الحمد لله ظبطت التكييف ..... بس عندى سؤالين

**honda forever** · 15-06-2011 09:19 PM

السلام عليكم ورحمة الله وبركاته
ببعت سلامى لكل الهونداويه الجامدين أوى
الحمد لله إنتهيت من صيانة التكييف اللى طلع عينى والحمد لله التسقيع زى الفل فى عز الظهرالحراره جوه العربيه ما بين 5 و 10 درجات على الترمومتر بس عندى سؤالين:
1- أنا غيرت الأكسبانشن عشان القديم كان كاتم وبيعمل تلج ومكانش بينظم التبريد بس الأكسبانشن اللى ركبته (طبعا يابانى وجديد) مفيهوش راجع فريون بس زى ماقلت الحمد لله التسقيع زى الفل هل فى مشكله إنه مفيهوش راجع فريون ولا ده عادى؟؟؟؟ الأكسبانشن اللى موجود بتاع العربيه الجديد تايوانى والأصلى غالى جدا
2- فى صوت صفاره من الكباس أحيانا بتظهر وهو شغال لما يكون ال rpm على 2.5 أو 3 فى مشكله من الصوت ده تستدعى حل سريع ولا ده عادى وموجود وأنا مكنتش واخد بالى؟
دول السؤالين اللى عايز رد عليهم
وأتمنى لكل الهونداويه الجامدين تكييف جامد فى الصيف

**Hamdy Masria** · 15-06-2011 09:46 PM

مبروك عليك تظبط التكييف فى الجو ده
اعذرنى معنديش معلومات اقدر افيدك بيها فى اسألتك

**SAMEH_FOUAD** · 16-06-2011 12:45 AM

يعنى اية مافيهوش راجع فريون وانت جيبت الexpansion بتاعة اية بالظبط

بالنسبة لصوت الصفارة لو طالع من الكباس يبقى هتفك السير وتدور بلية الكباس بأيدك لو لقيتها خشنة هتجيبها جديدة ب35 جنية وهتتركب بدون نزع الكباس او تفريغ الفريون وتركب السير كويس وتشدة

والف مبروك ياباشا على التكييف وربنا يباركلك فيها

**mmharoun** · 16-06-2011 11:50 AM

الف مبروك على صيانة التكييف

**abofarah** · 16-06-2011 11:58 AM

مبروووووووووووووك و عقبااااااااااااااالى يا رب

**honda forever** · 16-06-2011 01:17 PM

الله يبارك فيكم يا جماعه ويكرمكم فى عربياتكم

شوف يا سمسم يا رب أعرف أوصفلك
الأكسبانشن بتاع عربياتنا بيكون فيه راجع فريون بيرجع الفريون الزياده للدايره تانى
بتاع التكييف قالى إن العربيه الوحيده اللى كانت بتعمل الموضوع ده هى الهوندا القديمه والعربيات الجديده كلها مفيهاش الراجع ده حتى فى الهوندا الجديده وقالى مالوش أى لزمه غير لو فى فريون زياده يرجع زى ما قلتلك وكمان قالى إن مفيش أى ضرر من أى نوع فإحنا قفلنا الراجع ده ببنطة لحام
والأكسبانشن اللى ركب يابانى أعتقد بتاع تويوتا
فطبعا قلت أسأل الوحوش فى موضوع الراجع ده

بس على فكره ما شاء الله لا قوة إلا بالله التبريد إختلف كليا وجزئيا عن قبل كده
وأنا بعد فترة تجربه إن شاء الله هقولكم على الأخبار عشان لو حد عايز يعمل الموضوع ده

**mmharoun** · 16-06-2011 02:51 PM

المشاركة الأصلية كتبت بواسطة tarekomar66

الف مبرووووووووك
عقبالى يارب

طارق باشا انت ليسة فى مشكلة التكييف ولا ايه مش كونت عملتة ايه الى حصل تانى

**SAMEH_FOUAD** · 16-06-2011 06:25 PM

المشاركة الأصلية كتبت بواسطة ibrahim hassan

الله يبارك فيكم يا جماعه ويكرمكم فى عربياتكم

شوف يا سمسم يا رب أعرف أوصفلك
الأكسبانشن بتاع عربياتنا بيكون فيه راجع فريون بيرجع الفريون الزياده للدايره تانى
بتاع التكييف قالى إن العربيه الوحيده اللى كانت بتعمل الموضوع ده هى الهوندا القديمه والعربيات الجديده كلها مفيهاش الراجع ده حتى فى الهوندا الجديده وقالى مالوش أى لزمه غير لو فى فريون زياده يرجع زى ما قلتلك وكمان قالى إن مفيش أى ضرر من أى نوع فإحنا قفلنا الراجع ده ببنطة لحام
والأكسبانشن اللى ركب يابانى أعتقد بتاع تويوتا
فطبعا قلت أسأل الوحوش فى موضوع الراجع ده

بس على فكره ما شاء الله لا قوة إلا بالله التبريد إختلف كليا وجزئيا عن قبل كده
وأنا بعد فترة تجربه إن شاء الله هقولكم على الأخبار عشان لو حد عايز يعمل الموضوع ده

طيب هو مبدأيا لازم يكون فية راجع فريون عشان مايعليش الضغط فى دورة التبريد وكدة هيحمل على الكباس