استفسارات من مالكى النترا

**capo_em** · 14-06-2011 01:05 AM

بسم الله الرحمن الرحيم
الإخوة الكرام أعضاء المنتدى العظيم ، الحمد لله جبت النترا 2011 ماشية 24000 خليجى أوتوماتيك ، كنت عاوز أعمل فيها شوية حاجات عشان أحافظ عليها أكبر وقت ممكن ، فقررت انى أحط لزق أبيض على السقف والكبوت والشنطة زى الشركة بس ناس خوفتنى منه وقالت بلاش ، هى فيها لزق بسيط على السقف ، عاوزكم بقى تقولولى الزق فين وايه وبكام والالوان ، أنا عربيتى فضى وعاوز أظبطها ظبطة كويسة ، وبالنسبة لطقم النيكل اللى بيطحط على الفوانيس بكام ؟ وكل واحد حاطط حاجة فى عربيته او عامل حاجة اريت يقول ويفيدنى ويفيد الاعضاء وياريت بالصور وانا كمان هقولكم على التطورات لو فى أى جديد
تحياتى ليكم جميعا

**capo_em** · 14-06-2011 11:34 AM

Up
قولوا لا اله الا الله

**capo_em** · 14-06-2011 08:26 PM

up
لا اله الا الله
برجاء الرد

**Kareem.ElAraby** · 14-06-2011 11:30 PM

مبروك يا باشا علي العربيه و يديك خيرا و يكفيك شرها
انزل التوفيقيه عند محمد ابراهيم/ مول السجان أو شارع دمشق و هتلاقي كل اللي ممكن تتخيله موجود بس الديا مغريه لما تنزل و هتلاقيك بتصرف فما ترجعش تدعي عليا :]
انا جبت طقم الاكر النيكل ب50 من عند محمد ابراهيم بس, أصل كانت الفلوس معجزه معايا
انزل و اتفرج و ابقي قولنا الاسعار عامله ازاي

**Hacker5** · 15-06-2011 12:14 AM

حضرتك انا ركبت طقم النواكل الخارجى كله ما عدا الفوانيس عشان مش بيعجبنى حوالى 140 او 150 مش فاكر بالظبط
نيكل المرايات (يعتبر برضو حامى للمريات من التجريح و الخبط ) و نيكل المقابض و نيكل الشراعة الخلفية
و فيه نيكل تانى بفكر اجيبه بيتحط على داير الابواب زى الباسات و الجيتا كدة بيعمل شكل جامد اوى للعربية و يديها طابع الفخامة
زى كدة

**capo_em** · 16-06-2011 06:05 AM

الله يبارك فيك يا nfs_206 لا يا مش هدعى عليك متقلقش وهدعيلك كمان ان ربنا يباركلك
ان شاء الله هنزل على اخر الشهر
شكرا ليك يا Hacker5 لكن على فكرة انا شوفت النيكل اللى على داير الابواب 350 جنيه ياريت تقولى شوفته بكام

**Kareem.ElAraby** · 16-06-2011 11:52 AM

350 جنيه !!
مش كتير شويه

**capo_em** · 16-06-2011 09:34 PM

المشاركة الأصلية كتبت بواسطة nfs_206

350 جنيه !!
مش كتير شويه

حاول تسألى الله يكرمك

**virus2007** · 17-06-2011 12:05 AM

معاكم فى القصة دى

انا نفسى فى اى حاجة تحمى العربية من الحكات لانى تعبت من الناس الى بتركن .. كل واحد يجى يركن يريح على العربية من ادام او ورة لحد مبقيت حاسس بشوارع فى الاكصدامات !! :d

**virus2007** · 17-06-2011 12:12 AM

المشاركة الأصلية كتبت بواسطة capo_em

بسم الله الرحمن الرحيم
الإخوة الكرام أعضاء المنتدى العظيم ، الحمد لله جبت النترا 2011 ماشية 24000 خليجى أوتوماتيك ، كنت عاوز أعمل فيها شوية حاجات عشان أحافظ عليها أكبر وقت ممكن ، فقررت انى أحط لزق أبيض على السقف والكبوت والشنطة زى الشركة بس ناس خوفتنى منه وقالت بلاش ، هى فيها لزق بسيط على السقف ، عاوزكم بقى تقولولى الزق فين وايه وبكام والالوان ، أنا عربيتى فضى وعاوز أظبطها ظبطة كويسة ، وبالنسبة لطقم النيكل اللى بيطحط على الفوانيس بكام ؟ وكل واحد حاطط حاجة فى عربيته او عامل حاجة اريت يقول ويفيدنى ويفيد الاعضاء وياريت بالصور وانا كمان هقولكم على التطورات لو فى أى جديد
تحياتى ليكم جميعا

بالنسبة لسؤالك بخصوص اللزق

اعمل تجليد للعربية

بيبقى فى تجليد شفاف وتجليد الوان

دور على الموضوع دا فى قسم الكماليات وحتلاقى ناس كتير بتتكلم عن الموضوع دا