشتغل بمزاجة عكس (+) دة شغال فى اى وقت اية تفتكرو سبب المشكلة وكمان ظهرت رسالة الاير باج لوحدها واعدت اسبوع واختفت ( انا عارف اكيد معنى الرسالة عشان مش موضوعنا ) ودلوقتى يوم تظهر ويوم تختفى عملت بحث كدة على النت واحد كان عندة نفس المشكلة بتاعت الاير باج راح كشف طلع كابل السنسور بايظ واتغير ب 45 دولار بس انا مش مـتأكد من كلامة تفتكرو اية اسباب المشكلتين

**ashrafE51** · 13-06-2011 01:38 PM

المشاركة الأصلية كتبت بواسطة hondaman

انا معايا العربية موديل 2008 جايبها بقالى سنة ونص للشغل عاملة انهاردة 58 الف وكسور الحمد الله مشتكتش منها لا فى الفتيس ولا اى حاجة حتى يوم الجمعة رحت اسكندرية العربية جبارة على الطريق ال 200 دى سهلة قوى بالنسبلها فى اى وقت مشكلتى بقا مش فى الفتيس بس فى الشيفت بتاع الفتيس اللى فى الدركسيون (-) مش شغال او بيشتغل بمزاجة عكس (+) دة شغال فى اى وقت اية تفتكرو سبب المشكلة وكمان ظهرت رسالة الاير باج لوحدها واعدت اسبوع واختفت ( انا عارف اكيد معنى الرسالة عشان مش موضوعنا ) ودلوقتى يوم تظهر ويوم تختفى عملت بحث كدة على النت واحد كان عندة نفس المشكلة بتاعت الاير باج راح كشف طلع كابل السنسور بايظ واتغير ب 45 دولار بس انا مش مـتأكد من كلامة تفتكرو اية اسباب المشكلتين

-- موضوع الشيفت - ( - ) كان عندي لسبب عرفته بعد كده
روحت للتوكيل الموضوع بسيط بغير حاجه في الدريسكيون وبعد كده اشتغل كويس جدا -- السبب - لم تفتح الكونتاكت والعربية في وضع السكون - ودوس علي زرار الشفت ده ممكن يعمل مشكلة في الشفت --

وانا متفق معك ان العربية سحب وقوة ما شاء الله ----- بس ياريت مكونش بعد فترة لما العربية يجيب العداد 120000 تظهر حاجه غريبة .

**hondaman** · 13-06-2011 07:40 PM

طيب منا عمرى معملت كدة الطبيعى انى بجيب n ودوس استارت انجين من غير اى حاجة عير دواسة الفرامل طبعا ولا حضرتك قصدك اية بعدين اية اللى حصل بالظبط عندك وغيرو اية بعدين كمان حاجة خصلت بتاع مرتين كدة بس قولت عادى يعنى زراير الصوت اللى فى الدركسيون كمان مرة تعلى لوحدها او العكس حصلت مرتين بس اديتها خبطة كدة خفيفة راحت المشكلة دة لية علاقة بالشيفت

**hondaman** · 13-06-2011 07:42 PM

وتوضيح صغير المشكلة فى شيفت الدركسيون بس انما الفتيس - او + شغال عشان محدش يقول فتيس ونخش فى الموضوع الفاضى دة

**محمد محمد** · 14-06-2011 01:32 PM

موضوع الشيفتات سهل ان شاء الله حصلت معايا والتوكيل بتاع العبور غيرلي علبة ورا الدركسيون اسمها سبايلر كيبل تقريبا دي بتقوم بكل الوظايف الخاصة بالأدوات اللي ورا الدركسيون زي دراع المطر والأنوار وطبعا الشيفتات.