مساء الفل عليكو يا جماعة انا بس عايز اعرف الشارك حلوة ولا وحشة كامان وثبات وفرامل وقطع غيار و عفشة و سحب و شنطتها كبيرة ولا لا انا معايا لانسر بومة 1300 اتوماتيك بفكر ابعها و اجيب شارك هاي لاين حد يفدنى شكراااااا
عرض للطباعة
مساء الفل عليكو يا جماعة انا بس عايز اعرف الشارك حلوة ولا وحشة كامان وثبات وفرامل وقطع غيار و عفشة و سحب و شنطتها كبيرة ولا لا انا معايا لانسر بومة 1300 اتوماتيك بفكر ابعها و اجيب شارك هاي لاين حد يفدنى شكراااااا
كامان وثبات وفرامل وعفشة جميلة جدااا وسحبها روعه والشنطه كبيره اكبر من بتاعة البومه
بس قطع الغيار مقدرش افيدك قد كدا
الشارك عربيه جميله جدا شبابيه جدا جدا الثبات جميل جدا وصلت بيها بعد 180 بشويه بس الطريق ماساعدنيش اجيب اكتر من كده وكانت ثابته بدون تعويم ناعمه فرامل كويسه عفشتها رياضيه وناعمه قطع الغيار غاليه شويه بس ده مؤقتا لغاية مالتوكيل الجديد يشتغل الشنطه ضيقه فالارتفاع بسبب الفل اللى محطوط للاستبن ممكن الفل ده يتشال عادى والمشكله تتحل والتكييف يابانى طبعا اكيد حضرتك فهمتنى السحب علمت بيها على بومه 1600 مانيول وكورولا 1600 وبى ام 318 2001 ماشاء الله التجميع خرررافى وبس
احمد تقريبا قالك اللي كنت حقوله و زيادة كمان
العربية بصراحة حاجة تانية غير البومة
تحس انك راكب فعلا حاجة قيمة جدااا و محترمة جداا
بالنسبة للشنطة هي زي ما احمد قال ضيقة نسبيا في الارتفاع
و ده راجع لان الاستبن جنط مقاس 16 ,و حضرتك ممكن تحل ده
عن طريق انك تجيب الجنط الرفيع ده اللي بينزل في عربيات ياباني
و تحطه مكان الاستبن و اتفرج على وسع الشنطة
مش شايف فيها أي عيب الحمد لله رغم أني معايا مانيوال
طيب محدش قال حاجه بالنسبة لقطع الغيار انا راكب أوبل فكترا وبفكر فالعربيه دي اليومين دول هيا أو ميجان 2006 خصوصا عاوز اعرف قطع الغيار واميلة عن تجارب للناس اللي راكبين العربيه وياريت الكلام يكون بصراحه لاني مش عاوز البس من الاخر هههههههههههه شكرا ليكم مقدما
الف شكر يا جماعه وياريت حد يفيدنا ايه العيوب الشائعة ف العربيه الشارك دي ولو حد عنده فكرة عن بئيت قطع الغيار طرمبات العربيه الفوانيس البيبان الحاجات دي وهل متوفره قطع غيارها جديد واستيراد ولا ايه انا بفكر بجديه فالعربيه دي بس متردد لسه ومحتاج ارائكم
سعر المساعدين 3000 والمراية 1500الفانوس الأمامي 1500 والفانوس اللي ورا النص اللي في باب الشنطة 600 والنص التاني 600
دي الحاجات اللي تعرضتلها
لكن الحمد لله العربية مفيش فيها أي مشكلة غير قطع الغيار أنها مبهدلها وبردو أصيلة
المساعدين الاربعه ولا اتنين ومن التوكيل ولا بره
ايه الاسعار دى يا راجل
دى رخيصة اوى دة الواحد يشتريهم ويحطهم فى اليبت ويبدل كل شويه
لا دول الأتنين مساعدين الأصليين بس من التوكيل
وسعر الياباني برا 900 وسعر الأستعمال خارج 1500
يعني حاجتها معمرة بس فعلا غاليه دنا راكب اوبل فكترا مفيش الكلام ده خالص ايه ده ياعم يس معقوله سعر الفوانيس ده كله ولا المساعدين ده ال 4 مساعدين فكترا اصلي جي ام ميكملوش الف استيراد
بس العربيه دي عجباني وعاوز اجيبها بس فعلا حوار قطع الغيار ده مرددني
حاجتها متوفره استيراد ولا ايه
