زيت الفتيس و الكرونه

**ahmedalramy** · 16-06-2011 06:44 PM

انا رحت ازود ريت الفتيس و الكرونه فبتاع الزيت قال انهم مش محتاجين يتزودوا بس اولسي زيت الكرونه بيسرب
فطلعت جرى على العفشجى المهم قولتله ربطلى العفشه و شحمها بالمره فقالى انه هيركبلى عليات للسوست وره ... قلتله ركب
المهم خللص كل ده و زودلى كيلو زيت للكرونه بعد ما زبط الكرونه
و اخد 65 جنيه بعد ماكان عايز 75

يا ترى كده كويس ولا كتيراصلى اول مره اروح للعفشجى ده

**blazer** · 17-06-2011 05:38 AM

غلط موضوع العلايات دا
بيبهدل ثبات العربيه خصوصا فى الملفات والادا مش ناقصه اص هى ثباتها ضايع خلقه
وموضوع الفلوس مقدرش افيدك عشان معرفش تمن الزيت
بس انا بربط العفشه و ازيتها ب 10 جنيه

**mrastra** · 17-06-2011 10:06 AM

انا رافع ايدى ومختلف معاك
موضوع العلايات مش وحش للدرجة دى بالعكس بيخلى العربية ورة اعلى من ادام فابتحث ان العربية اثبت
وبعدين بحكم ان كل مشاويرى يعتبر سفر على طريق السويبس والطريق دة معروف بملفاتة الحادة فاى اختلاف فى ثبات العربية انا اقدر احسة كويس اوى وخصوصا انى بجرى شوية بالعربية مش
عارف اللى بيفرق اكتر فى ثبات العربية من ورة هو المساعدين
كان راكب عندى مساعدين غاز وزيت وكانو ناشفين وقتها العربية كانت مش ثابتة اوى الصراحة
انما امبارح والله ( يوم الخميس 16-6-2010 ) ركبت جوز مساعدين دبابة وبنفس العلايات اللى كانو راكبين عندى اختبرت الثبات كان فوق الممتاز
وعلى فكرة انا مركب علايات تقريبا 2.5 سم من كل جانب
نيجى بقى للمصنعية
العلايتين بـ 10 جنية
فك وتركيب الجنبين عشان العلايات 20 جنية
تزويد زيت فتيس الكيلو بـ 12 جنية

**mahgoup** · 17-06-2011 05:19 PM

كان اخره 45او50

**mirra** · 17-06-2011 05:40 PM

اهم حاجة وهى تغيير اويل سيل الكرونة لسة ما اتعملتش.اكيد لازم تغيرة لان نقصان الزيت كيلو كامل يدل على وجود تسريب فعلا.

**blazer** · 17-06-2011 11:03 PM

ياباشا
لما وش العربيه يقرب للارض مع الفرامل القويه
والشنطه عاليه اصلا
العربيه هتبقى ثقلها كله فى المقدمه
يعنى احتمال ان العربيه تتقلب وتنحرف عن مسارها اعلى بكتير
وخصوصا لو كاوتش من قدام فرقع

**mrastra** · 18-06-2011 09:58 AM

المشاركة الأصلية كتبت بواسطة blazer

ياباشا
لما وش العربيه يقرب للارض مع الفرامل القويه
والشنطه عاليه اصلا
العربيه هتبقى ثقلها كله فى المقدمه
يعنى احتمال ان العربيه تتقلب وتنحرف عن مسارها اعلى بكتير
وخصوصا لو كاوتش من قدام فرقع

اخى الكريم انا كان كلامى على الثبات مش رد فعل العربية اثناء الفرامل
واعتقد ان اى عربية اثناء السير بسرعات عالية ودوسنا فرامل قوية سوف يحدث مالا يحمد عقباة ..........مين فينا يقدر يعمل كدة
مين يقدر اثناء السير بسرعة عالية يدوس فرامل عنيفة
وكمان لو انت مركب الضفضعة بتاعة الفرامل هايحصل بلانس بين ادام وورة
عارف ....انا كان راكب عندى جوز مساعدين بتوع دبابة خلفى بس كانو حالتهم سيئة جدا ايامها اى عربية نقل كنت بعدى منها كنت الاقى العربية بتعوم بدرجة غريبة رحت مغيرهم لنوع تانى كونى غاز وزيت العربية بقت ناشفة اوى وكسرتلى قاعدة المساعد مرتين
رحت فكتهم وركبت مساعدين دبابة خلفى وزى ما قلت لحضرتك العربية بقت فى المطبات طرية جدا جدا الصراحة والثبات بقى زى الفل وراجع يوم الخميس 140 والعربية زى الاسد ......صحيح العلايات بتقلل من الثبات شوية بس هانعمل اية شر لابد منة

**ahmedalramy** · 19-06-2011 12:21 AM

المشاركة الأصلية كتبت بواسطة mirra

اهم حاجة وهى تغيير اويل سيل الكرونة لسة ما اتعملتش.اكيد لازم تغيرة لان نقصان الزيت كيلو كامل يدل على وجود تسريب فعلا.

لا دا فك اللاويل سيل خالص و ده سبب نزول الزيت من الكرونه و بعد كده ظبطه و حط كيلو بدل اللى نزل

الموضوع: زيت الفتيس و الكرونه

LinkBack

أدوات الموضوع

عرض

-

-

-

-

المواضيع المتشابهه

صوت خبطه بتيجي من الكرونه

سؤال عن الكرونه اللوك

الكرونه - Auto Lock

بوش فى الكرونه

تأثير نقص زيت الكرونه

الكلمات الدلالية لهذا الموضوع

المفضلات

المفضلات

ضوابط المشاركة