الموضوع: Passat 1.6 vs cerato Drag race

المشاركة الأصلية كتبت بواسطة mnabeih

فيه موضوع في ميتسوبيشي حاطط فيديوهين واحد للانسر بتتطلع من سيراتو و التاني ل نيسان تيدا بتتطلع من سيراتو!!!!
انا بردو من الناس اللي بتهدي النفووووس.

ههههههههههههههههه
حبيب قلبي
هي عربيه واحده يا باشا كانو عملين عليها حفله و شكلها مش مفتوحه كويس لاني طلعت من كزا لانسر ابل كدا!!

المشاركة الأصلية كتبت بواسطة atrees

ازيك يا ميدو :) انا شايف انك مولع في الموضوع هنا :))))

بس لاحظت انك بتتكلم علي الشارك - بصراحة انا مقريتش الموضوع كلة بس الحقيقة اني معايا الشارك والسيراتو زي ما انت عارف


عموما انا كنت عملت مقارنة في موضوع قبل كدة بين الاتنين - وانا حعلق علي الحتة بتاعت المواتير والجري بس دلوقتي - لان المقارنة كبير وفيها حاجات كتير لصالح الشار - والسيراتو وفي نقاط تتعادل فيها



بص يا سيدي -

اولا التسارع
تسارع السيراتو اعلي بكتير من الشارك تحت ال 130 كم - الشارك بطة بجد مقارنة بالسيراتو - لكن تسارعها في العموم مش وحش زي ما الناس بتقول - بالعكس انا شايف انها تحفة في سلاسه جريها


الجري فوق ال 140 كم
السيراتو صوتها بيعلي بعد ال 140 كم وكلنا عارفين دة ولحد ال 160 كم تسارعها معقول - وبعد ال 160 كم بتبدا تسارعها يقل بنسبة ملحوظة لكن مش بتموت يعني :))

بالنسبة للشارك هنا لنا وقفة - بعد ال 140 كم الشارك بتتحول - بتبقي زي الالماني - تسارع غريب وسلس جدا ومش محتاج مجهود خالصصصصصصصصصصصصصص

صوت الموتور بيهدي جدا وكمان بتلاقي الامبير بيعلي بشكل سريع وغريب - كل ما تدوس تجيب معاك وكل ما تجري تسارعها يبقي اسهل من السيراتو بكتيييييييير


السرعة القصوي :

السيراتو جبت بيها 220 كم كنت بشد مع كوب - والغريب ان الكوب اخرها كان 185 كم مش عارف لية :( - عشان اوصل لل220 كم

- تسارع ممتاز لل 160 كم - تسارع عادي جيد لل 185 كم - تسارع بطيئ من 185 كم ل 210 كم - تسارع ميت لل 220 كم :))))))

ثبات السرعة القصوي كان صعب في السيراتو - يعني لو ريحت رجلي شوية العربية تنزل لل 180 كم علي طول


الشارك : تسارع جيد وثابت في المعدل من0 14 كم الي ال 240 كم :) - محستش ان العربية تقلت في التسارع بالعكس كانت الله اكبر تحفة

من غير شد مع حد قولت اقفل العداد -

الثبات علي السرعة القصوي

الشارك مش محتاجة لمجهود عشان تثبت علي ال 240 كم - بالعكس بمجرد ما جريت - بقي عادي جدا تحافظ علي سرعتها لكن ثباتها بيقل عن السيراتو


الاحساس العام :

جري بالسيراتو اكنك بتجري بموتوسيكل ريس - اما الشارك فا اكنك بتجري بهارلي ديفيدسون - والفرق واضح :)))))))

كلام جميل يا باشا لكن لي تعليق علي بعض النقاط
حضرتك بتقول هنا ان الشارك ثابته ل 240 و في رد تاني قلت ان السيراتو اثبت من الشارك
نقطه الاداء علي السرعات طبعا يا باشا الميفيك مش بيهزر بس علي ما يفكر يوصل لي هكون انا وصلت ايطاليا بالتسارع ل180
هو تعبير جميل يا باشا عن الشارك و السيراتو لكن احب اوضح بردو لو قفلت الازاز هتحس انك راكب هارلي بردو:b4_033:
و اخر نقطه سرعه 240 دي السرعه القصوي كبيره جدا علي موتور 109 حصان السرعه دي علي الوزن ده اقل حاجه عوزه موتور 2.0 عشان توصل ل240 و عموما نا اقصي سرعه قصوي شفتها للشارك كانت 200 و صحبي كان بيجيب بالمانيول فلتر رياضي 230 و من 200 بيقول بيتحرك مع عقرب الساعات!!
تقبل تحياتي
وشكرا

المشاركة الأصلية كتبت بواسطة horas3000

اخص
بيتكلم في الموبايل كده و مش بيستخدم ال bluetooth يااااي ههههه
يا بوب ال s350 بعد 100 بتتحول الي وحش كاسر لدرجه ان تجميعها بعد 100 احسن من الكايين s ال v8 علي الرغم من ان المرسيدس v6

ههههههههههههههههههههههه تلاقيه شاف البلوتوث في السيراتو 2011 فقرر ميستخدمهوش تاني بهزر طبعا دي اسمها كيداهم بردو
انا متفق معاك يا باشا سمعتها من كتير و واثق فيها تسارع المرسيدس فوق ال100 لا يضاها

طب اديني عقلك
الكابريس ss مبتاكلش عيش مع ال s500
تقوم الهوندا تقطعها طب ازااااااي

ما دا الي انا عاوز اوصله يا معلم بردو:ka_che1[1]:

تقبل تحياتي
وشكرا

المشاركة الأصلية كتبت بواسطة amado318

240 240 240 240 where

المشاركة الأصلية كتبت بواسطة kholio

طبعا حضرتك كلامك صح بس صدقني الشارك لو مفتحة وفايقة بيبقى تسارعها تحت المية وفوق المية ررهييييييب و والله من غير كدب تطلع من السيراتو فوق وتحت وانا عن نفسي بوصل بيها من 0 الى 100 في 10 ثواني وباذن الله هصورها واعرضها هنا في المنتدي وعلى فكرة البنزين ال 95 في الشارك بيخليها صاروخ بس انا ماشي ب 92 وبردو بسم الله ماشاء الله سحبها مرعب

ربنا يبارك لك فيها يا باشا و تمفخ عربيات كمان و كمان و ياريت تجرب مع الكورولا ال1.6 الشيب القديم و تقول لي رئيك في جريتها ما هي يباني بردو
و ياريت تجرب مع الانترا بردو صوت موتورها بيبقا حلو مع الحرق

المشاركة الأصلية كتبت بواسطة Atrees

تسلم يا غالي :)

بس عندي بس نقطة واحدة - عايزك تسوق السيراتو شوية - علي فكرة السيراتو متعبة جدا مقارنة بالشارك - وعلي قد حبي للسيراتو بس برضوا الشارك هي اللي في القلب


الشارك لا يمكن تحت اي ظرف تطلع من السيراتو لو الاتنين استوك تحت ال 100 كم

بس لو خيرتني اجري بمين فيهم - حقولك اجري بالشارك :))))

ما المشكله انك مش هتجري
حبيب قلبي
طبعا يا باشا الشارك ركوبه جميله جدا لكن الحلو ميكملشي

المشاركة الأصلية كتبت بواسطة kholio

والله ياباشا جربت السيراتو ومش عربية واحدة كذا عربية و الشارك بردو تطلع وبعدين انا شادد معاها وطالع منها تحت 100 وفوق 100 عايز تشوف جري الشارك بجد اجري 1 2 3 وشوف سحبها عامل ازاي انا قصدي انك اكيد لما هتشد مع سيراتو هيشد باستيب ترونيك انا بشد معاه 1 2 3 بتشوف سحب تاني خالص غير الدي والله بتطلع من اي سيراتو وبعدين انا عندي العربية فايقة قوي لانها ماشية اربعين الف كيلو جري متواصل