ياباشا حضرتك مستغرب ليه الكورولا 2003 الجوز مساعدين اللى قدام 2000 جندى من التوكيل ماعلينا من المساعدين اما يبقى فانوسين امامى لنفس العربيه 2400 ده كده استهبال المفروض الشارك اللى هى 2008 تبقى المساعدين 8000 مش 3000 بالنسبه للتويوتا هى فعلا قطع غيارها غاليه شويه بس بتعيش زى كل اليابانى
السلام عليكم
هي فعلا حاجاتها معمرة و ده المعروف على الياباني عامة
حضرتك بتتكلم في 4 مساعدين اوبل استيراد
و الاستاذ احمد اشتراهم من التوكيل,,يعني لو حضرتك جبت مساعدين الاوبل من التوكيل حتدفع اكتر ما هو دفع
لان قطع غيار الالماني برده مرتفعة بش قليلة
و بعدين خدها مني نصيحة,,متشتريش حاجات خاصة بالميكانيكا استيراد ابدا,,انت بش ضامن الحالة بتاعة القطعة,,دايما اشتري قطع الغيار الخاصة بالميكانيكا اصلي,,عشان تضمنهم و كمان تضمن انها حتعمر معاك ان شاء الله و بش حيحصل مشاكل او حتأثر على حاجة لقدر الله
الشارك حاجاتها موجودة استيراد و موجودة في الحرفيين,,اللي فكره الصراحة من اسعار قطع الغيار هناك كالتالي:
1- فانوس امامي 450- 475
2-فانوس خلفي بالرفرف 210 - 250
3-فانوس خلفي بالشنطة 190
3-اكصدام امامي 350
4-اكصدام خلفي 465
5-مرايا جانبية 245
طبعا الحاجات دي تايواني
1-اكصدام امامي استيراد اصلي ب 1500 - 1700
2- اكصدام خلفي استيراد اصلي ب 1300 - 1500
3مرايا جانبية استيراد اصلي ب 600 - 850
و طبعا الاسعار دي قابلة للانخفاض او الارتفاع حسب انت و شطرتك و حسب التاجر كمان
ألف ألف شكرا يا رجالة علي المعلومات دي معلش انا هتاقل عليكم شوية انا بس كنت عاوز اسأل عن الشارك ايه احلي فئة اجيبها انا مش هجيب زيرو ..وايه النصائح من اصحاب العربيه دي وانا بشتريها
شكرا ليكم مرة تانيه
والله لو معالك اشتري نسخة الرالي نزلت الرواس بنص مليون جنيه
أنا عن نفسي بحب المانيوال عشان السحب وعشان كدا جبت مانيوال
بس لما عرفت أمكانيات الموتور mivc وإمكانياتة في السحب مع الهيدروماتيك هات الهاي لاين وانت مطمن
الف شكر يا رجاله بس انا هجيبها مش زيرو عشان كده كنت عاوز اعرف ايه عيوب الشائعه ايه اللي اخد بالي منه كده يعني اخد معايا الميكانيكي بتاعي ولا اعمل ايه :)
ياباشا ميكانيكي ايه وديها التوكيل وأفحصها بالكامل ب 300ج وريح دماغك هيديك تقرير مفصل بحالتها
طيب والكويتي او خليجي ايه الفرق بينه وبين التقفيل المصري انا بدور علي حاجه استيراد مش تقفيل مصر
العربية دي بش بتتقفل هنا
العربية دي يابانية 100%
قصد حضرتك تقول الفرق بين مواصفات الكويتي و مواصفات اللي بيجيبها الوكيل المصري و احنا بنختصر و نقول مصري ,لكن بش معنى كده انها تقفيل مصري
عموما الكويتي يفرق عن المصري فيه صب وفر و كمان فوانيس عدسات متحركة زينون
اما المصري يفرق عن الكويتي في الفاميه المثبت على الرخصة
و الكلام ده بالنسبة للهاي لاين
أول موديل للشارك 2008
طب سوال هو في شارك هاتنزل جديدة ولا كدة خلاص شكرا
؟؟؟؟؟؟؟؟؟؟
شكرا
محدش يعرف اي معلومات عنها يعني اي تغيير
:angry06::angry06: no answer
اية دة هو مافيش حد بيرد علي حد هنا
حضرتك محدش يعرف معلومات عنها هنا لان التوكيل الجديد لسه ما بدأش و اعلن عن نفسه
بس اللي اعرفه و اللي سمعته انها حتبدأ من 135 الف و ممكن الكلام غلط
الله اعلم
عموما هيا كلها اخر الاسبوع ده ان شاء الله و نعرف كل حاجة عنها
بس هما ممكن يضيفوا كماليات عليها زي مثلا مراية ضم او سينسور بارك,,كده يعني