رقم العضوية : 94693
تاريخ التسجيل : 14Apr2011
المشاركات : 1,834
النوع : ذكر
الاقامة : Alexandria
السيارة: لا يوجد
السيارة[2]: Brilliance V5
دراجة بخارية: لا يوجد
الحالة :
يا جماعه انا ان شاء الله هجيب ماروتى مستعمله و عاوز اعرف من موديل 94 الى 97 الشكل القديم احسن و لا من موديل 98 الى الان الشكل الجديد احسن و كمان ان شاء الله لما هجيبها عاوز اغير الطابلوه بطابلوه هيونداى اتوس و اغير الدركسيون بدركسيون سوزوكى سيلاريو فعاوز اعرف سعر الطابلوه كامل يعمل كام و سعر تابلوه الماروتى عند البيع كام و عاوز شويه اسعار قطع غيار للعربيه و اهم مميزاتها و اخبارها ايه لانها بجد عجبانى و جزاكم الله كل خير و اسف على الاطاله
رقم العضوية : 41844
تاريخ التسجيل : 04Jun2009
المشاركات : 8,706
النوع : ذكر
الاقامة : في بيتنا
السيارة: هوندا سيفيك / بي ام دبليو 316i
السيارة[2]: سوزوكي التو / رينو لوجان
دراجة بخارية: جاية في الطريق
الحالة :
اكيد الشكل الجديد احلي لأنه مطور عن القديم و شبيه بالسوزوكي التو بس ع اصغر شوية
مع العلم ان كل الماروتي تقفيل هندي من اول ما نزلت هي و الالتو و حتي السيلاريو عشان محدش يقولك القديم ياباني و الجديد هندي
و طبعا الافضل تجيب موديل احدث عشان العربية تكون كويسة
بالنسبة لاسعار التابلوه للاسف مقدرش افيدك لو ينفع تغير
بالنسبة للدريكسيون فكر في دريكسيون الالتو لأنه هيليق ع العربية نفسها اكتر من بتاع السيلاريو و حجمه اصغر من بتاع الماروتي
مش قصدي ان بتاع السيلاريو شكله وحش لكن اقصد التناسق و الشكل العام
مميزات الماروتي
انها عربية شبابية و اقتصادية في كل حاجة قطع غيار و بنزين و كله
شغلها سهل و احلي حاجة انك تجيب بيها 120 هوا خاصة ع كوبري اكتوبر هههههه اسأل مجرب
العربية كربراتير
و اخيرا حجمها اللي يعتبر ميزة و عيب في نفس الوقت لكن في مصر ميزة
نظرا لضيق الشوارع و الغرز و تقدر تركنها في اي مكان
عيوب العربية
انها صغيرة شوية زي مقولنا
العربية مش عايزة قرص اوي و لا مشاوير طويلة طول الوقت
مع انها بتسافر عادي و بتحمل كمان
لكن لازم تهتم بيها بعد كل سفرية عشان تفضل تمام معاك
لاحظت ان اسطوانة الدبرياج اول حاجة بتبقي محتاجة تتغير فيها لو واحد رجليه تقيلة شوية ع الدبرياج يبقي يعمل حسابه انه يغيرها دايما :)
انما لو بتحافظ عليه متقلقش ان شاء الله
اخيرا و ليس اخرا العربية لا تتمتع باي وسائل رفاهية الخاصة بالصيف لكن ده كله يمكن التغلب عليه بالتركيب
لكن في المجمل العربية مناسبة لاي شاب او اسرة صغيرة لا تتعدي 3-4 افراد و اطفالهم صغيرين
و بالتوفيق ان شاء الله
المفضلات