عاوز مكان آخد فيه iBT TOEFL course preparation

**MASERATI** · 14-06-2011 03:30 PM

السلام عليكم و رحمة الله و بركاته

أنا كنت عاوز أسأل الأخوة الأفاضل اللى يعرفوا فى الموضوع ده, أنا كنت عاوز آخد Course عشان أدخل امتحان الInternet based test - TOEFL مش الpaper based و لا الcomputer based .

أنا من المنصورة و ماعرفش مكان آخد فيه الكورس ده هنا و ماعتقدش أن فيه مكان ألاقى فيه الكلام ده, أنا كنت عاوز مكان, مش فيه مدرسين انجليزى شاطرين و خلاص, أنا عاوز مكان اللى فيه يعلمنى الAmerican accent of English مالاقيش أودامى واحد مصرى بيتكلم انجليزى باللكنة المصرية, طاب ماهو عادى, ماحنا كلنا بنتكلم انجليزى, بس انجليزى مصرى.

و فى نفس الوقت يكون الكورس ده يعلمنى ايه المطلوب منى من الآخر كده فى الامتحان شان أعدى و أجيب score عالى.

المكان ده غالبا هيكون فى القاهرة و أمرنا لله, أروح مرتين و لا تلاتة فى الأسبوع و ربنا يعينى بأه .

شكرا و جزاكم الله كل خير .

**ahmedsql** · 14-06-2011 05:23 PM

شوف ياباشا
مبدئيا كله دلوقتي بقى internet based مافي لا paper ولا computer based

أحسن مكان تاخد الكورس دا فيه هو أميديست و دول ناس بروفيشنال جدا و بنسبه كبيره هتعدي الإمتحان لو أخدت الكورس عندهم
ليهم فرع في شارع مصدق في الدقي اعتقد ليهم فروع تانية بس معرفش فين

بس خلي بالك التوفيل مش مطلوب فيه انك تتكلم native accent المهم تنطق صح و خلاص.

وهقولك على حاجة يمكن تستغرب منها شوية , الكورس دا مش كورس انجليزي تتعلم فيه جرامر و تكوين جمله و كدة , الكورس هدفه الأول و الأخير انك تعدي الإمتحان لكن مش مهم فيه انك تتعلم إنجليزي :)

و خلي بالك التوفيل لو أخد الشهاده بيتنتهي بعد سنتين و بعد كدة تدخل امتحان من جديد , فالأفضل انك تاخد التوفيل لما تكون محتاجه بس انما متاخدوش لمجرد ان يبقى معاك الشهاده.

و بالتوفيق ان شاء الله

**MASERATI** · 14-06-2011 06:18 PM

المشاركة الأصلية كتبت بواسطة ahmedsql

شوف ياباشا
مبدئيا كله دلوقتي بقى internet based مافي لا paper ولا computer based

أحسن مكان تاخد الكورس دا فيه هو أميديست.................................... ...

و بالتوفيق ان شاء الله

السلام عليكم و رحمة الله و بركاته

ألف شكر لكرمك و المعلومات المهمة دى, جزاك الله كل خير.

أنا عارف أن التويفل امتحانه فى الأميديست اللى فى شارع 23 مصدق اللى فى الدقى, بس أول مرة أعرف أن ممكن آخد الكورس هناك و ان شاء الله يكونوا ناس ممتازين.

أنا بكرة باذن الله, هتصل بيهم و أشوف نظامهم ايه.

أنا فعلا محتاج التويفل اليومين دول و ده اللى خلانى آخده و ربنا ييسر الأمور و أعدى من أول مرة.