مساء الخير على الجميع
انا عملت صيانة 50 الف غيرت فيها سيور ماعدا سير الكاتينة وتانى يوم الاقى اصوات عجيبة بتطلع اول ما ادور المفتاح وعرفت بعدها ان السيور ممكن تكون مشدودة وده اللى بيعمل صوت قلت مش مشكلة
وكمان غيرت تيل الفرامل لاول مرة والغريبة ان التيل كان لسة فاضل فيه حبة حلوين وقلت كويس يمكن انا مابفرملش بس طبعا كانت حاجة غريبة بجد
نيجى بقى للمهم امبارح غيرت الكاوتش اللاسا اللى كنت مستلمة العربية بيه وكان ماشى زى الفل والله واشتريت هانكوك وطبعا لما ركب عرفت الفرق بصراحة الحالة بقت جميلة جدا لكن ظهرت مشكلة ودى اللى باسال عنها .. الدركسيون بقى بيغربل بعد ال100 بشكل عنيف ومش عارفة ده يبقى ايه بقى ياريت تفيدونى وتقولولى اكشف على ايه او اعمل ايه لانى بجد اتضايقت اوى من الحركة دى
معلش هاتعبكم معايا

منتظرة الردود