الموضوع: Passat 1.6 vs cerato Drag race

المشاركة الأصلية كتبت بواسطة AHMED1718

الفولكس اسمها شيروكو تربو مزدوج 1400 سي سي

عربية جبارة سعرها حوالى 240 الف

عيوبها:
ضيقه بطريقة بشعة + انعدام وجود قطع غيارها حتى فى التوكيل لو احتجت حاجة بتيجي dhl وغلوها المبالغ فيه

لا يا عم بس بردو جامده اوي

المشاركة الأصلية كتبت بواسطة yasserelsayad

اكيد مش قصده على الشيروكو لأن لو وقعت فى ايد 330i ولا c300 هيخلوها تكح تراب

!!!!
ياسر انت بتصدمني انا لي لقطات مع الشوروكو و هي ديسه الكيك علي الطريق كانت محطمه للقلوب بدون رحمه
بس تصدك ال 330 272 حصان هتقول كلام جامد بردو امممممممممم اوعدنا يا رب

المشاركة الأصلية كتبت بواسطة Arabino

يا باشا قولها بكل جداره انك معاك سيراتو يا باشا انا معايا هاي لاين اعلى فئه خليجي الفتيس القديم و مش مفتح مكنه علمت على جالينا 2000 سي سي و باسات 2009 و كروز بسمالله ماشاء الله تبارك الله

اشطا يا معلم انا ولله بقولها بكل جداره لكن بقابل ناس بتحسسني انها شتيمه!
و علي رئي المثل المصري الصح ميقلشي للسيراتو لأ

المشاركة الأصلية كتبت بواسطة amado318

السيراتو تكسب

ولله بنقول كدا من الصبح و محدش راضي يصدق

المشاركة الأصلية كتبت بواسطة yasserelsayad

الشيروكو يا جماعة 160 حصان بس
ومش توين تربو

يا راجل يعني زيها زي الجولف6؟!
انا الي كنت سمعته كتير اول ما نزلت انها توين

المشاركة الأصلية كتبت بواسطة shisho117

انا حقيقي بستغرب علي المقارنة من الاساس

• اولا الباسات دي فئة تانية خالص غير فئة السيراتو(فئة التيوتا الكامري والهوندا الاكورد والكيا الاوبتيما والهيونداي السوناتا)
• ثانيا الباسات في الدنيا كلها الاستاندرد لموتورها هو 2.4 لكن عملوها هنا 1.6 علشان الجمارك في بلدنا العزيزة, وبكل تاكيد العربية بالنسبة لفئتها وحجمها ووزنها تعتبر بموتور ضعيف جدا - دة حتي اختها الصغيرة الجيتا بتنزل برة بموتور 2.0
• فرق رهيب في كل شيء بين الماركتين من ناحية الهندسة والثبان والراحة والامان والخامات والعمر الافتراضي للسيارة وكل اجزائها,تقريبا كل شي - معظم اللي ركب الماني خصوصا لوحديث ,عمرة ما بيقتنع باي سيارة تانية حتي لو امريكاني
• بيتهيالي انه لو اتعرض علي اي حد في الدنيا انة يختار بين اي سيارة كوري والباسات بيتهيالي انه الاختيار محسوم للباسات حتي ولو كانت بموتور 100 سي سي
• اخيرا انا عندي سيراتو وبعشقها بجد لانها افضل امكانيات مقابل سعر معقول

يا باشا محصلشي مقارنه بمعني كلمه مقارنه بين الاثنين
الموظف الي بيتأخر مديره ملهوش دعوه بالموصلات الزحمه
بمعني ان موضوعنا مش ان الموتور دا صغير عليها طبعا هو صغير جدا لكن احنا ادام موتورين 1.6 الوزن و التكنولوجيا دا مش موضوعنا موضوعنا الريس الي حصل بين محركين علي كدا الريس الي بيحصل بين 2 بي ام واحده 525 2010 الي وزنها يتعدي ال1800 كيلو علي حد نظري و البي ام 1983 بموتور 2.5 الي وزنها لا يتعدي ال 950 كيلو فهو ميمفعشي طب هو بيتعمل و بيبقا بصوره ريس رسمي في الفيدوهات ليه
و الريسات الي بتحصل بين الاسكاي لين و الانزو و الفيرون و المكلرن كل دول ليهم وزن و سي سي مختلف بس الحكم بالهورس بور فقد
و زي ما قلت ابل كدا دا مش بيقلل من مكانت الباسات ابدا ولا رائه صناعه السيارات في العالم فولكس دا ريس عادي جدا تقييم اداء سيارات لا اكثر ولا اقل
علي فكره الباسات كانت في قائمه السيارات الي كنت بفكر اشتريها لكن لانها كانت 2006 ة استحرمت اهين عربيه فاخره زي دي و تكلفه صيانتها العاليه شلتها من حسباتي

المشاركة الأصلية كتبت بواسطة kholio

ههههههههههههههههههههههههه ه الغريبة يا عاكف انك كنت بتتكلم على الباسات دي على انها مكوك فضائي بس كويس انك عرفت انها عربية تقيلة ومش بتاعت جري

مش بتاعه جري ازاي يا باشا ياريت تقرء الموضوع تاني انا بقول ظهر في مريتي الجانبيه مش الخلفيه و بعد ال120 كان في نص عربيتي يعني بالنسبه للشارك فهي تقول للشارك اطلعي و انا هبقا اعديكي
حبيب قلبي منور ولله

المشاركة الأصلية كتبت بواسطة Ahmod

من قبل مادخل الموضوع النتيجة متوقعة ومافيش كلام ولا اختلاف عليها

لان للاسف الباسات دي من العربيات اللى مظلومة بالماتور ال 1600 ! ! عربية زي دي اقل حاجة تنزل بمواتير 2.5

لكن ربنا يخليلنا الجمارك ! !

