الcerato طلعت 92 حصان ؟

**mohamed_mohsen** · 15-06-2011 01:18 PM

المشاركة الأصلية كتبت بواسطة JapRuleZ

يعنى ميبيقولوش ال net hp

ولا كمان طالع اقل مل net

و تعرف عربيات تانية عملت DYNO ?

مفيش شركه بتقول الnet HP
كله بيقول الgross

**MASERATI** · 15-06-2011 01:58 PM

السلام عليكم و رحمة الله و بركاته

مكن سؤال بس, هو ايه الفرق بين الGross و الNet ؟؟؟؟؟؟؟؟؟

شكرا و جزاكم الله كل خير.

و للأخ الفاضل / ياسر الصياد:
الصورة اللى فى التوقيع ممتازة و جميلة جدا و ربنا يباركلك فى العربيتين, أنا أول مرة آخد بالى منها دلوقتى أنهم واحدة سيراتو و واحدة BMW 3 series, أنا كنت دايما لما بشوفها, بفكرهم الاتنين BMW, لو واحدة BMW 3 series و واحدة MAZDA 3 هتبقى أحلى بكتير , أصل حاسس كده أن السيراتو ماينفعش تقف أودام الBMW , مع كل احترامى الشديد و العنيف للسيراتو .

**ahmed_su** · 15-06-2011 02:12 PM

كان معايا عربية فيات 132 موديل 1975

كانت 92 حصان وكنا مسمينها الوحش الكاسر من قوة العربية دى

محرك قوى 2 كامة وتكنولوجيا السبعينات ... وبعد 36 سنة

وفروق التكنولوجيا الرهيبة تطلع السيراتو 92 حصان .... (-:

وكمان التمبرا 86 حصان ولا 132 ولا التمبرا ولا التيبو ياعم هشام

قدرت على السيراتو الاولد شيب اللى هى 122 حصان مزور .... ههههههه

على فكرة مش شرط ان يكون جهاز الدينو متعاير صح وذى ماقال اخونا ياسر

حط كل العربيات على نفس الجهاز الكورولا - السيفك - هتطلع نفس

النسب مقارنة بقدرتها المعلنة الكروز بقى هتطلع 80 حصان ....

**yoko** · 15-06-2011 02:31 PM

تمام وأنا مقولتش إن السيراتو وحشة بس خفت من الناس تطلع تكدبني وده طبيعي لإنها أوتو لو سيراتو مانيوال هتطلع رقم أحسن

**heshamzaky** · 15-06-2011 02:41 PM

المشاركة الأصلية كتبت بواسطة ahmed_su

كان معايا عربية فيات 132 موديل 1975

كانت 92 حصان وكنا مسمينها الوحش الكاسر من قوة العربية دى

محرك قوى 2 كامة وتكنولوجيا السبعينات ... وبعد 36 سنة

وفروق التكنولوجيا الرهيبة تطلع السيراتو 92 حصان .... (-:

وكمان التمبرا 86 حصان ولا 132 ولا التمبرا ولا التيبو ياعم هشام

قدرت على السيراتو الاولد شيب اللى هى 122 حصان مزور .... ههههههه

على فكرة مش شرط ان يكون جهاز الدينو متعاير صح وذى ماقال اخونا ياسر

حط كل العربيات على نفس الجهاز الكورولا - السيفك - هتطلع نفس

النسب مقارنة بقدرتها المعلنة الكروز بقى هتطلع 80 حصان ....

هههههههههههه باشا أزيك يا صديقى أنت تمبراوى قديم مقدرش أقول حاجة هههههههههههه
السؤال بجد و أنا بثق فى حكمك و كلامك بجد هو فعلا بعض الشركات ممكن تكتب قدرة الموتور و هو مش راكب فى العربية
السيراتو الى لونها نبيتى مليش دعوة بيها ماشى هههههه
و أبقى قولى الموضوع الى قولت لك علية مفيش أخبار ههههههه

**heshamzaky** · 15-06-2011 03:09 PM

المشاركة الأصلية كتبت بواسطة mohamed_mohsen

ايوه معظم الشركات بتعمل كده
هنآخد الموتور ال1.6 اللي في الاوكتافيا ايه فور و الجولف و الابيزا و الجيتا
الموتور قدرته 102 حصان و مُعلن كده في الاربع عربيات باختلاف الوزن و القوه المهدره و الفتيس و خلافه

gross horse power : هو قدرة الموتور لوحده .. أيوه لوحده .. يعني متوصل بالبنزين و شكرا ( almost as bhp )
net horse power : و دي طريقة القياس الأدق و هي بعد تركيب السيور و الجير بوكس و الباور و المروحة و الشكمان .. يعني القدرة اللي بتوصلك فعلا صافية عند العجل

