الموضوع: عندى تطبيقة فى الرفرف ورا

لو عملتها في التوكيل هتبقى غالية قوي, شوف سمكري بره أحسن

و شوف الموضوع ده كمان
http://www.nilemotors.net/Nile/222677-a.html

المشاركة الأصلية كتبت بواسطة dr.karim emam

لو عملتها في التوكيل هتبقى غالية قوي, شوف سمكري بره أحسن

و شوف الموضوع ده كمان
http://www.nilemotors.net/nile/222677-a.html

الف شكر على ردك يا د. كريم

بس هى الخطبة مش جامدة يعنى ممكن تتعدل بالإيد بس مش عارف اوصل لمكانها للأسف
هحاول اشوف سمكرى يعملها بس الصراحة خايف لأن دى اول عربية ليا ومليش تعامل مع السمكرية فمش عارف هيفك الرفرف عشان يوصل لمكان الخبطة ولا إيه

مش خبطة عربية لأ الناحية اللى اتخبطت كانت ناحية الرصيف يعنى زى ما يكون 2 كانو بيتخانقوا وواحد رما واحد على العربية .. الخبطة بالظبط نفس مكان تانك البنزين بس الناحية الشمال هى مش جامدة بس بقت مخلية شكل العربية وحش وكل ما اشوفها كدا اتضايق.

الموضوع ده حصل معايا ييجى 3 أو أربع مرات لغاية دلوقتى .. العربية تكون راكنة فى أمان الله ، وانزل ألاقى الحتة دى بالذات زى ما انت وصفتها بالتمام بس انت وصفتها بأنها خبطة ، وهى فى الحقيقة ترييحة .. يعنى حد عنده مقعدة جامدة شوية وأخد راحته بيها على العربية بزيادة .. وعلى فكرة دى فعلاً أضعف حتة فى صاج العربية بدرجة غبية، بحيث انك لو زقيتها بايدك زقة خفيفة هتاخد وتدى معاك.

وفى كل مرة الموضوع ده بيحصل ، أنا باردها بايدى بتقنية بسيطة ، وهى انك تعمل ايدك على شكل قبضة وتضرب بقوة على الصاج حوالين الحتة المتنية لجوة ، وماتزهقش ، اقعد اضرب داير ما يدور حولها وبعد عدة عشرات من الضربات هتلاقيها ردت مكانها.

وزى ماقلت لك 3 مرات حصلت معايا انزل افاجأ بالمأساة ، بس فى كل مرة كنت بانجح فى ردها بالحركة اللى قلت لك عليها.

المشاركة الأصلية كتبت بواسطة egyzizo

الموضوع ده حصل معايا ييجى 3 أو أربع مرات لغاية دلوقتى .. العربية تكون راكنة فى أمان الله ، وانزل ألاقى الحتة دى بالذات زى ما انت وصفتها بالتمام بس انت وصفتها بأنها خبطة ، وهى فى الحقيقة ترييحة .. يعنى حد عنده مقعدة جامدة شوية وأخد راحته بيها على العربية بزيادة .. وعلى فكرة دى فعلاً أضعف حتة فى صاج العربية بدرجة غبية، بحيث انك لو زقيتها بايدك زقة خفيفة هتاخد وتدى معاك.

وفى كل مرة الموضوع ده بيحصل ، أنا باردها بايدى بتقنية بسيطة ، وهى انك تعمل ايدك على شكل قبضة وتضرب بقوة على الصاج حوالين الحتة المتنية لجوة ، وماتزهقش ، اقعد اضرب داير ما يدور حولها وبعد عدة عشرات من الضربات هتلاقيها ردت مكانها.

وزى ماقلت لك 3 مرات حصلت معايا انزل افاجأ بالمأساة ، بس فى كل مرة كنت بانجح فى ردها بالحركة اللى قلت لك عليها.

ايوة فعلا تقريبا هو دا اللى حصل هجرب الطريقة دى ويا رب تنجح معايا

الف شكر يا زيزو باشا

نفس الحكايه

كان في فيديو هنا فى المنتدى بس انا لم اجربه هو للخبطات اللي من هذا النوع
1- تجيب سيشوار بتاع الشعر وتشغله على الجزء العليل اللى فى الصاج
2- و هو سخن ترش عليه اسبرى اللى بيستخدم لتنظيف الاجهزه الالكترونيه بيرد فى ثانيه
حأحاول ادور لك على الفيديو
تحياتى