لانسر.....تاكسى.......أجرة سوهاج......!!

**sab3aawy** · 06-06-2007 09:17 AM

معلش سؤال غريب كدة خطر على بالى

هيا ألوان التاكسى فى سوهاج اسود وابيض زى القاهرة؟

حد يكون له رجل فى سوهاج يجاونبا على المعلومة دى

المعلومة التانية اللى انا حابب اضيفها انى قضيت بعض الوقت فى بنى غازى فى ليبيا، وهناك الوان التاكسى زى الوان تاكس القاهرة بالظبط، اسود فى ابيض ومنها لانسر وكورولا ومرسيدس زلمكة كمان، وكتير منهم بينزلوا الإسكندرية بزباين ، فهل ممكن يكون الأمر اختلط على صاحب الصورة

لأان اللى عرفه ان سيارات التاكسى فى سوهاج ليس لونها اسود فى ابيض، واللى اعرفه برضه ان سيارات التاكسى فى سوهاج معظمها فولجا قديمة والباقى بيجو 504

فياريت حد يضيف لنا اى معلومة فى هذا الصدد

سبعاوى

**amrrashed** · 06-06-2007 10:13 AM

هههههههههه الراجل عاوز حاجة تعيش وتستحمل

وكمان علشان يستخدمها لاغراضه الشخصية

يعنى مع لانسر كسبان كسبان

هو انا اقدر اقول حاجة عن اللانسر دى عربية فوق المقارنة (فى الشارع المصى على الاقل) هى صحيح هتعيش وتستحمل بس الفانوس بالف جنية والاكصدام بالف ونص يعنى لو حد من حرافيش الميكروباس ماركة الدبابة المصرية "راما" مثلا ريح عليه هيصرف اللى بيكسبه فى شهر واكتر.....دا بجانب القسط طبعا

وشكرا لمداخلتك انا عارف ان انت بنهزر

**sokasoon** · 06-06-2007 04:11 PM

[quote="amrrashed"]

هو انا اقدر اقول حاجة عن اللانسر دى عربية فوق المقارنة (فى الشارع المصى على الاقل) هى صحيح هتعيش وتستحمل بس الفانوس بالف جنية والاكصدام بالف ونص يعنى لو حد من حرافيش الميكروباس ماركة الدبابة المصرية "راما" مثلا ريح عليه هيصرف اللى بيكسبه فى شهر واكتر.....دا بجانب القسط طبعا

وشكرا لمداخلتك انا عارف ان انت بنهزر

هههههههههههه طبعاااا بهزر :mrgreen:

وكلامك مظبووط هيدفع الفلوس اللى هيكسبها تصليح اخطاء الميكروباصات

**bassam nagy** · 06-06-2007 06:39 PM

واللة كويس اشترى عربية تستحمل بس المفروض يشتغل بيها مشواير المطار مش شغل محافظات عشان يعرف يجيب ثمنها

**vooooo** · 06-06-2007 07:18 PM

مش غريبه ولا حاجه
شرم الشيخ فيها تاكسى تويوتا كورولا و تويوتا ياريس و طبعآ اللنسر و كتير قوى منها
و فيه اوبترا كمان
الغردقه فيها اكسنت و فولكس باراتى و لانوس و نوبيرا و النترا الجديده كمان
ايه تانى ايه تانى؟
مش فاكر بس دى حاجه جميله ان تلاقى تاكسى نضيف تركبه احسن من العربيات المهكعه اللى بتجرى فى القاهره
ملحوظه
سواقين تاكسى اللانسر و التويوتا مش هيقفوا لأى حد يعنى لازم تكون شيك جدآ علشان يحسوا انك هتدفع ببذخ
و ياسلام لو اجنبى ده يقفولوا و يضربوله تعظيم سلام و لو باين انه متردد انه يركب التاكسى او مش عايز أساسآ يفضل يفاصل معاه و ممكن يوصله مشواره بأقل من التسعيره اللى هياخدها من المصرى
مش عارف الحكمه فى دى ايه بس فعلآ هم بيعملوا كده فى المناطق السياحيه

**WaelSalim** · 22-10-2007 12:28 PM

هي فعلا تاكسي من ليبيا..
لأني في القارة كنت باشوف تاكسي نوبيرا واكتشفت في الاخر انها تاكسي الجماهيرية..

**أبو عبدالله** · 22-10-2007 03:48 PM

يا جماعه في دمياط والسويس والأسماعيليه
كلهم موجود عندهم تاكسي لانسر 2007 وكورولا 2006او 2005او 2007

وانا شوفتهم بعيني

**limo** · 22-10-2007 03:57 PM

يمكن علشان المدن ده صغيره مش زى القاهره فبتالى العربيات مش هتستهلك زى القاهره
كمان اعتقد ان تكاليف المعيشه فى المدن ده مش غاليه زى القاهره

فممكن تكون ده اسباب وجود بعض السيارات الحديثه فى المدن ده

**zozza** · 22-10-2007 04:03 PM

يا جماعة كل تاكسيات الغردقة لانسر و فيرنا و أكسنت ( الشكل القديم ) و لانوس .

+1

يا جماعه في دمياط والسويس والأسماعيليه
كلهم موجود عندهم تاكسي لانسر 2007 وكورولا 2006او 2005او 2007

الغردقه فيها اكسنت و فولكس باراتى و لانوس و نوبيرا و النترا الجديده كمان

+1

**Dr Ahmed** · 22-10-2007 04:30 PM

بس الفانوس بالف جنية والاكصدام بالف ونص يعنى

وهو سواق التاكسى هيروح يجيبهم من التوكيل؟؟

هيجيب الفانوس التايوانى أبو 250 من التوفيقية والرفرف أبو 200 من الحرفيين

الموضوع: لانسر.....تاكسى.......أجرة سوهاج......!!

LinkBack

أدوات الموضوع

عرض

-

-

-

-

-

المواضيع المتشابهه

ترخيص تويوتا أجرة بين المحافظات

تاكسى القاهره تاكسى العاصمه !!

سوهاج

الكلمات الدلالية لهذا الموضوع

المفضلات

المفضلات

ضوابط المشاركة