ايهما افضل الريداتير النحاس ام الريداتير الالامونيا ؟
عرض للطباعة
ايهما افضل الريداتير النحاس ام الريداتير الالامونيا ؟
الالومنيوم معدل تبريده اعلى لاكن صعب الصيانه (لو اتخرم ارمى)
النحاس تبريده اقل من الالومنيوم بس سهل جدا فى الصيانه
لو لل128 يبقى عليك والنحاس
شكرا على ردك
لو المسألة المونيوم ونحاس كخامات خالصة
يبقى رقم واحد والأفضل بلا منافس هو النحاس
ثم يليه في المرتبة الثانية الألمونيوم
يبقى النحاس أفضل من الألمونيوم
لكن السؤال الأهم
هل الرادياتير الذي يباع في السوق ويقال عليه نحاس
هل هو فعلاً نحاس بخامة نحاس نقية وجيدة
أم أنه خليط من المعادن
طيب نسبة النحاس فيه كام
طيب الخامة مدى جودتها إيه
والسؤال الثاني
هل الرادياتير الذي يباع ويقال عليه ألمونيوم
هل هو فعلاً ألمونيوم أم أنه خليط من المكونات ومنها الالمونيوم
طيب نسبة الألمونيوم فيه كام
طيب الخامة مدى جودتها إيه
هنا من إجابة هذا السؤال نقدر نحدد فين أفضل ردياتير
ممكن رادياتير نحاس بخامة ضعيفة ورديئة ورادياتير ألمونيوم بخامة ممتازة
هنا يتفوق الألمونيوم
رغم انه في الطبيعة وفي الخامة الممتازة للطرفين يستحيل أن يتفوق الألمونيوم على النحاس
-
بسم الله الرحمن الرحيم
الاجابة الردياتير النحاس
بس احنا يا باشا كن درسنا من خواص المواد(خواص فيزيائيه)
قدره الالومنيوم على طرد الحراره عاليه جدا
قدره النحاس على امتصاص الحراره عاليه جدا
اذا كانت المادتين نقيين فالمفروض ان الالومنيوم اعلى لانه بيطرد الحراره
العربيات الجديده بتنزل الومنيوم عشان قدرته على طرد الحراره اعلى
لاحظ ان افضل انظمه التبريد فى الاليكترونيات الومنيوم زى الكمبيوتر والجى امات
تمام كدا .. كلام 100 /100اقتباس:
بس احنا يا باشا كن درسنا من خواص المواد(خواص فيزيائيه)
قدره الالومنيوم على طرد الحراره عاليه جدا
قدره النحاس على امتصاص الحراره عاليه جدا
اذا كانت المادتين نقيين فالمفروض ان الالومنيوم اعلى لانه بيطرد الحراره
العربيات الجديده بتنزل الومنيوم عشان قدرته على طرد الحراره اعلى
لاحظ ان افضل انظمه التبريد فى الاليكترونيات الومنيوم زى الكمبيوتر والجى امات
لي تجربة ذات ذكريات صعبة في هذا السؤال .............الناس اقنعتني ان الراديتاير النحاس افضل ............ رحت غيرت علي طوال من المونيوم 2 ماسورة الى نحاس 3 ماسورة كانت النتيجة كالاتي :-
أن العربية بتبرد وشغالة زى الفل + تشغيل التكييف وخاصة في عز الزحمة وداخل وسط البلد ؟؟؟؟؟؟؟؟؟؟؟؟؟؟؟ اما في الطريق الطوالي / السفر العربية بتولع نار بعد اي مشورا أكثر من 6 كم متواصلة .
الحل
بعد نصيحة احد الاصدقاء غيرت الراديتير النحاس الى رادياتير المونيوم ( صينى ) وليس الاصلى والمفاجأة ان العربية اتظبت وبقت عال العال ؟؟؟؟؟؟
وان المشكلة زى ماقلى صديقى ان الريديتير النحاس كويس للعربية القديمة التى لاتجرى ان حرارة المتور تبقى وطيه طبيعى ولذلك النحاس بيعمل الازم .
ام العربية الحديثة الحرارة عالية 90 درجة ولازملها راياتير المونيوم لانه بيبرد بسرعة .
وده رابط موضوع قديم
http://www.nilemotors.net/Nile/30091-a.html
انا بقى العربية عندى العكس فى الجرى بتبرد و فى الزحمة بتسخن مع العلم ان المروحة شغالة 100 %
الريداتير عندى نحاس
و المية كملة
المؤشر عندى بيعلى عن ال 90 بسنة مع العلم ان دا عادى فى ال 128 بس انا عايز اعالج الحوار دة لان العربية دى لما نزلت نزلت او انتجت فى بلاد الجليد و حوار الحرارة دا مكنش عملهم مشكلة فعشان كدة و هما بيصنعو معملوش حسااب الحر و طبعا احنا استوردنا و بسم الله ما شاء الله العربية بتسخن ودا طبعا بياثر على الجوانات .
عشان كدة انا فكرت فى مبرد الزيت اللى هوا عبارة عن سربنتينة شكل الريداتير بس اصغر تعمل على تبريد الزيت بدورة للزيت خارج الماتور و رجوعة بارد الى الماتور بس نزلت عزبة شلبى لئيت السربنتينة بس ملائتش الفلانشة اللى بتركب قبل فلتر الزيت الى منها الزيت هيروح للسربنتينة و هيرجع تانى من السربنتينة للماتور.
عشان كدة فكرت فى حوار الريداتير بس مش عارفييين اهو نوصل لحل نهائى.
الالمونيوم افضل فى طرد الحراره بالمقارنه مع النحاس والحديد
اما بالنسبه للتاكل الحديد ثم الالمونيم ثم النحاس
الافضل هو النحاس بصفه عامه