تسلم يا باشا على التوضيح لانى سمعت من كذا شخص أن بعض الشركات بتعمل كدة لأسباب تسويقية و لو حسبتها مثلا بالعقل حا تقول عربيتين مثلا 1600 سى سى هل الفرق بينهم فى القدرة الحصانية 40 حصان مستحيل
يعنى مثلا موتور 1600 سى سى معروف أن القدرة الحصانية بتاعتة الفعلية و هو راكب فى العربية 86 حصان و عربية 1600 سى سى بس مكتوب فى الاعلان ان القدرة الحصانية 124 حصان فى رايى دة مستحيل لان الفرق حوالى 38 حصان لو دة حقيقى يبقى حا تلاقى عربية منهم طلقة على الارض و العربية الاخرى سلحفاة ماشية جنبها
و السؤال الاخر الموتور بتاع السيراتو بيطلع كام كيلو وات و العزم بالنيوتن كام عاوز أعرف النقطة دى

**yoko** · 15-06-2011 03:17 PM

المشاركة الأصلية كتبت بواسطة mohamed_mohsen

ايوه معظم الشركات بتعمل كده
هنآخد الموتور ال1.6 اللي في الاوكتافيا ايه فور و الجولف و الابيزا و الجيتا
الموتور قدرته 102 حصان و مُعلن كده في الاربع عربيات باختلاف الوزن و القوه المهدره و الفتيس و خلافه

gross horse power : هو قدرة الموتور لوحده .. أيوه لوحده .. يعني متوصل بالبنزين و شكرا ( almost as bhp )
net horse power : و دي طريقة القياس الأدق و هي بعد تركيب السيور و الجير بوكس و الباور و المروحة و الشكمان .. يعني القدرة اللي بتوصلك فعلا صافية عند العجل

تعديل بسيط
gross : الموتور فقط بدون دينمو أو طرمبه ميه أو أي حاجة وبياخد الكهربى والتبريد وكله من أجهزة خارجيه مش واصله غير الشكمان
net : الموتور بره العربيه بس عليه كل ملحقاتة وسيورة مشغل نفسيه بنفسي
wheel : وده الي بيتقاس بالدينو وفيه هدر الفتيس وأجزاء التوصيل كلها بما فيهم الكاوتش (لو إحتكاك الكاوتش إختلف هغير القرايه)

**ahmed_su** · 15-06-2011 03:39 PM

المشاركة الأصلية كتبت بواسطة heshamzaky

هههههههههههه باشا أزيك يا صديقى أنت تمبراوى قديم مقدرش أقول حاجة هههههههههههه
السؤال بجد و أنا بثق فى حكمك و كلامك بجد هو فعلا بعض الشركات ممكن تكتب قدرة الموتور و هو مش راكب فى العربية
السيراتو الى لونها نبيتى مليش دعوة بيها ماشى هههههه
و أبقى قولى الموضوع الى قولت لك علية مفيش أخبار ههههههه

هههههههههه على فكرة يا هش انا ولا تفرق معايا هى كام حصان ولا بزعل على عربية نبيتى ولا غيرها

احنا بنحاول نستفاد من المعرفة وذى ما وضح الزملاء الاعزاء طرق قياس القدرة الفرملية المختلفة

تبعا لسياسة كل شركة - وعلى فكرة فى فقد رهيب فى القدرة الفرملية للمحركات مع الجيربوكس

الاتوتمانيك مقارنة بالمانيول

ومن غير دينو ولا حاجة جرب تسوق سيراتو مانيول ... هتلاقى تنين اسيوى و وحش حقيقى

محبوس تحت الكبوت - لسه سايق سيراتو مانيول بتاعة اخويا ما فيش وجه مقارنة بجد بينه وبين الاتو

كأنك راكب حصان عاوز يتروض

ده موتور الاولد شيب للسيراتو وهو هبتاع الالنترا

وهتلاقى الهورس باور والعزم مكتوب على الصورة

وموضوعك للاسف "بخ" اتخطف خطف السوق متعطش للغاية يا باشا ... معلش بقى المرة الجاية....

-

الموضوع: الcerato طلعت 92 حصان ؟

LinkBack

أدوات الموضوع

عرض

-

-

-

-

-

المواضيع المتشابهه

للبيع : تكييف 1.5 حصان و 3 حصان وايت ويل + فلتر مياه 7 مراحل(كله جديد)

سرقة مرايا الCerato

خبر جميل لكل مالكى فيات بمحركات T-Jet 120 العربية طلعت 135 حصان Stock

اسبرانزا طلعت 80 حصان بس مش 118 "كلام موقعهم"

الكلمات الدلالية لهذا الموضوع

المفضلات

المفضلات

ضوابط المشاركة