أعمل ايه مع غبور دلونى ؟؟؟؟؟؟

**dr_mohamed2007** · 27-04-2008 03:28 PM

الحكاية انى اشتريت فيرنا فيفا نص كماليات فيها كاسيت رودستار مش هيونداى ... المهم مشيت بالعربية وكله تمام بعد يومين الكاسيت فصل والراديو شغال !!!!! السؤال الان لما اروح صيانة الالف كيلو اطلب تصليحه فقط ولا اطلب تغييره بكاسيت هيونداى لان ده المفروض لان العربية تكييف وكاسيت وباور .........وأكيد الاخوة فى غبور شالوا الكاسيت الاصلى وركبوا الكاسيت ده وهو صناعة مصرية ..ايه الحل يا اخوانى انا الان فى حالة نفسية سيئة وشكلى وحش جدا لدرجة ان لما حد يركب معى ارفض تشغيل الكاسيت بدعوى ان مفيش شرائط الواحد مكسوف من نفسه ...ارجو الافادة لانى ذاهب اليهم بعد حوالى اسبوع فقط

**lanos2** · 27-04-2008 10:34 PM

المشاركة الأصلية كتبت بواسطة dr_mohamed2007

الحكاية انى اشتريت فيرنا فيفا نص كماليات فيها كاسيت رودستار مش هيونداى ... المهم مشيت بالعربية وكله تمام بعد يومين الكاسيت فصل والراديو شغال !!!!! السؤال الان لما اروح صيانة الالف كيلو اطلب تصليحه فقط ولا اطلب تغييره بكاسيت هيونداى لان ده المفروض لان العربية تكييف وكاسيت وباور .........وأكيد الاخوة فى غبور شالوا الكاسيت الاصلى وركبوا الكاسيت ده وهو صناعة مصرية ..ايه الحل يا اخوانى انا الان فى حالة نفسية سيئة وشكلى وحش جدا لدرجة ان لما حد يركب معى ارفض تشغيل الكاسيت بدعوى ان مفيش شرائط الواحد مكسوف من نفسه ...ارجو الافادة لانى ذاهب اليهم بعد حوالى اسبوع فقط

انا بستغرب فى سيارة بتنزل فى سنة 2008 بى كاسيت اعتقد انه المفروض تنزل بى سى دى و mp3 كمان و ليس كاسيت لان الكاسيت انقرض و بقى موضة قديمة لكن فى حالة تعاملك مع توكيل سيىء مثل غبور ممكن تتوقع اى شىء منه .

**SEATLOVER** · 27-04-2008 10:41 PM

يا دكتور محمد ..ولا تزعل نفسك ولا حاجة ..لما تروح التوكيل قولوهم على الموضوع دة ..ولو موصلتش لحل ولو دة صعب ..ممكن اى حد بتاع كاسيت يوصلهولك تانى
والكاسيت الرودستار برضو من احسن الماركات فى الكاسيتات
الحمد الله ..المشكلة بسيطة و حلها سهل ..ماتضيعش فرحتك بالعربية عشان حاجات صغيرة ..دايماً الحاجات الالكترونية و الكماليات معرضة لاى عطل فى اى وقت

**Nile_Storm** · 28-04-2008 10:50 AM

المشاركة الأصلية كتبت بواسطة lanos2

انا بستغرب فى سيارة بتنزل فى سنة 2008 بى كاسيت اعتقد انه المفروض تنزل بى سى دى و mp3 كمان و ليس كاسيت لان الكاسيت انقرض و بقى موضة قديمة لكن فى حالة تعاملك مع توكيل سيىء مثل غبور ممكن تتوقع اى شىء منه .

الاخ لانوس
اولا اهلا بيك معانا
ثانيا الراجل عنده مشكله مش لازم يعني نقوله كلام نحبطه كده المفروض الاول يتقاله مبروك ولا ايه
ثالثا مش غبور بس اللي بيعمل كده ده فيه توكيلات كتيييييييير و السبب في ده غالبا بيرجع للجمارك العاليه
خد عندك مثلا
الافيو مفيهاش ام بي ثري و تقريبا كاسيت عادي
الالتو
السبارك
اللانوس
الماروتي مفيهاس كاسيت اساسا
الشاهين
الاونو
وحتي السيريون مش بتنزل بكاسيتها الاصلي
و غيرهم كتيييييييييييير
انا طبعا حطيت امثله من كل الفئات من 36 الف لغاااايه 80 الف

**Nile_Storm** · 28-04-2008 10:52 AM

يادكتور محمد متقلقش ده فيوز معلق غالبا يعني موضوع سهل باذن الله

و اسف اني غيرت مجال موضوعك

**hany79** · 28-04-2008 11:08 AM

يا جماعة انا جبت الصني Ex Automatic برده كاسيت مش سي دي و لا ام بي ثري
فمتزعلش نفسك يا دكتور و ربنا يباركلك فيها و يكفيك شرها

**Nile_Storm** · 28-04-2008 11:13 AM

بالظبط استاذ هاني المهم تكون مقتنع بالعربيه و اهه العربيات الصيني بتبدا من 40 الف و جردل كماليات لكن اداء مفيش
ربنا يباركلك فيها يا استاذ هاني

**dr_mohamed2007** · 28-04-2008 11:37 AM

اشكركم يا اخوانى على الردود لكن كنت عاوز اعرف هل من حقى اطالب بكاسيت هيونداى من التوكيل ولا لأ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟

**Nile_Storm** · 28-04-2008 12:19 PM

مظنش بس ممكن تبدله علي ما اظن اسال في التوكيل

**arch_peter** · 30-04-2008 08:46 AM

يا دكتور محمد
الفيفا الفول اوبشنز بس اللى بتنزل بكاسيت هيونداى وانا متأكد لانها معايا
والهاف اوبشنز ماكانتش بتنزل بكاسيت من الأساس فطبعا مش معقول تطالبهم بكاسيت هيونداى كمان لانه ماكانش من شهرين فاتوا بينزلها بكاسيت خالص اصلا
عموما المشكلة سهلة جدا واعتقد انها مش مشكلة اساسا لانك اول ماتروح التوكيل مش هاتاخد منهم وقت فماتقلقش وتزعل نفسك