لو كنت بتشد مع جيتا كان ممكن اقولك يعديك فوق ال 120 ! والله اعلم برضوا



خلي بالك عشان الياريس غدارة وبتزعل بالذات ال 1500 ! !

[COLOR="rgb(0, 100, 0)"]

لا يا باشا الباسات اسرع من الجتا مليون مره الجتا و انا بشد معاها بحس اني بشد مع عربيه ابيزا 1100 سي سي دا لو مكنتشي الابيزا اسرع اصلا اني اسمع صوت موتور اعلي و حرق جامد و الاقيه لسه جمبي و ادوس الكيك احس اني مكلرن دا بيأكد انها بطيئه جدا و فعلا الموتور بتعها هو فعلا الي ظلم ليها
يا باشا اليارس بتزعل 1.3 او 1.5 هي بلونه اه بس بتجري بسرعه اوي
ربنا يبارك لك فيها يا باشا

[/COLOR]

المشاركة الأصلية كتبت بواسطة yasserelsayad

لا يا باشا الجيتا مش بتعمل حاجة باردوا

+11111111111

المشاركة الأصلية كتبت بواسطة superb

بس يا باشا متنساش ان الباسات حقن مباشر fsi و انا قصدى انه عشان يشتغل حتى فى العادى محتاج 95 على الأقل .. هنا الفرق و مقصدى من ال 95 .. لأن دى مشكلة الباشات و الحقن المباشر عموما

اممممممممممممممممممم
تصدك عندك حق خلاص الحمد لله انه مكنشي حاطط 95 لان لو علي كدا ال95 كان هيفوق عربيتي لاكن كان هيطير عربيته(دا انا اصلا كنت بقول له حط 80 ابل ما تيجي!!!)

المشاركة الأصلية كتبت بواسطة apoadel_vip

مع كامل احترامي لكلامك بس الكورولا افضل من السيراتو في كل حاجه حتى الموتور الي بيميز السيراتو

يا باشا طبعا الكورولا سياره معروفه من قديم الازل بجودتها و اعتماديتها
لكن مش متفق معاك بس في نقطه الشكل سواء خارجي او داخلي
و احب اوضح نقطه بردو ان السيراتو مش بتتميز بموتورها ولا حاجه اداء محرك السيراتو اداء مرضي وليس جبار مثلا الكورولا و الانترا و السفك التلت عربيات دول في اعتقادي الشخصي يتربعو علي قمه ال1.6 في مصر
تقبل تحياتي
وشكرا

المشاركة الأصلية كتبت بواسطة apoadel_vip

والله الراجل ده لخص الموضوع في كلمتين ..... فعلا هي دي الحقيقه

المشاركة الأصلية كتبت بواسطة apoadel_vip

خير الكلام ما قل ودل
الراجل ده بيتكلم كلام زي الفل

لولا اختلاف الاراء:b4_033:

المشاركة الأصلية كتبت بواسطة superb

ياريت حضرتك فتهمنى كلامك مبنى على اى اساس ؟؟
السيراتو فيها موتور 1.6 بيطلع 124 حصان
الكورولا فيها موتور 1.6 بيطلع 110 حصان

و موتور الكورولا متغيرش بقاله شكلين ..
دا غير السيراتو الجديده نازله بناقل حركه 6 سرعات

دا غير الشكل و الكماليات فى ظل فرق السعر و تكاليف التشغيل .. يعنى اليابانى و بالذات الكورولا جيده جدا ولكم لا تتخطى السيراتو بأى شكل كان .. و دى البدايه لأنى متنبأ للكورى بمستقبل هيفرض نفسه و هيمحى اليابانى و اسطورته ..

و للعلم بردو .. انا مش معايا كورولا ولا سيراتو .. :) :) :)

ولله موضوع موتور الكورولا ده انا مش عندي معلومات عنه
اما عن السيراتو و الكورولا فالسيراتو حققت المعادله الصعبه في ثمن مقابل امكانيات لكن كورولا الجديده عملت العكس تماما و انا شايف ان ده من اسباب قله مبيعتها هي و الشارك رفع السعر مقابل امكانيات و شكل عاديين يعني بمعني اصح مفيش تحليل للفلوس خالص (عارف ان عفشه الكورولا الجديه و ثباتها و موتورها و امكانياتها جديدين جدا لكن مش لدرجه 145 الف!!) و الشارك 137 ارقام خلت ناس كتير تبعد عن اليباني و تتجه للكوري
تقبل تحياتي
وشكرا