الموضوع: ايه افضل واسرع موقع تورنت لتحميل الافلام بلوراى 1080p

المشاركة الأصلية كتبت بواسطة Ahmed_Adham

واللهي لما بنزلها بلاقيها 1080 * 1920 نفس ريسوليوشن التليفزيون حتى شوف



حتى انا قربت من الصوره قوي لقيتها بنفس جوده قنوات OSN ومفيهاش بكسله. ممكن الفرق بين المضغوطه واللي مش مضغوطه يبان في شاشه كبيره 70 بوصه مثلا لكن عندي 46 بوصه الصوره زي الفل فيه أصل صعب بصراحه الواحد ينزل فيلم 8-25 جيجا في النت بتاعنا ده

مع احترامي لرايك طبعا كلام مش مظبوط عمر ماالمساحة دي تكون 1080 ابدا ولا بالجودة بتاعتها في فرق وفرق واضح جدا ان كان في الصورة او الصوت لانك حتلاقي النسخة مش dts وحتلاقيها ac3 وكله بيعتمد علي الريبرز اللي بيكود النسخة الاصلية للفيلم

المشاركة الأصلية كتبت بواسطة Ahmed_Adham

816 دي بعيد قوي كده تعتبر 720 أصلا. ولو ان الفرق مبيبقاش شاسع بين ال 720 وال 1080 بس برضه! أنا راجعت كا فيلم من اللي عندي (عندي حوالي 50 فيلم من الموقع ده) وبلاقي كتير منهم 1920 * 1080 يعني زي ما الكتاب بيقول



وتلاقي حاجه 1070 زي ده



وحاجه بقى 816 زي ده lol



او ده



طب اشمعنى ده من الافلام القديمه و 1070؟




بس عارف حتى الافلام القديمه زي Shawshank redemption و scarface فرق رهيب بينهم وبين النسخ القديمه اللي الواحد شافها قبل كده. YIFY ده هوه اللي واخد شهره AXXO اليومين دول وعشان كده عمل موقع لوحده بعيد عن مواقع التورنت حتى عنده تراكر خاص بيه. زي ما قلتلك البكسله مش هتبان الا في شاشه كبيره.

بالنسبه للصوت انا عندي 5.1 وايرلس والخمسه والصب شغالين عادي بس طبعا داخلهم الصوت من مخرج واحد من التليفزيون ومع زلك الصوت بيتوزع على السماعات زي ما هوه يعني في أفلام الرعب مثلا تسمع باب بيفتح من ناحيه اليمين بس وصوت خبطه ييجي من الشمال الخ الخ...

على فكره السماعه بتاعتي THX certified واسمها creative gigaworks G550 قديمه شويه بس مجرمه.

باشا ريبرز ال axxo قديم فحت من سنة 2007 وكانوا واخدين شهرة قبل نسخ البلوراي لما تظهر وكانت وقتها افضل نسخ افلام وسرعة في التحميل لان عدد البيرز بيكون كتير بس عند انتشار البلوراي ماتوا تماما
وبخصوص البكسلة اي بكسلة بتظهر حتي لو في شاشة موبايل مش بس شاشة كبيرة او صغيرة ده بالنسبة لواحد خبير ويعرف الفرق يعني نظرة الخبير غير واحد لسة بيتعرف علي جودة البلوراي اكيد لو شاف اي نسخة 480P حيطير من الفرح وحيحلف بيها لا في فرق وفرق كبير جدا
لان كمان في جودة جديدة بعد ال 1080p اسمها 4K ودي ضعف الجودة ال 1080P
يعني لو الجودة ال 1080P 1920*1080
فالجودة ال 4K 3840*2160
تخيل بقي فرق الصورة والجودة
ده بجانب التقنية الصوتية الجديدة الي بقت تبدا من 7.2 مش 7.1
الي 11.1 وده لسة مانزل الي الان
بخصوص البريند بتاع THX فانت بالفعل علي عتبة الاحتراف
بس محتاج مسرح اكثر احترافية لان السماعات صغيرة علي الجو الاحترافي

المشاركة الأصلية كتبت بواسطة dede_dodo88

غالباً الأفلام دي بتبقى متاخدة من نسخ تانية 1080p حقيقية أو حتى 720p من اللي موجودين على النت و بيقللوا الـbit rate و يلعبوا شوية في الcodecs بتاعة الصوت و الصورة عشان حجم الملف يصغر و بيعملوا resize لحجم الصورة عشان تبقى 1920*1080 عشان يقولك في الأخر أنها 1080p بس المسألة مش بحجم الصورة..
بس بيبقى في فرق طبعاً في جودة الصوت و الصورة بين النسخ الملعوب فيها دي و الـ1080p الحقيقي..و يمكن الناس المتعودة على الأفلام البلوراي هي اللي تقدر تلاحظ فروقات الصوت و الصورة دي لما تتلعب على شاشة كبيرة و ساوند سيستم كبير5.1

يعني شوف مثلاً الـbitrate للصورة و الصوت هنا لفيلم 1080p بحق و حقيقي.. أكيد جودة مختلفة تماماً..



