الموضوع: الصيف دخل ولازم نظبت العربية عشان السفريات

انا اسف جدا يا جماعة انى مبدخلش وانى مبسالش على حد بس سدقونى الدنيا الايام دية مخلية الواحد بيلف حولين نفسة ربنا يعدى الايام دية على خير

ملحوظة يا جماعة انا موبيلى اتسرق من ايام قليلة وكل النمر راحت ياريت الجميع يبعتلى رسالة فيها اسمة عشان اسجلها لحسن متسوح وكل محد يكلمنى يمسكنى اشتغالات

المهم انا طبعا راكن العربية وماشى بالموتسكل الصبح وبليل فى الطراوة باخد الموتسكل وبما ان الموتسكل فى حاجة بيظة وباعت اجبها من برة فباخد العربية اة الجو دة الموتسكل طراوة طبعا التكيف بايظ كالعادة

قلت لازم اظبت العربية وجبت ورقة وقلم وقلت اكتب الحجات البيظة
1- التكيف
2- الهند بريك الوير اتقطع كنت داخل متخانق مع سواق مكرباص اتعفيت على الهند اتقطع الوير
3- العفشة عملت تقريبا دخلة فى 100 الف كيلو هغير (2 بيضة -2تيش- 2بطاحة ) وممكن لو اتبقا فلوس المسعدين الامامى لون العفشة كويسة بس عشان تفضل العربية جديدة
4- الشكمان العلبة قالى فى النص عيزة تتغير وفى كوتشة مقطوعة
5- طقم الدبرياج ذى الفل ولسة فى شم النسيم جايب بيها 190 ومعاية 6 افراد فى العربية بس الدسك بيرعش وانا مش قادر اتعايش مع الحكاية دية المهم هغير طقم الدبرياج ودة قرار نهائى
6- السقف وقع وبقت العربية بكرش جوة العربية
7- الاكسدام واقع من الجنب اليمين
8- الاكسدام الامامى بصراحة لازم يترش خد حوادث حيوانات بدبنة انا لغايت دلوقتى قاتل بتاع كلبين 6 قطط مبهدلين البوية خالص
9- الشبكة بتاعت العربية مشروخة من جوة هى مشبينة خالص بس يحبز تغيرها لو اتبقا تعريفة معاية

المهم ابتديت بالتكيف لحسن الدنيا نار يا حبيبى نار
ما انتهيت منة

1- التكيف عملتة ورجع يسقع تانى
2- الهند بريك اشتريت الوير وركبتة
3- الاكسدام عملتة والدنيا حلوة بس يخسارة تانى يوم نزلت لقيت واحد خبطلى العربية هعملها تانى بس لما اروح للسمكرى نصيب

طبعا مش عايز اتكلم فى التكلفة عشان الواحد خلاص شبع مصريف

وهقلكم الجديد قريب