مطلوب سياره بولو فوكس موديل 95 - 97 1300cc

**pierre** · 14-06-2011 11:15 AM

مطلوب سياره بولو فوكس موديل 95 - 97 1300cc فابريكه دواخل على الاقل لم تتعرض لحادث من قبل يفض لو كامله جميع الكماليات و لو فاضيه مش مشكله بس تكون حاله

**Mr_Mustafa** · 14-06-2011 01:55 PM

انا برضه اتمنى الاقى واحدة تكون نظيفة جدا ومش متعدل فيها حاجة ( مش يكون مسقط ماتور ولا عامل تعديل داخلى ولا خارجى )
وتكون بيتى ...... مش مهم عندى سعة الماتور كام

واهم من دة كله مش يكون سعرها من الاسعار اللى بتوجع البطن دى

انا بشوف من دلوقتى علشان ان شاء الله هاكون جاهز على شهر اكتوبر

**pierre** · 14-06-2011 03:39 PM

ربنا يوفقك و يوفقنى وياريت لو جت حاجه كويسه قدامك قبل متجهز باصيها لاخوك لحسن انا دايخ عليها

**Mr_Mustafa** · 14-06-2011 05:05 PM

المشاركة الأصلية كتبت بواسطة pierre

ربنا يوفقك و يوفقنى وياريت لو جت حاجه كويسه قدامك قبل متجهز باصيها لاخوك لحسن انا دايخ عليها

المشكلة يا اخى مش احنا مش لاقيين
دة انا قدامى لغاية دلوقتى 12 سيارة بولو
بس مش عارف لية اصحابها بيحسسونى انا اشترى بى ام ....... دول مبالغين فى سعرها بشكل خيالى

**SYD** · 14-06-2011 07:02 PM

المشاركة الأصلية كتبت بواسطة Mr_Mustafa

اصحابها بيحسسونى انا اشترى بى ام

بي ام ايه يا استاذ مصطفي
الفولكس بالرغم انها احدث من البي ام والمرسيدس بس من وجهة نظري احسن منهم وعملية عنهم ودمها اخف منهم وبجد تنفع في المدينة مش السفر وبس زي المرسيدس والبي ام
وبجد اسم علي مسمي "سيارة الشعب Volks Wagen" يعني سعرها مناسب لكل الناس وكل الفئات الكبير والصغير الشاب والبنوتة الدكتور والمهندس بجد عربية تحفة في كل فئاتها بولو وجولف وباسات وبورا وجيتا وكل العربيات الفولكس التوران والباراتي ويكفي انها عملت أودي وطورت سيات وسكودا

البولو فعلا قليلة جدا في السوق لأن الي معاه واحدة قافش فيها واول لما بيفكر يبيعها بياخدها منه حد معرفة فمش بيلحق يدلل عليها في السوق والنت

دور بصبر وماتتنازلش علي الاقل عن التكييف والباور
متوسط الاسعار الواقعية للبيع والشرا
بولو 94 و 95 و96 و97 في حدود 28 الي 32 حسب الحالة والكماليات
بولو 98 و 99 من 32 لحد 37 حسب الحالة والكماليات
وخلي بالك العربيات دي بتتباع حالة
يعني مايزغللش عينيك ان فيها جنوط صيني وكاسيت صيني وسنتر صيني وانذار صيني (كلهم علي بعض ب1500 جنيه) ويقولك اصل التكييف عايز شحن والباور عايز تصليح مش هيكلفوك 100 جنيه قوله لا مش عايزهم
الباور والتكييف لازم تستلمهم شغالين مش مهم جنوط وكاسيت وانذار وسنتر

ماتكونش راشة دواخل
ماتكونش الصالون متبهدل
ماتكونش عايزة شحن تكييف
ماتكونش عايزة تظبيط في الباور او علبة الدريكسيون
ماتكونش عايزة تظبط عفشة

الحاجات دي بتصرف جامد ومش هترجع زي الاول

والله المستعان
،
،

**ferfsh** · 16-08-2011 06:11 PM

المشاركة الأصلية كتبت بواسطة dravinium

السلام عليكم ورحمة الله وبركاته
يوجد سيارة بولو فوكس مو 95
1300 cc " اللون احمر "
يوجد تكييف "لكن مش شغال"
بطارية جافة جديدة من اسبوع
العربية فابريكة دواخل ورشه خارجى من قبل مرة واحده بدون السقف
العربية محتاجة دهان خارجى فقط
دى كل حاجة بمنتهى الامانة فى العربية مع مراعاة ان حالة الموتور والعفشة ممتازين
باسم محمد
0111770770

كلمتك يا باشا مردتش.لو سمحت قولى بكام ؟ و مكان المعاينة و هل أول يد؟و هى مفهاش كماليات غير التكييف صح ؟

**snoop** · 19-08-2011 10:10 PM

لو سمحت يا جماعة انا قدامى جولف بولوموديل 95 1300 سى سى ولسة عاملها عمرة + باور +سنتر+ تكيف محتاج كمبريسور يتكلف 750 جنية
والعربية عيزاه رش نظافة على 28 نهائى من فم صاحبها بعض فصال ساعة معاه ايه رائيكم فى الكلام والسعر ده ومين ميكانيكى يفيدنى فى صيانتها والف شكر ليكم