لا روح الصبح بدرى تكون هناك على 9 ومن غير حجز
ومفيش تعب ولا اى حاجة اللى فى ايده حاجة يقدر يساعدك بيها أكيد عمره ما هيتاخر عليك،،، ان شاء الله ربنا يكتبلك الخير دايما
انا كمان إحتمال أروح بكرة سمارت وربنا يسهل
عرض للطباعة
يا باشا ألف شكر ربنا يخليك وربنا يسهل والعربية تطلع مفيهاش مصاريف و اطلع معاه على الشهر العقاري و نعمل عقد بيع نهائى ونخلص (هو الشهر العقاري بيبقى فاتح السبت صح ؟)
أنا رحت بسيط بس بعيني كدة على العربية إنهردة وحالتها نضيفة أوي هي بس رشه باب وفيها خبطة في شاسيه الاكصدام صغيرة ومش هعملها عشان مش باينة وكام حكة بسيطة , ومن جوا رمادي (كان نفسي في بيج بس مش مشكلة ) وفيها multi function ومحتاجة تغيير كاوتش عشان متغيرش قبل كدة ماشي 68 ألف
لو عرفت تخلصها على 75 يبقى زى ا لفل
انا بروح دايما من على الدائرى بنزل الاوتوستراد فى اتجاه حلوان ( 15 مايو) امشى شوية وادخل فى الحارة البطىء ،،، هتلاقى بنزينة شل،،، تدخل من عندها يمين وتمشى على طول وانت ماشى اسال على شارع فلسطين هتلاقى فى بنزينة مصر للبترول تقريبا سمارت كار عند البنزينة بالظبط
وابقى طمنى عملت ايه،،، لو لقيت فى قطع غيار عاوزة تتغير ما انصحكش تشتريها من هناك
وربنا يكرمك ويوفقك يارب
الف مبروك مقدما على العربيه
بس يا ريت تعرفنى عملت ايه وجبتها بكام علشان انا الايام ديه بفكر اشترى عربيه مازدا
ألف شكر ليكوا أنا الحمدلله خلصتها ب 75 وهيا محتاجة طقم سرفيس كامل عشان مخنوقة (يا ريت تقولولي اسعارهم واجبهم منبن ) ومحتاجة طقم كاوتش بس في حاجة مضيقاني مخدش بالي منها الا في الاخر كان مكتوب في الرخصة 1499 cc قلتله ده ازاي يعني قلي دي كانت غلطة في المرور وعادي مفيهاش حاجة , أنا حاروح بكره بإذن الله أعمل الرخصة باسمي في المرور ومش عارف أخليهم يصلحولي الحوار دة ولا اسيبها كدة دلوقت وخلاص عشان ميسحولونيش في المرور
الف مبروك يا ماندو وربنا يارب يديك يخرها وحفظك ويكفيك شرها
بالنسبة لموضوع المرور انا شايف انك ترجعها تانى 1599 حتى علشان لما تبيعها ميكونش فيها مشكلة،، واكيد هتلاقى فى الملف الاصلى ما يثبت انها 1599 فمظنش الموضوع فيه مشكلة
الشركة العالمية لقطع الغيار
0108886669 ده رقمهم
22560511- 22580709
ربنا يبارك فيك يا باشا وأنا هنزل دلوقت أغير زيت الموتور (يا ريت ألاقي عندهم فلتر الزيت ) وأزود زيت الفتيس والفلاتر حبقى أشتريهوم من المكان اللي حضرتك قلتلي عليه بس كمان شهر ولا حاجة عشان no cash :D ولازم طبعا نتقابل قريب بقى عشان أتشرف بحضرتك أنا ساكن في الهرم حضرتك ساكن فين ؟
يا ماندو الشرف كله ليا انى اتعرف عليك،،، انا ساكن فى 6 اكتوبر
انا شايف انك ممكن تغير زيت الموتور والفلتر فى اى بنزينة موبايل او شل
فلتر البنزين هاته من العالمية،،، ونصيحة منى انك تزود زيت الفتيس فى سمارت كار لانى الصراحة معرفش نوع الزيت ايه فبالتالى مش بزوده غير عندهم
يا باشا ربنا يخليك ظبطوا انتوا أي مقابلة في أي مكان وأنا معاكو وكويس أنك لحقتني قبل مزود زيت الفتيس في البنزينه وكان شكلهم مش فاهمين أصلاً عشان كدة مشيت (هو تكلفته كم في smart ) وأعمل صوابع الميزان دى بالمرة ولا اسيبها هو مهندس محمد ألي سيبها مش بتأسر على حاجة وكدة كدة دة عيب في كل المازدا