الترموستات الى بتركب فى الرادياتير
الترموستات هى الى بتحس بدرجة حرارة المياة الى فى الرادياتير و هى الى بتدى الامر علشان المروحة تشتغل
صباع الحرارة الى راكب فى بلوك الموتور دة وظيفتة يديلك قراءة الحرارة فى المؤشر بتاع العدادات
للتجربة فك تماما السلك الى راكب فى صباع الحرارة بتاع الموتور و سخن العربية المؤشر بتاع الحرارة عند فى التابلوة مش حا يشتغل و لا حا يديلك قراءة سخن العربية العمروحة بتاعت الرادياتير حا تشتغل عادى جدا
الى فى الصورة دى مش ترموستات الكوعة دة صباع الحرارة بتاع مؤشر الحرارة الى فى التابلوة
ترموستات الكوعة مش حا تشوفها نهائيا الا لو فكيت الكوعة بتاعت المية و دى ملهاش أى سلوك نهائيا و لو فكيتها ممكن جدا ما تركبش مرة اخرى
ووظيفة ترموستات الكوعة انها بتحجز المياة الساخنة داخل الموتور علشان تحافظ على درجة حرارة المياة و الدرجة المثلى هى 90 درجة مؤية
دة شكل ترموستات الكوعة
http://img829.imageshack.us/img829/2049/16062011558.jpg
دة شكل الفيشة الى بتركب فى الترموستات ال 3 طرف
http://img827.imageshack.us/img827/1783/21062011641.jpg
http://img832.imageshack.us/img832/9803/21062011642.jpg
بص حا أقولك وظيفتها بالتحديد و المزايا و العيوب الى أنا أعرفها
ترموستات الكوعة دى مش حا تشوفها نهائيا بالعين لازم تفك كوعة المية علشان تشوفها
هى الفكرة بتاعتها لما العربية بتكون باردة و تسخنها المية الى حوالين بلوك الموتور ايها درجة حرارة حا نقول 90 درجة مثلا الترموستات دى بتقفل على المية الى بداخل البلوك بتاع الموتور علشان تخلى درجة حرارة الموتور ثابتة على ال 90 درجة بقدر الامكان لما الحرارة بتزيد الترموستات دة بتفتح يقوم الرادياتير و طرمبة المية يشتغلو و يقلبو المية علشان العربية تبرد
لو شيلتها العربية علشان توصل لدرجة ال 90 حا تاخد وقت أطول شوية و كل ما المية تبرد الدورة بتبقى شغالة على طول
الميزة حا تحس أن العربية الحرارة وطيت شوية عن الاول لان الدورة فى حالة تجدد مستمر نسبيا للتبريد
كل الميكانيكية حا يقولو لك شيل ترموستات الكوعة دى معمولة للبلاد الباردة مش للحر بتاع مصر هو دة فى الصيف حا يفيدك شوية فى الشتاء حا تحس ان العربية مش بتسخن بسرعة زى الاول لو شلت الترموستات بتاعت الكوعة
المحصلة النهائية لو العربية عندك بتسخن جامد شيلها لو مظبوطة سيبها ما تشيلهاش
ساعات ترموستات الكوعة دى بتعلق و السبب سخونة شوية فى العربية
بص يا باشا انا عنندي في الردياتير ما فيش ترموستات خالص وصباع الحرارة عندي راكب في كوعة الترموستات وبيقوم بوظيفتين :
1 - قراءة الحرارة بالعدادات.
2 - تشغيل المروحة لانه لما كان بايظ كانت العربية تسخن واشوف على المؤشر انها سخنت ومع ذلك جزئية تشغيل المروحة كانت بايظة ومابتشغلش المروحة ولما غيرنا الصباع المروحة اشتغلت على طول.
مع شكري وتقديري لاهتمامك الغالي.:16: