مبروك الريو وربنا يديك خيرها ويكفيك شرها
انا معايا الموتور ال 1600 موديل 2011
استهلاك البنزين اكبر شوية من ال 1400
ارتفاعها كويس قوي عن الارض
انا ماشي بيها 2300 كيلو بس
كمالياتها مش بطالة بالنظر انها فيها فوج لايت ومرايات كهربا (مش موجودة في اختها الهيونداي الاكسنت)
الرخامة ان مافيهاش انذار ولا ريموت بس ممكن يركب في التوكيل
وسعها كويس من رأيي وحجمها عملي كسيارة مدينة
ثباتها أعتقد لغاية 120 كويس ... مجربتش أمشي اكثر من كده وخايف من الكاوتش الرفيع بتاعها
كانت الاوتوماتيك 1600 ب 89 الف لكن تقريبا غليت لكن مفتكرش فيه عربية تحت ال 90 الف حاليا اوتوماتيك وفيها كمالياتها
متقلقش من المطبات.. العربية معايا من 4 اشهر ومسلمتش على مطبات صناعية الحمد لله وبالنسبة لي اعتقد ان العفشة ناعمة (كان معايا قبل كده لانوس وقبلها 128 وبالتالي باعتبرها نقلة نوعية بالنسبة لي :))))
وربنا يسترها معانا ومعاك