كان مع حضرتك موتور 6 سلندر اسمه ايه ..او في عربية ايه
عرض للطباعة
افتنى فى مرسيدس 280S لونج مو 80 راكب بها موتور ديزل 2100 cc
ده يبقى موتور ايه و اشترى ولا لأ العربية عجبانى بس انا كده مش عارف موضوع الموتور
ولو تقدر تقدر تمنها وهل هعرف ابيعها لو حبيت ولا صعب؟ مشكور مقدماً
موتور ديزل 2100 سي سي ...دا اللي مسقط الموتور دا عايز الشنق
هو لو موتور مرسيدس يبقي موتور بتاع W115 الخنزيرة دا قدرته 55 و العربية وزنها 1400كج
مش بتسحب ..بطيئه جدا جدا .
نيجي احنا ناخد الموتور اللي لما كان جديد كان 55حصان و نحطه في عربية اتقل و اكبر ..مش حتمشي تقريبا بلاش طبعا تشتريها انا منصحش حد بيها ابدا
لو حضرتك حابب الموديل دا بلاش 280S كرابيراتير بلاعة بنزين ...دور علي 280/300se/L
دول انجكشن لو محدش لعب فيهم استهلاكهم معقول جدا
مساء الخير
اما بايدك وبايد كل حرف حضرتك كاتبه هنا عن الموديل دااا انا بمتلك 300 اس اى ال 88 بعد ما ركبت عربيات كتير فعلا عربيه لا تقارن فى امان وثبات ومششششى وقوى ما شاء الله حاجه جميله وقويه جداا وحاليا بحاول احدثها واجيب موديل 91 وربنا المستعان
مع الشكر
السبع سبع ولو كلت مخالبه والفار فأر ولو البسته الذهب
السلام عليكم .,
بصراحه الله ينور عليك علي المعلومات القيمه ديه .
انا بصراحه ناوي اشتري w126 بس انا بفكر في ال500sel او 300sel بس انا مش عرف بتتباع فين في الاسكندريه لو حضرتك تعرف يارت تقولي ! ثانيا انا معايا عربيه لادا 2115 سماره موديل 2006 هلا الw126 تستحق اني استغني عن عربيه موديل 2006 بيها وهل هي احسن من الموديلات الحديثه الموجوده في سوقنا التعبان .
ياريت لو حضرتك ترد علي في اسرع وقت .
شكرا
عربية 2006 2011 ...الW126 تستاهل ..العربية دي متتعوضش افضل من المرسيدس الجديد في نظري
الفكرة مش بالموديل انا و الله ساعات اركب عربيات جديدة و سعرها مش اقل من 100 الف و ركوبتها (اعذرني في الوصف) زبالة لا تقارن ب S-class ابدا ....الS-class القديم عربيات مش اي حد يركبها (بغض النظر عن المادة ).. اذا حضرتك عايز تجيب واحده.... ال300 ممتازه
في معرض في رشدي علي ابوقير قدام البنزينة بتاعت الغاز حتلاقي جنبه بتوع قطع غيار مرسيدس مش فاكر اسمه حاليا بس هو دايما بيشتغل فيهم كنت بشوف حاجات نضيفة جدا و سعره عالي جدا بالنسبة للسوق ...بس بلاش ال500 موتورها مشكلة عايز واحد خبير
ألله ينور انا بحب الموديل دا اوى بجد فرحتونى ربنا يخليك ياكبير وتزود معلومتنا عنة يااااااااااااااااااارب
يافندم كثيراً ما تجد من يركبون المرسيدس ولكن نادراً ما تجد من يفهمون فيه
وأخيراً تقبَل تحياتي .... عاشق النجمة
انا من عشاااااااااااااق مرسيدس بنز حتى النخاع ..لدرجه ان خلفية الموبايل بتاعي هي اللوجو بتاع المرسيدس من ساعه ما اشتريت الموبايل بقالي ييجي 5 سنين :))
بجد حضرتك استاااااااااااااااااااااا ااذ مرسيدس ...الموضوع بجد مذهل مذهل مذهل
وبجد اقسم بالله انا بحلم اني امتلك العربيه دي وتكون بموتور 8 سلندر ... ياريت تقولي هي سعرها في حدود كام وبالنسبه لقطع غيارها متوفرة ولا ايه . شكرا جزيلا
هى الادارة مردتش لية ولا لازم نعمل مليونية !!!!!!!!!!!!!!!!!!!
السلام عليكم و رحمة الله و بركاته
أنت هتخلى الmercedes w126 300sel تبدأ تلعب فى دماغى, أنا نفسى فى واحدة نظيفة تكون مو 1989 و لا 1988 بالكتير أوى.
عربية, انما ايه, عربية !!!!!!!!!!!!!!