بس على فكرة معظم الأفلام الـ1080p مش بتنزل 1920*1080 ممكن تبقى 1920*800 أو *700 كمان.. و بتبقى بنفس الجودة بالظبط..

الله يفتح عليك كلامك سليم مليون في المية

المشاركة الأصلية كتبت بواسطة naser_56

ياااااااااااه اخيرا حصلت دعوه بالعافيه في chdbits بس بصراحه الموقع يستاهل السيدرز كتير والمحتوي رهيب

الف مبروك وبالفعل هو محتواه يغنيك عن اي موقع اخر وكل ملف فيه ناس كتير سيدرز وبيرز حتي لو بقي قديم وبسرعات مهولة
لو احتجت اي مساعدة قولي وانا اظبطك بس ياريت لاتقول لاحد علي اسمك بالموقع علشان في ناس بتضرب اسفين ويشتكيك لاي سبب وممكن تطرد وبالاخص العرب حاجة مش عايز اقولك

المشاركة الأصلية كتبت بواسطة M7amD_7amDy

يعنى ايه ريبرز؟

وأنا محمل من الموقع ده أفلام كتير وجودتها ممتازة جداا

وبتكون المساحات من 7 لـ 20 جيجا

مثال مثلا للفيلم ده The.Avengers.2012.1080p.BluRay.3D.H-SBS.DTS.x264-PublicHD

الصورة 1080p حقيقية والصوت DTS ومساحة الفيلم 15.2 جيجا

ايه وجه الأعتراض من الموقع على الرغم إنى مش خبير اوى فى المواضيع دى بس الموقع ده تحديدا شايفه مناسب وبيحط افلام جديدة وجودة عالية؟!!!!!!

ولو فى موقع تانى ياريت تضيفه

الريبرز هو الشخص اللي معاه اسطوانة البلوراي الاصلية اللي مشتريها وبيفك حمايتها وملفاتها لانها مجموعة ملفات صوتية وميديا وترجمات وبيعيد تحجيمها واعادة رفعها من جديد علي تراكر لتحميلها

يمكن انتا مقتنع بالفريق ده علشان ماشوفت فرق اخري
يعني لو شوفت فريق CHDBits حتتوهم
ولو شوفت فريق KraLiMaRKo مش حتصدق ازاي كنت بتتفرج علي نسخ لفرق اخري
وحجم النسخ بتاعتهم بتبدأ من 29 جيجا وانتا طالع بس المعدل 28.5 جيجا الي 49 واكتر

بخصوص المواقع الاخري في موقع خيالي ياتي في المرتبة الثانية وهو
hd-torrents.org
وسهل الحصول عليه مش صعب ممكن تشتريه ب 100 جنيه وممكن اقل لو لواحد مش عارف قيمته او تنتظر ابقي ابعتلك دعوة لانهم بيعطونا دعوات بس مش بوزعها علي حد علشان اخاف يستخدمها غلط ونتطرد انا وهو مع بعض

وفي كمان
bit-hdtv.com
ده في المرتبة الثالثة
وتقدر تحصل عليه بنفس الاسلوب والطريقة

لو انتا ليك في البلوراي لاتبحث برة الثلاث مواقع دي نصيحة واحد مؤسس التورنت وعرفته للعالم العربي وجميع المنتديات
مش حقدر اقولك انا مين بس حابب نصيحتي وخبرة سنين هي دي

المشاركة الأصلية كتبت بواسطة yuong313

الف مبروك وبالفعل هو محتواه يغنيك عن اي موقع اخر وكل ملف فيه ناس كتير سيدرز وبيرز حتي لو بقي قديم وبسرعات مهولة
لو احتجت اي مساعدة قولي وانا اظبطك بس ياريت لاتقول لاحد علي اسمك بالموقع علشان في ناس بتضرب اسفين ويشتكيك لاي سبب وممكن تطرد وبالاخص العرب حاجة مش عايز اقولك

الف شكر ليك علي اخلاقك العاليه وربنا ما يحرمنا منك ولا من معلوماتك وشكرا خاص ليك لانك عرفتنا بباقه من المواقع الجباره في عالم التورنت