تحذير واجب لمالكى هيونداى

**Karimtarek1993** · 16-06-2011 02:35 AM

أنا بعد صيانة ال15000 بعد الاستلام لقيتهم سايبين النور العالى و الانتظار شغالين الله أعلم من أمتة مع العلم ان العربية قعدت كذا يوم. ياريت بقى كفاية الاهمال ده و راعوا ربنا.

**enghany** · 16-06-2011 01:58 PM

شوف يا ا-ايمن

كل اللي هاقدر اقهولك اننا ممكن تتخبط عندنا العربيه وسبق ووضحت ابه اللي بيحصل لو لاقدر الله حصل كده لكن حضرتك المره الجايه تمم علي عربيتك قبل ما تمشي و راجعها مع الاستقبال تلافيا لاي خطا و العربيه لو خرجت من التوكيل ماينفعش نتكلم علي الخبطات لان في ناس كوبيه و في ناس مش كويسه كمان ممكن تقبل علي نفسها و هذا الكلام عام مش علي اي حد و انا لم اشكك في اخلاقك لان حضرتك كنت بمنتهي الادب و الاحترام معايا في التعامل و زي ما قلتلك اهلا بيك في اي وقت و برضه و بالنسبه ااعربيه فداك الف خبطه المهم سلامتك و اهلا وسهلا بيك في اي وقت و باي عضو تحت امره لاني اخدم الناس عامه البعيد قبل القريب و شكرررا

**meshmesh_egypt** · 16-06-2011 02:18 PM

انا عن نفسى بطلت اتعامل مع التوكيل من بعد صيانة ال 20 الف
وبقيت بشترى قطعة الغيار الاصلى من التوكيل او منفذ بيع معتمد واركب عند ميكانيكى محترم قدام عينى
انما فى التوكيل مش بيخلوك تشوف حاجه وتطلع العربيه متعملهاش اى صيانه لدرجة انى لما روحت للميكانيكى بره لاقيت حاجات كانت المفروض انها تتفك يتعملها صيانه مربوطه ربطة فبريكه ومحدش جه جنبها ولا عملها صيانه فى التوكيل وفى الاخر بيدفعوك دم قلبك ويأخروك اليوم كله وهما راكنين العربيه جنبهم مش بيعلموا فيها حاجه

**Karimtarek1993** · 16-06-2011 04:29 PM

المشاركة الأصلية كتبت بواسطة meshmesh_egypt

انا عن نفسى بطلت اتعامل مع التوكيل من بعد صيانة ال 20 الف
وبقيت بشترى قطعة الغيار الاصلى من التوكيل او منفذ بيع معتمد واركب عند ميكانيكى محترم قدام عينى
انما فى التوكيل مش بيخلوك تشوف حاجه وتطلع العربيه متعملهاش اى صيانه لدرجة انى لما روحت للميكانيكى بره لاقيت حاجات كانت المفروض انها تتفك يتعملها صيانه مربوطه ربطة فبريكه ومحدش جه جنبها ولا عملها صيانه فى التوكيل وفى الاخر بيدفعوك دم قلبك ويأخروك اليوم كله وهما راكنين العربيه جنبهم مش بيعلموا فيها حاجه

+1

**eng:ahmed** · 16-06-2011 04:48 PM

هما مرتين اتنين بالعدد روحت فيهم التوكيل و بعد كده شكرا هي ناقصة حرقة دم و تضييع وقت وسرقة عيني عينك كمان

**meza** · 16-06-2011 04:56 PM

نفس الحكاية حصلت معايا بالظبط فى هياكل قليوب ... العربية كانت عندهم بتتصلح من خبطة و لقيت الفانوس اللى ورا يمين شفته مكسورة و ملزوقة و فيه حكة فى الإكصدام ... جبت المهندس و راح غيره بواحد تانى .. ببص عليه لقيته جايبه قديم (مستعمل) متجرح و العربية مكنتش كملت 3 شهور بفوانيسها و جديده تماماً .... المهم قلتله لأ هات واحد جديد .... قاللى إحنا أخدنا منك واحد مستعمل و نديلك واخد مستعمل!!!!!!!!

منتهى الإستهتار بالعميل ... و طبعاً ولا أخدت منهم ولا حق ولا باطل!

إن شاء الله ما أعتب مراكزهم تانى .. انا بعمل صيانة بره فى مراكز معتمدة و بريح دماغى.

**Ayman-Ahmed** · 17-06-2011 11:36 AM

المشاركة الأصلية كتبت بواسطة enghany

شوف يا ا-ايمن

كل اللي هاقدر اقهولك اننا ممكن تتخبط عندنا العربيه وسبق ووضحت ابه اللي بيحصل لو لاقدر الله حصل كده لكن حضرتك المره الجايه تمم علي عربيتك قبل ما تمشي و راجعها مع الاستقبال تلافيا لاي خطا و العربيه لو خرجت من التوكيل ماينفعش نتكلم علي الخبطات لان في ناس كوبيه و في ناس مش كويسه كمان ممكن تقبل علي نفسها و هذا الكلام عام مش علي اي حد و انا لم اشكك في اخلاقك لان حضرتك كنت بمنتهي الادب و الاحترام معايا في التعامل و زي ما قلتلك اهلا بيك في اي وقت و برضه و بالنسبه ااعربيه فداك الف خبطه المهم سلامتك و اهلا وسهلا بيك في اي وقت و باي عضو تحت امره لاني اخدم الناس عامه البعيد قبل القريب و شكرررا

طيب.

