عرض للطباعة
حرام عليكو خربتو البلد...
مالهم الانجليز يعني مااحنا عايشين معاهم بقالنا فوق ال35 سنه و مفيش مشاكل بيننا
والسلطان فؤاد ابونا كلنا وعيب قوي نقوله الكلام ده ومين سعد زغلول ده اللي انتو ماشيين ...وراه ..اهو ضيع البلد كلها
احنا اسفين يا ملكنا
من مذكرات شاب سنه 1919
سعد سعد يحيا سعد .... :worried::rolleyes2::B4_611:
الأستقلال التام أو الموت الزؤام .... :question2::no2::no1::uuuup::blueletter::nosmile:
اتفضل ياسيدى ادى الفتنه مالت البلد وهنموت بعض خلى سعد ينفعكم
على فكره سعد زغلول ده ماسونى
نعم للاستقرار
سؤال
وهي ايه نتائج ثورة 19؟
الإستقلال التام ؟؟؟
وبرضه الثورة ما اكتملتش زى ماهما كانوا عايزين
هههههههههههههه حلوة ماسونى دى زغلول وماسونىاقتباس:
المشاركة الأصلية كتبت بواسطة mahamedaraby
+11111111اقتباس:
المشاركة الأصلية كتبت بواسطة م.احمد زكريا
سؤال جــــــــــــــــــــــــ ـــــامد و انا مثلك منتظر الاجابة
هل حققت ثورة 19 الاستقلال؟؟؟
هل حققت ثورة 52 العدالة الاجتماعية و القضاء علي الفساد و الاقطاع ؟؟؟
طب يا تري ثورة 25 يناير هاتحقق اهدافها؟؟؟ بلاش حد يتسرع في الاجابة و الاحسن نسيب السنين تحكم علي نتائج ثورة 25 يناير
http://www.nilemotors.net/Nile/226385-a.html
لسه عامل الموضوع من يومين بس ماحدش رد
شوف وقوللى فهمت منه ايه
اقتباس:
المشاركة الأصلية كتبت بواسطة م.احمد زكريا
اقتباس:
المشاركة الأصلية كتبت بواسطة wael17
يا حضرات
بصراحة
الأولى ما حققتش اهدافها
و التانية دخلت بينا في سكة استبداد
و التالت ان ربنا ما ارادش انها تحقق اهدافها و هو احتمال وارد
هايبقى بسبب اللي بيفكروا زي حضراتكم كده
قاعدين في بيوتهم , يتفرجوا و يمصمصوا شفايفهم و يعيبوا على كل اللي بيحاول يصلح و هي دي شغلتهم في الحياة
اللي بيفكروا زيكم يا حضرات و عايزين بلد حلوة ديلفري , مش عاجباهم البلد و مش عاجبهم برده اللي بيحاول يصلحها , او شايفين انه بيصلحها غلط و مش بيحاولوا يعملوا الصح اللي في دماغهم ده
كان ماله يعني الاحتلال الانجليزي ؟؟؟؟
كان ماله ال
ليه يا استاذ تامر اسلوب الهجوم ده ووصفي و غيري من الاعضاء بأننا " قاعدين في بيوتهم , يتفرجوا و يمصمصوا شفايفهم و يعيبوا على كل اللي بيحاول يصلح و هي دي شغلتهم في الحياة " ....هو احنا عمرنا ما هانتعلم اسلوب افضل للحوار بدون اهانة الاخر و الاستهزاء بهاقتباس:
المشاركة الأصلية كتبت بواسطة تامر.محمد
و هل تعتقد ان كل الناس اما قاعدين في بيوتهم يمصمصوا شفايفهم زي ما وصفتني او ثورجية علي طول الخط و ثورة ثورة و الي الامام الي الامام
من قال لحضرتك ان انا ما شاركتش في الثورة؟
من قال لحضرتك اني ما حولتش اغير سلبيات كتير في المكان الي باشتغل فيه و المكان اللي ساكن فيه بعد الثورة
هل الثورة معناها نزول ميدان التحرير كل يوم جمعة ؟ يعني اعمل ايه عشان ما اتوصفش باني قاعد في البيت امصمص شفايفي...يعني مثلا كل ما تيجي سيرة الثورة اقول تحيا الثورة....بجد عايز اعرف الناس بتتصنف انها مؤيدة للثورة او ضدها علي اساس؟ و من يمثل الثورة؟و من له الحق في تصنيف الناس انهم ثوار او قاعدين يمصمصوا شفايفهم في البيت