انا صحبي كان معاه شارك في 2008 كان عامل 75 الف كيلو و كانت كل حاجه فيها رياضيه بس بردو كان بيقول البومه تطلع لو الاثنين اوتو

المشاركة الأصلية كتبت بواسطة AHMED1718

متواصل الزاى يعنى ؟العربية مش بتتطفى ؟

كتر خيرها بصراحة عملتهم ف الزقازيق كلهم دول ؟

ما انا مش عارف بردو يا معلم!!!

المشاركة الأصلية كتبت بواسطة Atrees

لا لا لا - الحق يقال - انت كدة حتشككني - هي اللي معاك مش 1500 سي سي برضوا ؟؟؟ ولا ال 2000 سي سي ؟؟؟

ياباشا انا راكب الاتنين من الزيرو - ولية مفيش واحدة جابت ال 30000 كم - ومفتح مواتير - بص بقي - انا ممكن اصدقك ان الشارك احسن من السيراتو في كل حاجة الا حاجتين

التسارع والثبات ( انا بتكلم علي جنط 17 معرفش ال 15 وال 16 نظامهم اية - بس الاتنين دول مفيش كلام فيهم ودة عن تجربة وامتلاك الاتنين :))))

+1111111111111111

المشاركة الأصلية كتبت بواسطة kholio

تسارع وكمان ثبات ؟؟؟؟؟؟؟؟؟؟؟؟؟؟
عموما اكبر ميزة في الشارك ثباتها وبتهيألي مستحيل تكون السيراتو اثبت منها

موتور و ثبات و امكانيات و كل حاجه و انا بقول هي ناجحه كدا ليه بردو
علي فكره يا باشا الثنين وزنهم مقارب لبعض و السيراتو بتنزل بجنط 17 يعني حتي لو كان في فرق بنهم هيبقا فرق صغير جدا

يا مييييييدو - انا قصدي بثبات الشارك علي ال 240 - ثبات سرعة مش عربية - يعني بتثبت علي ال 240 بسهولة - عكس السيراتو - ال 220 كم بتوصلهم اصعب من الشارك وصعب تثبت عليهم شوية


اما بالنسبة لنجاح الشارك في مصر فدة مش مقياس صدقني - لما المصريين يحدد سعر البيع والشراء علي الرخصة فاضل فيها قد اية ولا العربية الاستبن بتاعها منزلش علي الارض ( بزمتك دي مقايس )


السوق المصري بينجح العربية ويسقطها بناءا علي اهواء التجار اكثر منها اعتمادية العربية


ورغم اني بعشق السيراتو اللي معايا - الا اني مصمم علي ان الشارك ركوبة عن السيراتو - وبحب شكلها اكتر تصدق بقي - رغم ان السنيورة مالهاش مثيل في الجمال


بالنسبة بقي لل 240 كم علي الموتور ال 109 حصان - عادي انا مش شايف انها معضلة - العربية الشارك بمجرد ما جريت لا تحتاج الي مجهود تسارع زي ما انت فاكر بالعكس الموتور صوتة ناعم والتسارع جيد جدا بعد ال 140 كم


بالنسبة بقي للجري :)))

انا اجري بالشارك وانا مستريح نفسيا - حصان اصيل بيجري بعقل وركوبتة ممتعة - انما الثور الهايج اللي اسمة السيراتو بيجري زي ما يكون حصان عفي بس عايز ترويض


وزي ما قولت قبل كدة


الشارك وحش عاقل لكن مبيعضش

السيراتو وحش مجنون محتاج ترويض ( بيعض اي حد )

المشاركة الأصلية كتبت بواسطة Atrees

يا مييييييدو - انا قصدي بثبات الشارك علي ال 240 - ثبات سرعة مش عربية - يعني بتثبت علي ال 240 بسهولة - عكس السيراتو - ال 220 كم بتوصلهم اصعب من الشارك وصعب تثبت عليهم شوية


