Problem with my Espero

**ehab666666** · 27-04-2008 12:13 PM

ana 3andi moshkela fe el espero
en el 3arabia 3andi mesh mazboota 3ala el salanseeh we sa3aat beto2af mene keteer
NOTE: en ana ma3andeesh speed sensor (mesh rakeb) la2en sa3et marakkebto el 3addad betaa3 el kilo bey3'arraf we men 3'eroo el 3addad mashi kowayes

fahal el sensor da loo ta2seer we law mesh howa yeb2a ehh el sabab?
thanks and waiting for your reply!!!!!!!!!

**MMamdouh** · 29-04-2008 02:28 AM

use plain english or arabic... can't understand a single word

MMamdouh

**mxz911** · 29-04-2008 10:34 PM

الصراحه مش عارف حل مشكلتك

لكن انا عاوز اعرف معلومات عن العربيه دايو اسبيروا بما انها عندك وانا العربيه داخله دماغى اوى وعاوز اعرف عربيه بالامكانيات دى و كل حاجه فول اوبشن ..

سعرها مش غالى ليه؟؟

ايه عيبوها من الاخر وايه ميمزتها ؟

**MMamdouh** · 30-04-2008 03:32 AM

مفيش مشكلة... انا بس مكنتش عارف افهم من الفرانكواراب :)

هل الRPM بيعلى و يوطى بانتظام؟ يعنى بيفضل المؤشر يروح و يجى بين 1500 الى 1750 مثلا؟

ولا الزيادة بتبقى عشوائية و حسب الظروف؟

لو الزيادة ز النقص بانتظام يبقى ممكن الTPS فيه مشكلة و مش شرط ينور معاك الcheck

لو الموضوع عشوائى يبقى راجع على الايدل كونترولر.. ممكن يكون عايز يتنضف فقط و ممكن يكون بايظ و عايز يتغير

MMamdouh

**ehab666666** · 30-04-2008 09:15 AM

بص ياسيدي العربية دي حلوة بجميع المقاييس انا حلخصهالك من واقع تجربتي

المميزات:
- العربية كشكل..اعتقد ان مفييش حد يقول علييها وحشة (هيا ازواق في الاخر)
بس انا عن نفسي شايفها eligant و بصراحة انا شايف فيها شخصيتي....علي فكرا انا مقتنع ان العربية و منظرها بتدل علي شخصية صاحبها
-العربية عريضة و وواسعة جددددددا من جوا سواء لليقاعد ورا او للي قاعد قدام
و بصراحة احلي حاجة ان انتي تعد ورا لاننك حسحس ان انتي قاعد في سينيما مش عريبة(و الاحساس دا حيجييلك علشان هيا العربية الوحيدة اللي القواقم الخلفية كلها زجاج مفيش صاج)
-الشنطة طبعا ماتجيش اخرها
-الكماليات: باور- سنتر-زجاج كهربا-تكييف ثلاجة-مرايات كهرباء-امكانية تسخين المرايات و الزجاج الخلفي-اماكن تخزين بالعييط-فتح الشنطة من الداخل...من الخر فيها كل حاجة تتخيلها
-الموتور بقي هوا اللي عندي 1500cc بس في منها كمان 1800
و 2000 cc و السحب بقي بتاعها ماشاء الله هيا العربية وانتي ماشي يتهييالك ان هيا بتزحف و بطيئة بس بقي اول ما تدووس بنزين علي الاخر؟؟؟
العربية بتحس ان هيا رفعت العجلتيين القدام و بتطيير
و انا جبت بيها مرة 180 و صباح الثبات (العربية عريضة و انا كمان مركب كاوتش عريض 185/60/R14
-الموتور حاجتو كلها موجودة

العيوب:
-الدواخل بتاعتها صعب اويي تلاقيها و لو لاقتها حيغالي علييك اوي
-فتح التنك من الخارج يعني لو حد عايز ياخد مننك شويت بنزين..مفيش مشكلة
-العربية كبيرة و عريضة حتاخد وقت علي ماتتعود علي ابعادها
-تقييلة اوووي في بيعها ..لان االي بتشتريها لازم يكون عارف قيمتها

بس و لو عايز تعرف اي حاجة تانية انا تحت امرك
و اتمني ان التقييم يكون عجبك...ماتنسوش القرد فين اموا غزال

**MMamdouh** · 01-05-2008 04:37 AM

المشاركة الأصلية كتبت بواسطة ehab666666

الRPM عندي بيعلي و يوطي عشوائي
بس هوا فين مكان الايديل ده و هل ممكن انضفه ابا بنفسى
وبعدين في حاجة يا ممدوح هوا لو بايظ مش المفرووط الscanner يبين ان في عطل (بس ال scanner ماشفش فية اعطال)

و من كلامك ده ال speed sensor مالووش علاقة بالموضوع؟؟؟؟؟؟؟؟؟؟؟؟؟

الايدل بيبقى الجسم الاسود الاسطوانى اللى على الطرف المقابل للبكرة السوداء اللى راكب عليها سلك البنزين

التنظيف بيبقى انك تفكة و ترش WD40 فى الكونترولر و فى الفتحة اللى فكيتة منها و تركبة تانى

الايدل كونترولر مش حساس و بالتالى مش حيبان اعطالة فى الاسكانر... فيه مشكلة من مشاكل الايدل كونترولر ان ساعات الاكس بتاعة بيتكسر و فى الحالة دى الموتور بتاعة بيشتغل بشكل طبيعى جدا و بالنسبة للECU بيبقى اكنة شغال تمام فى حين انه لا يعمل على الاطلاق

لحد دلوقتى انا مش شايف علاقة بين الاتنين... لو حساس السرعة له علاقة كانت المشاكل تظهر و انت ماشى فقط لكن فى السلانسية مكنش يحصل حاجة

MMamdouh

**mxz911** · 01-05-2008 08:31 PM

شكرا يا باشا على الكلام الجميل ده

وانا عموما كان معايه بيجو 505 فرنسى وموتورها كان 2000 سى سى يعنى كانت شرهة جدا جدا فى استعمال البنزين .... وكانت اوتوماتيك بس اتباعت خلاص .. فكده مسأله الابعاد والحجم الضخم للعربيه مش هتبقى صعبه اوى عليا ان شاء الله

وفعلا العربيه شكلها جامد جدا والتصميم اكتر من رائع وينافس التصميمات الموجوده دلوقتى

بس انا دلوقتى محتار اوى بين الدايو اسبيرو و ال سيات ابيزا .. خصوصا انى عاوز حاجه تريحنى ومش كل شويه تقرفنى واروح بيها للميكانيكى او الكهربائى ...

وعموما انا مسأله ان العربيه شبابى او عائليه دى اعتقد مش هختلف عليها كتير خصوصا ان الاسبيروا تصلح عائليه وشبابى ف نفس الوقت والابيزا برده .. بس الابيزا من الناحيه الشبابى اكتر شويه من العائلى

انا محتار فعلا دلوقتى بين الاسبيروا والابيزا !

وبينى وبينك معظم الناس بتقولى ابعد عن الاسبيروا والابيزا بس الاسبيروا بالذات مش عارف ليه ...