ده اللي هوة فين ده يا جماعة؟
عرض للطباعة
ده اللي هوة فين ده يا جماعة؟
الصعيد الشرقى
من شهر فبراير و انا رايح جاي عليه مرتين أسبوعيا و احيانا 3 مرات القاهرة بني سويف و لا فيه اي حاجة و طريق رايق و بسافر بالليل متأخر و الفجر و الظهر و لا فيه أي مشاكل و لو مش مصدق انا ممكن اسافر معاك بعربيتي السبت الفجر .
الأسبوع اللي فات العربية عطلت و سبتها بعد البوابة من السبت الى التلاتاء و رحت جريتها بالعربية البطة و مفيش حاجة نقصت منها و كله تمام
متصدقش أي كلام من الكلام الفارغ بتاع قطاع الطرق ده خالص
انا سافرت الفيوم من بني سويف الساعة 2 بالليل و الطريق زراعي رايح جاي و لا فيه حاجة
و كمان سافرت من جرزا ( الوصلة من الزراعي للصحراوي الغربي ) برضه من غير أي مشاكل
و ربنا يستر طريقنا كلنا
فيه اشعات كتير ياجماعه
بس برده لامانع من اخذ الحذر
بلاش السفر بالليل على الاقل
انا لسه واصل من بني سويف
طلعت الساعة 10 و وصلت مدينة نصر 12 بالليل
و الطريق مليان عربات ملاكي , ميكروباص , نقل بانواعه
و الله العظيم امان و مفيش اي حاحة من الكلام الفارغ ده كله
و عشان تطمن اطلع لحد كمين 15 مايو و شوف عدد العربيات اللي جاية مصر او مسافرة .
بقولكم ايه ياجماعه لو عايز اروح المنيا اروح ازاي من القاهره؟
انا سمعت فيه طريق شرقي وطريق غربي تقريبا
ايه الوصفه الصح والاسهل والاسرع اللي اروح بيها المنيا من القاهره؟
اللي هيفرق معاك انت فين و رايح فين
يعني لو انت ساكن في الجيزة و رايح المنيا المحافظة يبقى تروح من الطريق الغربي
لكن لو ساكن في مدينة نصر أو القاهرة يبقى الأفضل انك تروح من الطريق الشرقي او من طريق الكريمات
هتاخد الأوتوستراد لحد 15 مايو و من هناك هتكمل على طول و تاخد طريق الكريمات و تفضل فيه لحد ما توصل كمين الصفا اللي في مدخل المنيا المحافظة
عشان تاخد الطريق الغربي :
هتاخد الهرم أو فيصل لو انت في الجيزة ( محور المنيب لو انت جاي نت المعادي أو الدائري لو جاي من الناحية العاشر أو 26 بولبو لو من وسط البلد ) و هتروح ميدان الرماية و منه تاخد طريق الفيوم الصحراوي لحد ما تلاقي يافطة طريق أسيوط الغربي و هتلف و ترجع و تاخد الطريق ده لحد مدخل المنيا .
عشان تاخد الطريق الشرقي هتاخد الأوتوستراد باتجاه حلوان و تكمل لخد 15 مايو و هتكمل برضه لحد ما تلاقي كوبري بداية طريق الكريمات و منها لحد مدخل المنيا .
الغربي أسهل لو انت رايح مركز من المراكز لكن لو رايح المنيا نفسها و انت ساكن في مدينة نصر أو المعادي يبقى الأحسن و الأقرب و الأسرع طريق الكريمات أو الطريق الشرقي .