ليه حكمت علي اني قاعد في البيت امصمص شفايفي و اتفرج علي اللي بيحاول " يصلح" ...كل ده عشان قلت ان الثورة ممكن ما تحققش اهدافها و ان السنين هي اللي هاتبين نتائجها بعيد عن الكلام الكتير و الرغي و الجدال الي مش هانخلص منه
------
ايه رأيكم يا جماعة
هل ينفع مثلا احط صورة في التوقيع بتاعي و انا واقف وسط دخان قنبلة مسيلة للدموع عشان ربنا يرحمني من الاتهامات ...اني قاعد امصمص شفايفي في البيت
اقتباس:
المشاركة الأصلية كتبت بواسطة تامر.محمد
استاذ وائل .. أنا شفت رد الاخ تامر وماكنتش ناوي ارد عليه بصراحةاقتباس:
المشاركة الأصلية كتبت بواسطة wael17
بس بما انك رديت اسمحلي اضيف حاجة
اولا : تعليقي على الموضوع ان الموضوع ده كان منتشر قبل كدة خلال الثورة وبصراحة انا مش عارف مصدره ... ومستغربه لأن ثورة 19 والحصل فيها من الشعب المصري كان من انبل واجمل ايام في تاريخ مصر وفي ثورة شعب ضد الاحتلال ... ولكن للأسف بعدما هدأت الثورة بدا الابطال يتقاسموا الغنائم وبدأوا كل واحد عايز يفوز بالنصيب الاكبر وراحت الثورة على كدة ... نقدر نقول ان دم الشهداء الماتوا برصاص الانجليز المحتلين راح هدر بجد.
ثانيا : ثورة 52 انا باعتبرها اسوأ حدث في تاريخ مصر الحديث وهي سبب الماساه المصر فيها دلوقتي
ثالثا: حضرتك يا استاذ وائل رديت على نقطة الدخول في افكارنا ونفسياتنا ومعرفة ما بصدورنا حتى حركات شفايفنا مع اني والله قافل الكاميرا باستيكر :glasses12:
بس احب اضيف اني مش لازم اكون ثورجي وسخنان على طول الخط وضد ضد وخلاص واشتم في الماضي كله وارفع من شان الثورة بالكامل وخلاص ( مات الملك عاش الملك )
الثورة عمل انساني بشري غير منزه عن الخطأ وإحتمالات حدوث اخطاء فيها وارد جدا .... والمطلوب الاستفادة من اخطاء الماضي ... مش نقول ديه اعظم ثورة في تاريخ مصر بل في العالم ... طيب بأماره إيه
- استفتاء شارك فيه نسبة مشاركة لم تحدث في تاريخ مصر وبعد النتيجة البيسموهم نخبة مش عاجبهم الاستفتاء
- ناس عايزة دستور قبل الانتخبات عشان اغراضهم الشخصية
- ناس عايزة انتخابات باسرع وقت عشان تاخد الاغلبية
- ناس عايزة تاخر النتخبات لاجل غير مسنمى عشان يحصل حاجة من اثنين
- تعمل قاعدة عريضة في الشارع واعتقد ده محتاج سنين
- المجلس العسكري يعجبه النظام ويحكم هو البلد (وصدقني البسطاء في مصر هايشجعوا ده)
- ناس عايزة مجلس رئاسي مدني عشان يوزعوا التركة
- والناس الفي الشارع ولا في دماغها كل الكلام ده .... الناس بتدور ازاي تأكل عيالها
هلاقي واحد يقولي ثمن الحرية غالي ... بس صدقني ثمن الامن اغلى بكتيييييير
محدش من المتكالبين على السلطة عارف انه هايستلم بلد خالية من الامن ومديونة لطوب الارض وفيها مرض وجهل وتعصب
ومحدش يقولي بسبب النظام البائد والكلام الحلو ده .... ده واقع وده الموجود
ولو عايز تحارب فساد .... حارب الفساد الفي نفسك .... لان الفساد وصل من رئيس الجمهورية لعامل القمامة البيكنس الشارع
وده محتاج اجيال عشان يتصلح
اتمنى اكون ما طولتش بس الوضع بصراحة اصبح مستفز
يا اخوانا البلد لو ماوصلتش لإستقرار بأسرع وقت ممكن هاتلاقي ثورة مضادة بس مش فلول .......... هايكون شعب زهقان وجعان وعطلان
وده اخطر من الفلول
وشكرا
اقتباس:
المشاركة الأصلية كتبت بواسطة wael17
