تجربتى مع سحب السيفيك

**hany63** · 13-06-2011 01:21 PM

[OVERLINE]
صباح الخير ياشباب
اسمحوا لى اقولكم على حاجه بسيطه بس بصراحه فرقت معايا كتير فى السحب
انا معاى سيفيك 2010 vti و كنت دايما حاسس ان سحبها ضعيف و دايما تنقل بدرى غصب عنى يعنى باختصار العربيه تقيله ومش فايقه رغم اني غيرت فلتر الهوا ل k&n ستوك
وكشفت عليها فى التوكيل قالوا كله تمام لدرجة انى كنت باكلم نفسى و اقول معقوله دى الهوندا اللى كل الناس بتحكى عليها؟
لحد ما جه اليوم اللى اكتشفت السبب
السبب طلع فى تصميم بدال السرعه ما تستغربوش
كلنا متعودين من زمان فى السواقه على ارتكاز القدم اليمنى على الكعب امام دواسة الفرامل مباشره وعند الضغط على بدال السرعه تاخذ القدم زاويه 45 درجه لان الحركه تكون بمشط القدم فقط لان الكعب ثابت وهنا المشكله
لأن بدال السرعه مرتكز على الارضيه زى الالمانى وبالتالى هندسيا هاتكون الدوسه ضعيفه مهما ضغطت لان مكان الضغط فى النصف الاسفل من البدال و بطرف القدم مهما ظبطت الكرسي و بالتالى يترجم هذا الى قياده اقتصاديه من وحدة ECU
غصب عنك

و لتلافى ذلك يتم الضغط على بدال السرعه بكامل القدم اى وضع الكعب امام البدال و عند استخدام الفرامل يجب سحب القدم للخلف قليلا باتجاه الفرامل ثم الضغط على الفرامل و هكذا وسوف يترجم هذا الى قياده رياضيه من ECU

وفى حالة الزحام تتم القياده بالاسلوب المعتاد
بصراحه يا جماعه العربيه اتغيرت 180 درجه و بقت ممتعه فى السواقه بس خلوا بالكوا كويس و انتوا بتجربوا ويا ريت يكون فى حته فاضيه في الاول واسف انى ازعجتكم

**masterzmind** · 13-06-2011 01:29 PM

بص يا باشا معلش يعنى انا مش مقتنع بكلام دة واستنى رائى الاعضاء

**medododo** · 13-06-2011 01:41 PM

متابع بإستغراب

**yasserelsayad** · 13-06-2011 01:46 PM

تقريبا كل الموضوع ان انت لما بتدوس على الدواسة بكل رجلك بتحرق اسرع على الغيار عشان دوستك بتكون تقيلة شوية ودا اللى مديك الاحساس دا .. اصل الدواسة عندى كدا باردوا فى البى ام

**hany63** · 13-06-2011 03:33 PM

وعلى فكره مش انها بقت بتسحب بس انما العربيه بقت فايقه جدا

**SAMEH_FOUAD** · 13-06-2011 04:47 PM

شوف ياباشا هو عربيتك مافيهاش economy mode عشان تعمل كدة انك على حسب دوستك توفرلك فى البنزين لأ هو الطبيعى فى الهوندا انك لما بتعود العربية على اسلوب قيادة بتخلى الكمبيوتر ينقل بدرى لان رجلك خفيفة والاربى ام بيرتفع بالراحة فبيضطر ينقل والعربية لسة عزمها مش قوى عشان كدة انت بتحس ان العربية مخنوقة

لكن لما انت دوست جامد بتقل رجلك خليت العزم يطلع لانك زود بنزين فى اول طلعة ولسة العربية على الترس الاول وبالتالى امر النقل بقى اسرع عشان كدة بقى بيجمع احسن

وعلى فكرة لو عايز تسوق من غير ماتغير وضعية رجلك يبقى حرك مشط رجلك فقط وشوف النتيجة هتلاقيها احسن وأأمن من الطريقة اللى حضرتك بتقولها ومش محتاج تتعود عليها

وبعدين عشان تخرج طاقة الماتور صح من فتيس اتوماتيك اوعى تضغط مرة واحدة لأ دوس نص دوسة وسيب ودوس نص دوسة وسيب كدة الكمبيوتر فهم انك هتسوق رياضى وهيضطر يزود الهواء عشان يكفى نسبة البنزين اللى دخلت وبالتالى سحب واداء اعلى يارب اكون قدرت اشرح طريقة قيادة السيفيك 2010 والحصول على اعلى تسارع , وعلى فكرة نفس الطريقة تتطبق على الاجيال السابقة من السيفيك او اى موديل من هوندا سابق

**medo12** · 14-06-2011 04:45 AM

الهوندا زي الفل ماشاء الله وانا معايا 2010 والله اكبر ماشاء الله ماشيه زي الفل موضوع غريب فعلا يعني

**tarekomar66** · 14-06-2011 10:11 AM

++1

الموضوع: تجربتى مع سحب السيفيك

LinkBack

أدوات الموضوع

عرض

-

المواضيع المتشابهه

لملاك السيفيك :عاوز اعمل استفتاء بخصوص ارتفاع السيفيك 2009 عن الارض ايه رايكم فيه؟

السيفيك

سعر السيفيك كام يا ترا؟؟؟؟؟؟؟؟؟؟؟؟؟؟

تجربتى مع السيفيك ورأى فى الكورولا :

الى مالكى السيفيك....حاجز السيفيك و محتاج مساعدتكم جدا جدا جدا جدا

الكلمات الدلالية لهذا الموضوع

المفضلات

المفضلات

ضوابط المشاركة