الموضوع: عاوز اعمل تعديلات

من بره شغل الفيبر جلاس ( البادي كيت )

سيـد حواجب في حرافييـن السـلام ودا رقم تليفونه 0122856581 كلمه استفسر منه عن اي حاجه عايزها


1- كساحه بي ام علي مازدا شغل سيد حواجب ب 300 جنيه تقريبا







2- جنط اسبور 14 أو 15 ( أبعاد ياباني ) الكاوتش 185 / 60 عندك ال صيني وتيواني او ماليزي وفرق السعر كبير حوالي 1000 جنيه بين الصيني و( التيواني الماليزي ) :)
من عرب كوم او شارع احمد سعيد خلي بالك ان الجنوط الاسبور بتحتاج رينجات بلاستيك بتحكم تركب الجنط علي السره وبعدين ترصص الجنط عند مركز خدمه اطارات ثقـه .

[IMG][/IMG]

3- طاره اسبور ب 160 جنيه وتشتري قطمـه بتاعت ياباني ب 60 جنيه المجموع 220 :)



4- الصالون طبعا حافظ علي التنجيد الاصلي واعملو جلد اسود أو بيج حسب اخيارك والتابلوه ودحيكلفك 1000 جنيه .. تقريبا :)

5- وشويه مشتريات خفيفه كدا ب 100 جنيه استيكر بينور في الخلف ومعطر وطقم دواسات اسبور وتغمق الفوانيس الخلفيه بفاميه فيه ناس في احمد سعيد بتعمل القصه دي :)

6- بالنسبه للصوت والسوند سيتيم انصحك تاخد مشوره البشمهندس احمـد عطيه في قسم الصوتيات :)

اهم حاجه :-- متوطيش العربيه علشان هيا اساسا نازله علي الارض.
- في حاله تركيب الجنوط خلي بالك انها حتعلي ولزم توطيها علشان تحصل علي الثبات المطلوب .
- واحتمال تحتاج مشوار للسمكري قبل تركيب الجنط علشان ينفخ الرفارف ويدخل السوكه لجوه علشان متحكش في الكاوتش .
- بلاش الفاميه فيه سحب رخص وقلق مالهوش داعي.
- لو عايز تركب فاميه ركب فاميه خفيف في الزجاج الخلفي او ستـاره ب 50 جنيه من التوفيقيه وخلاص علشان الشمس متضايقش الناس القاعده في الخلف وبيمنع انزعاجك بسبب نور السيارات القادمه من الخلف.
- حافظ علي مستوي ضغط الهواء في الكاوتش لعدم تعرض الجنط للكسر بسهولـه