أن أسف جداً ....... رمضان 2012 حتفطروا فيه على ضوء الشموع

**رزق** · 17-06-2011 06:41 PM

المشاركة الأصلية كتبت بواسطة wael17

تصدقوا ان انا كنت فاكر ان السد العالي هو المصدر الاساسي للطاقة الكهربائية في مصر يعني علي الاقل 60%

طلع 10% بس!!!!
طيب و المحطات التانية بتولد طاقة ازاي؟ من الغاز الطبيعي؟

اعتقد من المازوت والغاز فعلا

**amr.mostafa** · 17-06-2011 06:59 PM

هنطبق نظرية القذافي ولا ايه ياجماعه هنشوف مسلسلات على ضوء الشموع :o

هنفضل نمشي بالطيبة اللي هتودينا في داهية لامت مش فاهم ؟؟

**SHNORY** · 17-06-2011 07:01 PM

علي ما سمعت من صديق ليا
ان السد العالي يا دوب بيمد اسوان بالكهربا
وان اكبر محطه كهربا موجوده ناحيه دمياط تقريبا
داخل شركه بترول بلاعيم
وحواليها زي مدينه للعاملين فيها
وجواها كتيبه جيش لحمايتها
كده اصدق ان دي محطه كهربا
مش محطه رامينها ا يروح يتضرب عليها نار من اي حد وخلاص
والله اعلم

**aly_hosny** · 17-06-2011 09:52 PM

New Page 1

**wael17** · 18-06-2011 02:15 AM

المشاركة الأصلية كتبت بواسطة hobiko

أنا شاهد على الحدث ....... دقيقة بدقيقة و لحظة بلحظة ....... و من زمان أوي كمان لغاية دلوقتي

قبل ما قول الحقيقة فين ...... و إيه إلي حصل فعلاً ..... و مين المقصر و مين المتواطئ

حابب أسمع تعليقات الأعضاء ......

خلاص احنا قلنا تعليقاتنا....احكي لنا بقي اللي حصل زي ما شفته عشان اليومين دول الواحد مش بيحب يسمع اخبار من مواقع و جرائد عشان التأليف بقي بزيادة قوي و الواحد مش بيعرف الحقيقة غير من اللي شاف الحدث بعينه...بس برده ما يكونش صحفي

**wael17** · 18-06-2011 02:21 AM

المشاركة الأصلية كتبت بواسطة aly_hosny

new page 1

شكرا علي الصفحة دي...فيها توضيح لكل لكل محطات الطاقة و قدرتها..لما كنت رايح الغردقة شفت عند الزعفرانة مراوح انتاج الكهرباء من الرياح و كنت عايز اعرف بتنتج قد ايه و بتوصل كهرباء لمنطقة ايه و لاقيتها في الصفحة دي

**hobiko** · 18-06-2011 03:06 AM

الموضوع دة بالذات ...... أنا حبيت أحط الخبر دة و أشوف ردود الأعضاء ....... و توقعاتهم مين السبب و مين المسؤول

ذي ما قلت قبل كدة أنا شاهد على الحدث ...... أنا بشتغل في مكان و في منصب بيخليني قادر أعرف تفاصيل سرية كتير عن مشاريع محطات توليد الكهرباء

إلي جاي دة ...... معلومات و حقائق

المشكلة بدأت بعد جمعة الغضب مباشرةً ....... في شركة بتعمل في المشروع دة ...... لأول مرة تعمل في مصر

الشركة دي ....... كل عمالتها من أصغر واحد لأكبر واحد ........ صينيين

الشركة دي ...... مش بتخترع ...... ولا شغلها دة ماينفعش يعمله غير خبراء من كوكب أخر ...... و عشرات المشاريع المشابهة تم تنفيذها عن طريق مهندسين و عمال مصريين

طبعاً الكلام دة مخالفة صارخة لقانون العمل المصري ...... إلي بيشترط إن كل شركة أجنبية بتعمل في مصر ...... يجب أن يكون نسبة العمالة الأجنبية 1 لكل 9 مصريين و إنه لايجب تجاوز هذه النسبة إلى في حالة الإحتياج لخبرات و مهارات من نوع خاص غير متوفرة في السوق المحلية ...... و دي طبعاً مش الحالة هنا

الوضع دة تم بالإتفاق مع وزارة الكهرباء ...... و متسألش ازاي ؟؟؟؟؟!!!!!!!!!

عشان مطولش عليكم .......