اما بالنسبة لنجاح الشارك في مصر فدة مش مقياس صدقني - لما المصريين يحدد سعر البيع والشراء علي الرخصة فاضل فيها قد اية ولا العربية الاستبن بتاعها منزلش علي الارض ( بزمتك دي مقايس )


السوق المصري بينجح العربية ويسقطها بناءا علي اهواء التجار اكثر منها اعتمادية العربية


ورغم اني بعشق السيراتو اللي معايا - الا اني مصمم علي ان الشارك ركوبة عن السيراتو - وبحب شكلها اكتر تصدق بقي - رغم ان السنيورة مالهاش مثيل في الجمال


بالنسبة بقي لل 240 كم علي الموتور ال 109 حصان - عادي انا مش شايف انها معضلة - العربية الشارك بمجرد ما جريت لا تحتاج الي مجهود تسارع زي ما انت فاكر بالعكس الموتور صوتة ناعم والتسارع جيد جدا بعد ال 140 كم


بالنسبة بقي للجري :)))

انا اجري بالشارك وانا مستريح نفسيا - حصان اصيل بيجري بعقل وركوبتة ممتعة - انما الثور الهايج اللي اسمة السيراتو بيجري زي ما يكون حصان عفي بس عايز ترويض


وزي ما قولت قبل كدة


الشارك وحش عاقل لكن مبيعضش

السيراتو وحش مجنون محتاج ترويض ( بيعض اي حد )

اه فهمتك يا باشا دا يا باشا مرتبط بالانسبابيه بشكل كبير
تمام يا باشا انا عارف كويس ان السوق مش مقياس بس بدحك معاك
اما عن الاستبن منزلشي فدا يا باشا المقصود بيه ان العربيه متهنتشي بس لكن انا متفق معاك انها مش مقاييس قويه
اما عن الراحه او حبك لعربيه معينه فدي مزجات يا باشا
بالنسبه للتسارع و السرعه القصوي فسوري يا باشا مش معاك ان 240 قريبين علي الشارك لان السفك ال1100 كيلو و 125 i-vtec معملتهاش
بس عوزك تجرب حته بي ام شارك مسقطه حته 2.5 سوده كدا و حدد مين الثور

المشاركة الأصلية كتبت بواسطة kholio

عموما يا باشا انا احترمت وجهة نظرك جدا لانك عندك العربيتين وتقريبا معظم كلامك صح وتقريبا انت الشخص الوحيد الحيادي هنا وربنا يباركلك في العربيتين ويديك خيرهم ويكفيك شرهم ويباركلك فيهم

ياباشا دة بس من ذوقك :) انا فعلا لو قعدت اتكلم 100 سنة عن حبي للشارك مش حكفيها


بص انا اول ما نزل الشكل في 2008 كنت حتجنن عليها لكن الظروف مسمحتش اجيبها وفضلت اتفرج عليها في كل المعارض لحد ما حفظوني :)))))


عايز تعرف انا شايف السيراتو والشارك ازاي ؟؟؟


عايز تخرج خروجة او مشوار وتوصل مرتاح جسديا ونفسيا ----- اركب شارك
عايز تخرج تتعفرت وتجري وتحرق بس حتتعب جسديا ----- اركب سيراتو


عايز تخرج مع المدام سهرة --- خد الشارك
عايز تخرج مع صاحبتك و تجري - خد السيراتو - ههههههه


رايح فرح --- شارك
رايح خطوبة --- سيراتو


رايح تخطب - شارك - عشان تروح هادي - ههههه
رايح تفسخ الخطوبة - سيراتو ( عشان حتحتاج تفرك بالعربية شوية ) ههههه


معاك الوالد والوالدة - شارك
معاك حماتك - سيراتو


رايح الساحل - شارك
رايح السخنة - سيراتو


ههههههه شوفت بقي التقييم - :)))))))))))))))))))))))))))))

والحدق يفهم