عذرا اولا بخصوص انفعالي في الكلمتين دول و انا باسحب لفظة يمصمصوا شفايفهم تحديدا
الواحد دمه محروق من اللي بيحصل في البلد
لكن بصراحة , انا اللي شايفه بصفة عامة هو نفس المعنى
نتكلم بهدوء
حضرتك بتسأل ايه اللي ممكن اعمله عشان ما اتوصفش اني قاعد في البيت
يا استاذ وائل المشكلة مش في ان حضرتك ولا انا ولا حد تاني يتوصف ولا ما يتوصفش
اتفضل اوصفني اني قاعد في البيت, و ماله ؟ انا اجي ايه في واحد استشهد ولا واحد فقد عينه ؟ ولا واحد اتصاب لما خبطته عربية امن مركزي ولا واحد اتبطح بسيراميكة بلطجي على دماغه ولا واحد في جسمه اثار الخرطوش ؟
المشكلة زي ما حضرتك وصفتها ان فلان (ايا كان بقى) قاعد في البيت و بس
بتقول لي انك عملت حاجات في محاولات لتصليح المكان اللي فيه , جميل و مطلوب و محمود , لكن عملت ايه على الاطار العام ؟ علما ان كلامي موجه لموقفك و ليس لشخصك لأننا ما نعرفش بعض ببساطة
اضعف الايمان , هل تضامنت حتى بقلبك مع الناس اللي بتحاول تعمل اللي حضرتك شايفه صح ؟
مش باين خالص ده في كلامك
طب لو ما حققتش , هل دي غلطة اللي حاول ؟اقتباس:
هل حققت ثورة 19 الاستقلال؟؟؟
هل حققت ثورة 52 العدالة الاجتماعية و القضاء علي الفساد و الاقطاع ؟؟؟
طب يا تري ثورة 25 يناير هاتحقق اهدافها؟؟؟
و لا غلطة اللي ما دعموش و سابه يحارب لوحده ؟
ببساطة كل ما اللي قاموا يحاولوا كانوا اكتر كل ما احتمالات النتايج الكويسة بتزيد
و كل ما زاد عدد اللي عايزين بلد حلوة ديلفري بلا مجهود كل ما هاتزيد احتمالات ان بلدهم تبقى سيئة لأن عدد اللي بيحاولوا يصلحوها بيقل ببساطة شديدة
:)
و حتى لو باين انها مش هاتحقق , طب حضرتك عملت ايه عشان ثورة يناير تحقق اهدافها ؟؟؟
اللي اتصوروا وسط دخان القنبلة دول وقفوا في وش اعتى قوة امنية في العالم و أسقطوها, و مات منهم 800 و اتصاب منها الافات منهم حوالي 2000 فقدوا عيونهم
ما راحوش عشان يتصوروا
بلاش دول
فيه ناس تانية واقفين جنب الحق مكان ما بيشوفوه , كل ما يسمعوا عن واحد مظلوم يجروا يحاولوا ينصروه بأي شكل
بلاش دول كمان
فيه ناس بقلبهم مع كل الفئات السابقة و لو الواحد فيهم اتشجع التشجيع الكافي هايبقى في وسطهم
حضرتك كنت مع اي فئة من دول ؟
لو كنت يبقى بالتأكيد ما كنتش هاتسخر منهم
و لو ما كنتش يبقى لو سمحت ما تسخرش منهم
و اكيد مش حضرتك مش محتاج اني قول لك شوف الصح فين و اعمله
و بالمناسبة زي ما كنت باقول , تصليح السلبيات في الشغل و حوالين السكن شيء من اجمل ما يكون , باتكلم بجد و الله العظيم, لكنه مش هايصلح البلد, لأن مستحيل كل انسان هايعمل كده , و لو الكل عمل كده يبقى كلنا في الجنة بقى و كلنا ملايكة :)))))))))))))
يا ريت اللي بيحاول يعمل الصح يا اما تسانده, يا اما تسيبه في حاله , يا اما لو شايف الصح حاجة تانية يا ريت ربنا يجعلها في ميزان حسناتك تعملها
شكرا
تامر ..... كنا رجالة ووقفنا وقفة رجالة
اقتباس:
المشاركة الأصلية كتبت بواسطة human12
ايوة ..:)
ازيك يا باشا ..
الحمد الثورة حققت اهم اهدافها ..وهو التخلص من مبارك وعصابتة اللى احتلت مصر لسنوات من الاستبداد والقمع
..الاهداف الاكثر عمقا واستراتيجية محتاج عمل من الجميع حتى تتحقق ..و لن تتحقق فى خلال سنة او اتنين ..دى حتاخد سنوات طويلة و قد لا نعيش لنرى كل نتائجها ..
