اسئلة عن الشارك

**petermaged** · 17-06-2011 01:18 AM

مساء الفل عليكو يا جماعة انا بس عايز اعرف الشارك حلوة ولا وحشة كامان وثبات وفرامل وقطع غيار و عفشة و سحب و شنطتها كبيرة ولا لا انا معايا لانسر بومة 1300 اتوماتيك بفكر ابعها و اجيب شارك هاي لاين حد يفدنى شكراااااا

**himo_3sfoor** · 18-06-2011 06:39 AM

كامان وثبات وفرامل وعفشة جميلة جدااا وسحبها روعه والشنطه كبيره اكبر من بتاعة البومه
بس قطع الغيار مقدرش افيدك قد كدا

**Ahmedhussein007** · 18-06-2011 04:30 PM

المشاركة الأصلية كتبت بواسطة petermaged

مساء الفل عليكم يا جماعة انا بس عايز اعرف الشارك حلوة ولا وحشة كامان وثبات وفرامل وقطع غيار و عفشة و سحب و شنطتها كبيرة ولا لا انا معايا لانسر بومة 1300 اتوماتيك بفكر ابعها و اجيب شارك هاي لاين حد يفدنى شكراااااا

الشارك عربيه جميله جدا شبابيه جدا جدا الثبات جميل جدا وصلت بيها بعد 180 بشويه بس الطريق ماساعدنيش اجيب اكتر من كده وكانت ثابته بدون تعويم ناعمه فرامل كويسه عفشتها رياضيه وناعمه قطع الغيار غاليه شويه بس ده مؤقتا لغاية مالتوكيل الجديد يشتغل الشنطه ضيقه فالارتفاع بسبب الفل اللى محطوط للاستبن ممكن الفل ده يتشال عادى والمشكله تتحل والتكييف يابانى طبعا اكيد حضرتك فهمتنى السحب علمت بيها على بومه 1600 مانيول وكورولا 1600 وبى ام 318 2001 ماشاء الله التجميع خرررافى وبس

**basemsaeed** · 18-06-2011 06:45 PM

احمد تقريبا قالك اللي كنت حقوله و زيادة كمان
العربية بصراحة حاجة تانية غير البومة
تحس انك راكب فعلا حاجة قيمة جدااا و محترمة جداا
بالنسبة للشنطة هي زي ما احمد قال ضيقة نسبيا في الارتفاع
و ده راجع لان الاستبن جنط مقاس 16 ,و حضرتك ممكن تحل ده
عن طريق انك تجيب الجنط الرفيع ده اللي بينزل في عربيات ياباني
و تحطه مكان الاستبن و اتفرج على وسع الشنطة

**kholio** · 18-06-2011 07:48 PM

المشاركة الأصلية كتبت بواسطة petermaged

مساء الفل عليكم يا جماعة انا بس عايز اعرف الشارك حلوة ولا وحشة كامان وثبات وفرامل وقطع غيار و عفشة و سحب و شنطتها كبيرة ولا لا انا معايا لانسر بومة 1300 اتوماتيك بفكر ابعها و اجيب شارك هاي لاين حد يفدنى شكراااااا

عربية مفيهاش غلطة

**AHMED111111111** · 23-06-2011 03:13 PM

مش شايف فيها أي عيب الحمد لله رغم أني معايا مانيوال

**cool_man** · 24-06-2011 12:08 AM

طيب محدش قال حاجه بالنسبة لقطع الغيار انا راكب أوبل فكترا وبفكر فالعربيه دي اليومين دول هيا أو ميجان 2006 خصوصا عاوز اعرف قطع الغيار واميلة عن تجارب للناس اللي راكبين العربيه وياريت الكلام يكون بصراحه لاني مش عاوز البس من الاخر هههههههههههه شكرا ليكم مقدما

**Ahmedhussein007** · 24-06-2011 01:38 AM

المشاركة الأصلية كتبت بواسطة cool_man

طيب محدش قال حاجه بالنسبة لقطع الغيار انا راكب أوبل فكترا وبفكر فالعربيه دي اليومين دول هيا أو ميجان 2006 خصوصا عاوز اعرف قطع الغيار واميلة عن تجارب للناس اللي راكبين العربيه وياريت الكلام يكون بصراحه لاني مش عاوز البس من الاخر هههههههههههه شكرا ليكم مقدما

بص والله المشكله فى فلتر البنزين 760 جندى بس كل 40او50الف كيلو تيل الفرامل 430 والبوجيهات 400 بتتغير على 100الف ودى كده رخيصه جدا جداا لانها كل 100الف فلتر زيت 70 فلتر تكييف 300 فلتر هوا 200وشويه ده اللى انا اعرفه

**Ralliart** · 24-06-2011 01:39 AM

المشاركة الأصلية كتبت بواسطة cool_man

طيب محدش قال حاجه بالنسبة لقطع الغيار انا راكب أوبل فكترا وبفكر فالعربيه دي اليومين دول هيا أو ميجان 2006 خصوصا عاوز اعرف قطع الغيار واميلة عن تجارب للناس اللي راكبين العربيه وياريت الكلام يكون بصراحه لاني مش عاوز البس من الاخر هههههههههههه شكرا ليكم مقدما

بص انا ليا اصحاب عندهم العربيتين
قطع الغيار اسعارها متقاربة بس الميجان أعطالها اكتر يعني اللانسر تحط بنزين وزيوت وسيور وخلاص صعب جداً تلاقي فيها مشكلة في قطعى مش استهلاكية
انما الميجان حساسة شوية كل شوية تضرب كويلات وحاجات غريبة

**cool_man** · 24-06-2011 05:32 AM

الف شكر يا جماعه وياريت حد يفيدنا ايه العيوب الشائعة ف العربيه الشارك دي ولو حد عنده فكرة عن بئيت قطع الغيار طرمبات العربيه الفوانيس البيبان الحاجات دي وهل متوفره قطع غيارها جديد واستيراد ولا ايه انا بفكر بجديه فالعربيه دي بس متردد لسه ومحتاج ارائكم

الموضوع: اسئلة عن الشارك

LinkBack

أدوات الموضوع

عرض

-

-

-

-

-

-

المواضيع المتشابهه

اخبار ثبات الشارك ايه - برجاء الرد من ملاك الشارك

اسئلة عن bmw من 92 الي 94

اسئلة عن ال m11

أتحاد محبى الشارك(كفاية على البومة الشارك مظلومة)

اسئلة عن الجين 2

الكلمات الدلالية لهذا الموضوع

المفضلات

المفضلات

ضوابط المشاركة