المشاركة الأصلية كتبت بواسطة meza

نفس الحكاية حصلت معايا بالظبط فى هياكل قليوب ... العربية كانت عندهم بتتصلح من خبطة و لقيت الفانوس اللى ورا يمين شفته مكسورة و ملزوقة و فيه حكة فى الإكصدام ... جبت المهندس و راح غيره بواحد تانى .. ببص عليه لقيته جايبه قديم (مستعمل) متجرح و العربية مكنتش كملت 3 شهور بفوانيسها و جديده تماماً .... المهم قلتله لأ هات واحد جديد .... قاللى إحنا أخدنا منك واحد مستعمل و نديلك واخد مستعمل!!!!!!!!

منتهى الإستهتار بالعميل ... و طبعاً ولا أخدت منهم ولا حق ولا باطل!

إن شاء الله ما أعتب مراكزهم تانى .. انا بعمل صيانة بره فى مراكز معتمدة و بريح دماغى.

لا حول ولا قوة الا بالله.نفس الموضوع بس عندى فى الشمال.وانا للاسف مشيكتش على العربية .وطبعا لاننى خارج من توكيل مش من ورشة فبعد كدة بامر الله هفليها.

**medododo** · 17-06-2011 11:43 AM

حضرتك عربيتك اتخبطت والاخ في المشاركة دي عربيته اتسرقت
http://www.nilemotors.net/Nile/226637-a.html

الله يصبركم

**Ayman-Ahmed** · 17-06-2011 11:51 AM

http://www.nilemotors.net/Nile/226637-a.html
http://www.nilemotors.net/Nile/223533-a.html
http://www.nilemotors.net/Nile/225168-a.html
http://www.nilemotors.net/Nile/223932-a.html

والمواضيع ديه تثبت وجهة نظر المهندس هانى انه توكيل مش ورشة.

حسبى الله ونعم الوكيل فى كل من استهتر ويستهتر باموال وممتلكات الغير.

**Amro_ON** · 17-06-2011 05:59 PM

الحمد لله على كل حال ...والحمدلله ان انت كويس وربنا يمكن يكون فداك من حاجه أكبر

أ/أيمن أحترم ان انت اعترفت انك غلطان قوي ان انت مشيكتش على العربيه قبل ما تخرج وخصوصا انك لقيت الفوطه الزفره والوش الفنوس مفكوكين وافترت حسن النيه وأنا عارفك كويس واتعاملت معاك في بيع وشراء ومتأكد ان انت بتقول الحقيقه. وكويس انك نبهت أعضاء المنتدى عشان كل واحد ياخد باله كويس.

أنا لو مكانك واكتشفت الموضوع بعدين كده. أولا لازم أتحمل مسؤولية غلطتي لأني مشيكتش كويس قبل مخرج هتقولي لو توكيل محترم مفروض ميخلنيش أخرج بالعربيه كدا, صح بس للأسف الاخلاق الجميله دي لسه مش موجوده عندنا وكل واحد بيخاف على رزقه حتى لو اطر يزور او يكدب أو يداري اللي عمله. انا كل كنت هعمله هتصل بالتوكيل وقله وطبعا كان هينكر وللأسف فحالتك كان انكاره حاد جدا وبطريقه مش زوق خالص, صحيح هو ميعرفش مين أ-أيمن بس مش بطريقه دي
طبعا كان هيتحرق دمي بس خلاص لازم اتحمل غلطتي وكنت هحتسب الموضوع ده عند ربنا وربنا ان شاء الله هيجبلي حقي سواء في الدنيا أو الاخره

بالنسبه للمهندس هاني انا متعملتش معاه قبل كدا بس باين ان الراجل عاوز يخدم لوجه الله وفعلا دا تم مع اعضاء المنتدى وله خالص الشكر سواء من الاعضاء أو ادارة المنتدى على تعبه وحرام بجد حرام ان نشيله اللي بيحصل في غبور او غلطه ملوش يد فيها. الراجل عمل اللي عليه وسأل زميله اللي قله ان العربيه محصلهاش حاجه قدامه ويمكن جدا العمال خبو الموضوع عن المهندس كمان للأسف. المهندس هاني مشهيعلقلهم الفلكه عشان يعترفوا ... هما وضميرهم.

الخلاصه, يا ريت الموضوع ميكبرش أكتر من اللازم وخصوصا ان سواء ا/أيمن أو البشمهندس هاني التنين ناس محترمين وزوق جدا جدا جدا جدا بشهادة نفسهم لبعض :)

أنا بشكر جدا أ/أيمن على تنبيهه لينا حتى انا مكنتش بشيك على العربيه بعد الصيانه ..... يا ريت كل واحد يشيك على عربيته كويس قبل ميخدها من الصيانه سواء في التوكيل أو حتى مركز خدمه معتمد.... قليل جدا اما حد بيتحمل مسؤؤلية غلطه في البلد دي

الموضوع: تحذير واجب لمالكى هيونداى

LinkBack

أدوات الموضوع

عرض

-

-

-

-

-

المواضيع المتشابهه

لمالكى هيونداى اكسيل فقط

تحذير واجب

هام.لمالكى هيونداى

تحذير لمالكى البومه

تحذير هام لمالكى الfrv

الكلمات الدلالية لهذا الموضوع

المفضلات

المفضلات

ضوابط المشاركة