انا روحت لسمكرى فتح الشنطه وردها بايده
عرض للطباعة
انا روحت لسمكرى فتح الشنطه وردها بايده
انا حاسس ان الحتة دى معملها عمل منين مشوف عربية لوجان القيها واخدة بوسة فى نفس المكان ....
انا شوفت كذا لوجان واخدة نفس التريحة قولت هى الناس مستقصده لوجى ولا إيه :grin54:
من عونيا يا باشا هصورها إن شاء الله اول ما افضى عشان عندى امتحانات اليومين دول وما بروحش ناحية الجراج
الف شكر مقدما يا باشا هو فعلا انا سمعت انه فى ناس بتستخدم طريقة زى دى فى الإكصدامات بيحطوا عليها مية سخنة وبيخبطوا عليها بترد تانى
انا اول ما شوفتها تنحت وقولت ياربى دا انا راكنها وجنب الرصيف واسيبها ربع ساعة ارجع الاقيها كدا بس الحمدلله انها جت على قد كدا وإن شاء الله تترد
انا فعلا كنت مكبر دماغى بقالى فترة بس كل ما اشوفها بتعكنن لأنى محافظ على العربية وبرضو تتخبط وقبل كدا كنت راكنها فى الجراج وببص لقيت واحد قال يدينى الختم فى العتب اليمين وكانت العربية لسه جديدة يعنى لما اركنها اركنها جنب البلكونة ولا اعمل إيه مش فاهم :crying2:
انا كنت جربت اعدلها من عند الشنطة فعلا بس لقيت انى مش واصلها بس مكنتش رفعت الفرش هجرب تانى إن شاء الله
ايوة والله معظم اللوجان واخدة التريحة دى وخبطات فى الرفرف فوق العجل :(
انا واخد ختمين كدا واحد فى الرفرف وواحد فى العتب يعنى لوجانوى اصيل مأصل :grin54:
يا جماعة الموضوع ابسط مما يكون - حتفتح الشنطة حتلاقي بلاستكة شبة الورده سوداء مربوط بيها الموكيت بتاع الشنطة فكها وشيل حتة الموكيت اللي مغطية علي الترييحة وماتقلقش من حاجة الموكيتة مش حيحصلها حاجة - المهم بعد ما يبانلك التة المريحة دوس عليها لبره حترجع زي ماكلنت واحسن وارجع رجع الموكيت تاني واربطة بالصامولة اللي شبة الوردة - جرب وادعيلي
قد لا يخلو الأمر من بعض العضعضة لو تعددت الأختام والرد كذا مرة زى حالاتى ، وبتبان من انعكاس النور على الصاج .. بس هيبقى ارحم بكتير من انك تمشى والختم معلم على مؤخرة لوجى.
بسيطه افتح الشنطه واخلع الفرش واضربهاا بأيدك
ده انا كان عندى خبطه فى نفس الحته بس فى زاويه الفانوس مباشرتآ
وانا اللى خلعت الفرش ورديتها بالمفتاح الحديد المتعلق فى الشنطه ودقيت عليهاا ورجعتهاا مكانهاا ولا سمكرى ولا بتاع
وقومت رايح للبوهيجى قام ضربهالى معجون وبعدهاا اداهاا رشه صغيره فى الحته دى ولمعهاا وكأن لم شئ يكن
ومافيش عربيه مش مخبوطه ولا محكوكه وخصوصآ فى مصر وتحديدآ القاهره ما شاء الله يعنى مش وراهم شغلانه غير انهم يخبطو فى بعضيهم طول ما هما ماشيين ولو حد حك فيك كأنه بيقولك صباح الفل