العربية دى ركبتها مع واحد قريبى
العربية دى من جوة من جوا فعلا سفينة فى الوسع
وصوت موتورها وحش كاسر و كانت 3000 سى سى
النجمه حتفضل نجمه
بيسموها الحلوفه
وكوضوع هايل اخر يارييت يتثيت
اسمها الحلوفه
التمساحه هي الفئةe
موديل اللي بعد الخنزيره وقبل الزلموكه
بجد مش عارف اقول ايه واشكرك ازاي..
مهما عملت مش حاقدر اوفيك حقك ..
ولا الف كلمة شكر تعبر عن اللي نفسي اقوله لحضرتك مش عشان الموضوع ده بس انما انا قرأت لك مواضيع تانيه بكل كلمة فيها وكل حرف وان شاء الله حاكمل كل مواضيعك
وواضح جدا ان حضرتك فاهم كويس جدا
وكمان اقل كلمة تتقال انك بتعشق دايملر مرسيدس بنز
وكمان حد محترم لاقصى الحدود .. باين جدا في الرودود واهتمامك بيها وعدم التجاهل مع اني مشفق على حضرتك جدا بسبب بعض الاسئلة اللي خلتني اشد في شعري وصعبت عليا جدا
المهم اي حد مهتم بالسيارات لازم ينحني احتراما واجلالا لمرسيدس بنز
وانا فعلا اكتر عربيه بعشقها او اتمنيت اني اركبها في مرسيدس هيا فعلا الw126 و w140
وطول عمري كنت باقنع بيها والدي الله يرحمو بس للأسف بقى توفى قبل مااجيبهاله
ودلوقتي حاسس اني بالبلدي حالق فيها
بس انا من محبي الكرايسلر ولا تنسى اتحاد العظماء دايملر كرايسلر
بص حضرتك هو لا مجال للمقارنه نهائيا و ممكن كمان تقول مستحيله ولو انا رجل دين ممكن اصدر فتوى تقول حرام شرعا
حيث ان اقل حاجة ممكن واحد معدي في الشارع يقولها ان العلامة ( نجمة مرسيدس ) لوحدها قد 10 مصانع لادا واكتر شويه .. مش بس عربية واحده
بس نصيحة طالما بصيت للموضوع من من الزاوية دي فا نصيحة من اخوك بلاش احسن بدل ماتدعي على العضو المحتر اللي تاعب نفسو عشان يشرحلنا معلومات قيمة اوي كده
اول مرة اشوف التقرير الاكتر من رائع ده
بجد شكرا
اشتريت عريبه مرسيدس sel 300 موديل 1990 و عايز الكاتالوج بتاعها و ياريت لو نمرة ميكانيكى كويس و كهربائى كويس علشان مثبت السرعه بايظ و انا ساكن فى مدينه نصر فا ياريت حد يكون قريب
موضوع راااائع انا كان معايا 280 موديل 83 مش حقول غير انها عربيه جباااااره
عربية برغم كل الوقت ده
انما وحش فالطريق والسفر
انا اشتريت ال300 من سنتين وبصراحه لاتملاء عيني اي سياره بعدها
اتمني شراءال116 وال140 وكذلكال123 المعدله التي لاتكل ولاتمل احسن سيارات تستحق كل جنيه وكل تعب
ماشاء الله بجد بارك الله فيك على الموضوع ده
انا بفكر فى المرسيدس وانتكده ثبتنى عليها
بس سؤال رخم وماحدش يتتريق ينفع اركب عليها غاز
ينفع يركب غاز لكن علي حساب الموتور....لوكنت عايز ال126يبقي لازم سياره اخري تخدم عليها...اما لو معدله وكربيراتير فهي اكثر عمليه ولا تكل ولا تمل بشرط الحاااااااااااااااله اقصد بالمعدله ال123 وممكن تمشي ببنزين80بس تكون كربيراتير وتكون200 علشان الضريبه
ارجو الافادة في تسعير w126 موديل 88 لونج SEL 560 السيارة بحالة ممتازة
تحتاج سربنتينة تكييف وماكينة زجاج امامي يمين و هي من المالك الأول و مائة الف و كسور ( كيلو متر )
كم الضريبة السنوية و كم قيمة العقد المسجل ؟
متابع
السلام عليكم يا جماعة انا متابع المنتدي من زمان واول مرة انضم ليه وفعلا سعيد بده
ليا سؤال انا قدامي مرسيدس sel 300 موديل 88 وعايز اعرف قطع الغيار واسعارها وصيانتها لاني عاشق للعربية ده بس قلقان ياريت الخبراء من اهل المنتدي يفيدوني وشكرا وكل سنة وانتم طيبين ورمضان كريم عليكم ان شاءالله