الوضع دة كان مستفز جداً ...... للعمال المصريين إلي شغالين مع شركات تانية في نفس المشروع ...... عشان بيعتبروا إن الصينيين دول بيخدو لقمة عيشهم

و نفس الاستفزاز لأبناء المنطقة المحيطة بالمشروع ...... إلي مش لاقيين شغل و شايفين الصينيين رايحين جايين قدامهم طول النهار

أبناء المنطقة و بسبب تحريض عناصر من فلول الحزب الوطني في المنطقة (الكلام دة بجد مش هزار) ...... فضلو يتظاهروا و يقطعوا الطريق و يمارسو أعمال البلطجة و التهديد طول الأربع شهور الأخيرة ...... عشان يشتغلوا و هما مش عمالة مدربة أساساً ....... في غياب كامل و مريب لقوات الجيش و الشرطة رغم استدعاؤهم أكتر من مرة ...... على فكرة كلية الدفاع الجوي على بعد 1 كيلومتر من المشروع و الكلية البحرية على بعد 2 كيلومتر من المشروع

بضغوط على الشركات المشاركة في المشروع ...... تم تعين مجموعة من الناس دي ....... إلي أصلاً مش مدربين أساساً ولا بيعرفوا حاجة

لما دة حصل للأسف دة شجع مجموعة تانية ...... على انهم لو بلطجو حيشتغلو هما كمان ( بنفس التحريض و تشجيع من فلول الحزب الوطني إلي بيشتغلوا في وزارة الكهرباء و في نفس الوقت أعضاء في المجلس المحلي ) ....... بس الشركات رفضت و طالبت وزارة الكهرباء بما انها المسؤولة عن تأمين المشروع ..... بوقف المهزلة دي و تأمين المشروع ضد أعمال البلطجة

بس وزارة الكهرباء ...... شوية موظفين ...... بيشتغلوا بعقليات من القرون الوسطى

تصاعدت الأحداث ..... في غياب كامل الجيش و الشرطة ...... لحد ما حصل إلي حصل ...... و هجم الأهالي على المحطة بعد طرد الشركات لكل العمالة إلي كانت مفروضة عليهم ...... بعد ما إستغل العمال دول غياب الأمن و الفوضى في لوي دراع الشركات

المصيبة ...... إن المشروع اتاخر جداً ..... التأخير بسبب الثورة ...... و بعدين إلمشكلة دي ...... المحطة دي المحطة إلوحيدة إلي في خطة وزارة الكهرباء لمواجهة احمال الصيف المتزايدة في 2012 ....... و التأخير دة معناه اننا مش حنلحق نشغل المحطة دي قبل الصيف و بالتالي ...... حيبقى في نقص في الكهرباء في صيف 2012

دة غير المبالغ الضخمة إلي حتطلبها الشركات كتعويضات عن كل المشاكل و التاخيرات دي ...... إلي متوقع ما تقلش عن 5 أو 6 مليون دولار

مين المسؤول عن الخساير دي كلها ......

قيادات وزارة الكهرباء إلي سمحت لشركة أجنبية بإستبعاد العمالة المصرية في الوقت إلي البطالة فيه عملة ذي السرطان بتاكل الناس ؟؟؟؟؟

ولا الجيش و الشرطة إلي تقاعسوا عن حماية مشروع قومي من الأول خالص ؟؟؟؟؟

ولا الموظفين إلي ولا كان في دماغهم بدل بياخدوا مرتباتهم في أخر الشهر ؟؟؟؟؟

ولا فلول الحزب الوطني إلي حرضو الناس و سخنوهم عشان يتحولو لبلطجية ؟؟؟؟؟

ولا الناس البسيطة إلي سمحو لنفسهم يبقوا بلطجية تحت وطاة لقمة العيش و البطالة ؟؟؟؟؟

**wael17** · 18-06-2011 03:21 AM

المشاركة الأصلية كتبت بواسطة hobiko

مين المسؤول عن الخساير دي كلها ......

قيادات وزارة الكهرباء إلي سمحت لشركة أجنبية بإستبعاد العمالة المصرية في الوقت إلي البطالة فيه عملة ذي السرطان بتاكل الناس ؟؟؟؟؟

ولا الجيش و الشرطة إلي تقاعسوا عن حماية مشروع قومي من الأول خالص ؟؟؟؟؟

ولا الموظفين إلي ولا كان في دماغهم بدل بياخدوا مرتباتهم في أخر الشهر ؟؟؟؟؟

ولا فلول الحزب الوطني إلي حرضو الناس و سخنوهم عشان يتحولو لبلطجية ؟؟؟؟؟

ولا الناس البسيطة إلي سمحو لنفسهم يبقوا بلطجية تحت وطاة لقمة العيش و البطالة ؟؟؟؟؟

لا حول ولا قوة الا بالله
الحادثة دي صورة مصغرة لما يحدث في مصر منذ 5 أشهر
مشكلة ناتجة عن النظام القديم....الحكومة الحالية لا تحاول ايجاد حل....الشرطة و الجيش في غياب تام حتي تحدث مصيبة...اصحاب مصالح يحاولون استغلال الفرص...ناس جهلة تحاول حل المشكلة و الحصول علي حقها عن طريق السرقة و التخريب و البلطجة....النتيجة كل يوم من سيء الي اسوأ....انا مش قلقان من الظلام الي ممكن نعيش فيه السنة الجاية بسبب الحكاية دي....انا قلقان من الظلام الي ممكن يحل علي مصر كلها في جميع المجالات في السنوات القادمة