تجربتي مع طلمبة الميه في صيانة 60 الف كم
انا معايا لوجان mcv و لما عملت صيانة ال 60 الف كم اتقالي فعلا ان طلمبة الميه هتتغير قلتهم ليه ؟ قالوا لأن عمرها الإفتراضي ما بين 60-80 الف كم و لو ما تغيرتش في صيانة ال60 الف و باظت مثلا في ال 70 الف يعني بعد 10 الاف كم هنضطر اننا نفك تاني و هنغير طقم كاتينه من تاني و نغير الطلمبة و هتتحمل مصاريف الفك و التركيب علي حسابك فأفضل انك تغيرها دلوقتي و تريح دماغك ل 60 الف كم تاني و الطلمبة كلها بحوالي 560 جنيه بالضريبة
انا بصراحة قاوحت معاهم و قلت الكلام دا ما يدخلش دماغي و اتصلت بخدمة العملاء لأني كنت بعمل الصيانة في مركز خدمة معتمد لرينو في الأقصر
و فوجئت بيهم بيغيروا لي الطلمبة في صيانة ال 60 الف علي حساب الضمان
اتحملت انا بتكلفة طقم الكاتينة ( سير و بلية شداد ) + سير دينامو + بوجيهات + زيت موتور و فلتر + تغيير زيت فرامل + تغيير ميه التبريد + فلتر هواء + فلتر بنزين
و مش فاكر التكلفة كانت كام بس تقريبا 2200 جنيه
المفضلات