اكشن طمبوره المياه .....ارحمونا بقى

**ahmedbakr50** · 18-06-2011 03:21 PM

متابع بإهتمام

**samehrty** · 18-06-2011 04:21 PM

طلمبة المية المفروض انها run to fail يعني بتشتغل لحد ما تقع لان حقيقة الامر ان عمرها طويل جدا رغم انها بتتصمم على العمل لحوالي 50000 كيلو انما هي عمرها طويل جدا انما لو الشركة بتحطها في جدول الضمان ( المستهلاكات يعني ) فدي حاجة مش صح لان جدول الصيانة اللي منشور مفيش فيه الكلام ده وبالتالي ده يبقى غش تجاري ممكن نعمل شكوى في جهاز حماية المستهلك انهم عاوزين يغيرو طلمبة المية على اساس انها مستهلاكات وهما مش حاطيين كده في جدول الصيانة
على كل انا هسال في التوكيل الصيانة الجاية وافهم لان مركز الخدمه المعتمده ممكن تكون بتعمل كده عشان تكسب

**Xlance2010** · 18-06-2011 05:24 PM

المشاركة الأصلية كتبت بواسطة samehrty

طلمبة المية المفروض انها run to fail يعني بتشتغل لحد ما تقع لان حقيقة الامر ان عمرها طويل جدا رغم انها بتتصمم على العمل لحوالي 50000 كيلو انما هي عمرها طويل جدا انما لو الشركة بتحطها في جدول الضمان ( المستهلاكات يعني ) فدي حاجة مش صح لان جدول الصيانة اللي منشور مفيش فيه الكلام ده وبالتالي ده يبقى غش تجاري ممكن نعمل شكوى في جهاز حماية المستهلك انهم عاوزين يغيرو طلمبة المية على اساس انها مستهلاكات وهما مش حاطيين كده في جدول الصيانة
على كل انا هسال في التوكيل الصيانة الجاية وافهم لان مركز الخدمه المعتمده ممكن تكون بتعمل كده عشان تكسب

======================
اؤيد وجهة نظر حضرتك فكلامك منطقى مائة بالمائة وممكن نتحرك لو الموضوع فيه شبهة غش طالما انهم يضعوها ضمن مستهلاكات السيارة وده كلام غير صحيح لانها بتعيش اكتر من كده بكتير

**Ahmed Selim** · 18-06-2011 05:59 PM

طلمبة المياه فى رينو عموماً ( الكلام ده على مصر بس.....على حسب معلوماتى ) التوكيل بيقول أن فيها إحتمالية عالية أنها تبوظ أو تسرب بعد ال 60 و أنت طالع.

و علشان تغيرها بيفكوا طقم الكاتينة و برضه بيقولوا أنه لو أتفك بيترمى حتى لو جديد و بيتركب بداله طقم جديد......و دى سياستهم و رأيهم .

أنت بتيجى على 60 ألف بتغير طقم الكاتينة......و بالتالى هما بيبصوا على الطرمبة كمان......لو فيها بوادر تسريب أو بوظان يقولك غيرها و يضرب كذا عصفور بحجر.....منهم أن كسب منك مكسب وقتى مش أجل ( بعد حين ) و مكسب تانى أنه مسابكش مع نفسك و غيرت الطقم و بعد كده الطرمبة تبوظ يقولك هتغير الطقم....هتقوله ساعتها أيه ؟
" ما أنا لسه مغيره "

مع أن فعلياً فيه ناس مشيت بالطرمبة أكتر من 60 بكتير
و فيه ناس فكت طقم الكاتينة و ركبته تانى عادى خالص.

الخلاصة أن طول ما أنت موصلتش لرقم 60 ألف على العداد.....لو حد فتح بقه و قالك الطرمبة فيها مشكلة هتتغير على حسابهم.

انت بقى تعمل أيه.......تروح صيانة ال 60 ألف على 59 ألف و لو قالولك بايظة.......قولهم غيروا على حسابكم بقلب جامد ( لأنك مخرجتش برة الضمان )