موضوع جميل جداااا
عرض للطباعة
موضوع جميل جداااا
على فكره ياجماعه انا عملت الموضوع للى حاسس ان العربيه سحبها ضعيف و بالفعل تصميم البدال فى السيفيك رأسى يديبلك احساس انه تقيل و خصوصا للناس اللى حجم رجلها صغير بعكس باقى العربيات اللى دواستها افقيه زى الفرامل وعشان تتخيلوا الموضوع حط قدامك قزازه مياه و حاول توقعها من غير ما تحركها هتلقى لازم تخبطها من اعلى نقطه فيها
اما بالنسبه ان الواحد يدوس و يسيب و يرجع يدوس انا شايف ان ده لا يناسب الاوتوماتيك لانك بمجرد ما بتشيل رجلك العربيه بتاخد الغيار الاعلى و اشكر ليكو اهتمامكم
1- عيب الواحد يرد عليك بالكلام لاني خلقي ديق اوي وبالذات في الفتي
نرجو الالتزام بأدب الحوار ولو خلق حضرتك ضيق يفضل عدم المشاركة اصلا بأي تعليق حتى لا تتعرض للوقف
2- لو مش عارف حاجه قول مش عارف احسن من الخزعبلات اللي بتتقال لان فيه ناس بتكلمني وصدقت الكلام ده
من حق العضو ابداء وجهة نظره وما ذكرته حضرتك يعتبر شخصنة وتطاول مرفوض ولا نقبل به في المنتدى حتى لو مع حضرتك دكتوراه في ميكانيكا الهوندا
3- يرجى من الاداره الغاء الموضوع لان فيه مغالطات كتيره سواء من كاتب الموضوع او من الردود
ليس من حقك الحجر على آراء الآخرين ولكن من حقك تماما الاعتراض بشكل يليق بأدب الحوار
4- على العموم الرد في الموقع ده ولو فيه حد عنده خلق يترجم ويرد على الباشا
Technical Overview of Honda's new R18 i-VTEC Implementation
المنتدى ليس call center لشركة هوندا بحيث ان من يكتب فيه يجب ان يكون كلامه صحيح 100% وانما هو مكان للحوار وابداء الرأي والتجارب الشخصية للأعضاء ومن حق الجميع المشاركة والاعتراض
مشرف الياباني
5أ
يأستاذ hlmnz ماينفعش الرد دة خالص اهدى شوية ومش كدة الراجل حتى لو قال حاجة هو حاسسها بس اكيد ماعرفش يوصلها او ممكن يكون عندة عيب فى العربية وفاكر انها كلها كدة
ياريت بس نهدى شوية احنا كلنا اخوات واسلوب الحوار لا يجوز فى قسم الهوندا ابدا
ياريت تتقبل كلامى انا عارف انكم راجل محترم ومش مصدق الصراحة ان الكلام يطلع منك اعذرنى انا بكلمك كأخ
يا استاذ سمسم ماينفعش المواضيع ديه تتكتب عيب اوي اوي اوي ولو في اي منتدى تاني كانت الادراه قفلوه من زمان لان فيه ناس على قدها في المعلومات عن السيفيك فتروح انت كاتب معلومه غلط وكارثه بكل الاشكال في نفس الوقت الناس اللي بره بتتكلم ازاي نحل التسارع في مواتير Rعن طريق تغيير torque cam وانها مشكله حتى بعد تركيب التربو ومحاولات كل يوم في مكان مختلف وبعدين واحد يطلعلك يقلك دواسه:untitled 1:
حط نفسك مكاني وانت بتقرا المواضيع
لازم نحارب الموضوعات ديه شويه ونحاول نتكلم في حاجات مفيده
ياباشا دلوقتى المنتدى دة معمول لية عشان الواحد يقول معلومات يفيد بيها غيرة + اضافة معلومات لية عن طريق الاخرين والمناقشات + اى شخص عندة مشكلة ومالوش خبرة فى السيارات او مش عايز حد يضحك علية
يبقى احنا دورنا اننا نعرفة وساعتها هيبعت شكر ويقول ويقتنع بالصح
ياريت ياباشا تشوف الصح وتعملة تجاة الاخ صاحب الموضوع
نو كومنت
نو كومنت
نو كومنت
معلش حضرتك الراجل بيتكلم بنية صافية جدا
وبيقول معلومة حب يفيد بيها الاعضاء
مش معنى ان حضرتك متمكن وفاهم اوى فى الهوندا انك تمنع اى حد من انه يتكلم ويقول رايه
حتى ولو كان غلط!
كلنا بنتعلم ولانا ولا انتا ولاغيرنا اتولدوا شاربين المعلومات فى محلول يعنى
فى حاجة اسمها مناقشة
وياتفهمنى الصح يا اقنعك بوجه نظرى
انا اول مرة اشارك فى قسم الهوندا
لان فعلا ردك مستفز جدا:angry06:
ياجماعة بعد اذنكوا اى رد فى الموضوع يكون بطريقة وباسلوب كويس يعرض وجهة النظر والاعتراض بصورة لائقة
ولو لقيت تجاوزات تانى هطلب من الادارة بحذف الموضوع نهائيا