لكن المهم انة كان فى بداية و كان فى مصريين احرار اختارو انهم يعيشو فى حرية وكرامة ..و دول صعب يقلبو باقل من كدة فى حياتهم على الاقل
باشمهندس احمد , اتمنى انك تقرا ردي للأستاذ وائل و اظنه وافي بخصوص اغلب النقط , و احب اعقب على اضافتك , و لو تحب تقرا التعليق , للعلم و الرد ان حبيت كان بها , ما حبتش فهو رد لا يستحق الرد عليه عادي يعني
:)
اقتباس:
المشاركة الأصلية كتبت بواسطة م.احمد زكريا
ولا يزال الجدل قائما !!
ببساطة شديدة احنا مفتقدين الإحساس بالثورة لأن اللي عمل الثورة هما أصلا الفئة اللي كانت منضبطه الى حد كبير في تصرفاتها تجاه البلد قبل الثورة،
يعني الفئة اللي شفناها ضحت ونزلت علشان تعمل ثورة وترفع الظلم، هي دي غالبا الى حد كبير صفوة المجتمع واما اللي منزلش فمن وجهة نظري ينقسموا الى قسمين،
الأول ناس محترمة وعلى خلق لكن يا إما مش مقتنعه أو يائسة او حتى مش فارقه معاها لأن حياتها ماشية كويس ولو نسبيا، ودول لو لم يساعدوا الثورة في اولها، فسيساعدوها فيما بعد، اللي هو الوقت الحالي،
لأنهم برضه في الغالب ناس كويسه ونفسهم يعيشوا عيشه كويسه.
الجزء التاني، وده من وجهة نظري السواد اﻷعظم في الشعب المصري وهم فئة (كبر دماغك) وانا معرفش غير نفسي ومادمت انا بآخد اللي عايزيه وبعمل اللي على مزاجي فمش فارقه البلد تبوظ ولا حتى تولع بجاز،
دي بقى الفئة اللي انا بعتبرها أخطر من البلطجية وقطاع الطرق،
لأنها تتفنن في السير دوما عكس اتجاه القوانين والأخلاق،
وعايزين رقيب عليهم في كل تصرفاتهم والا هيبوظوا الدنيا ومش هيحسوا على دمهم أبدا،
الفئة الأخيرة دي تصرفاتها بتبقى واضحه جدا، اما موظف في مصلحه عامه وبيفتح الدرج، او واحد راكب عربية (ملاكي أو أجرة مش فارقه) وتلاقية واقف صف ثالث مثلا وخانق الشارع علشان سعادته مكسل يتمشى شويه او يدفع كام جنيه في بارك عام، او مثلا ياخد طريق عكسي علشان يوفر بنزين لو مشي في طريقه صح ،، و و و
دول بقى هما اللي مخلين الكل مش حاسس بالثورة لانهم لو لم يكن هناك قانون صارم يتعامل معهم هيتوحشوا بتصرفاتهم دي اكتر وأكتر،
علشان كده كتير من الناس عندها صدمة من الوضع دلوقتي ومش حاسه بتغيير، لأن بكل بساطة المحترم قبل الثورة هتلاقيه اكثر احتراما بعد الثورة والهمجي وصاحب النفس الضعيفة قبل الثورة هيزداد سوء بعد الثورة ..
وربنا يستر في الكام جيل الجايين ...
[color="darkgreen"]مبدأيا الرد والنقاش شيئ واجب وماتزعلش هي برضة كانت لحظة انفعال
[/color]اولا : تعليقي على الموضوع ان الموضوع ده كان منتشر قبل كدة خلال الثورة وبصراحة انا مش عارف مصدره ... ومستغربه لأن ثورة 19 والحصل فيها من الشعب المصري كان من انبل واجمل ايام في تاريخ مصر وفي ثورة شعب ضد الاحتلال ... ولكن للأسف بعدما هدأت الثورة بدا الابطال يتقاسموا الغنائم وبدأوا كل واحد عايز يفوز بالنصيب الاكبر وراحت الثورة على كدة ... نقدر نقول ان دم الشهداء الماتوا برصاص الانجليز المحتلين راح هدر بجد.
لا خلاف , و ان كان نقطة الابطال اللي تقاسموا الغنائم فيها كلام لكنه موضوع فرعي
ثانيا : ثورة 52 انا باعتبرها اسوأ حدث في تاريخ مصر الحديث وهي سبب الماساه المصر فيها دلوقتي
لها ما لها و عليها ما عليها
ثالثا: حضرتك يا استاذ وائل رديت على نقطة الدخول في افكارنا ونفسياتنا ومعرفة ما بصدورنا حتى حركات شفايفنا مع اني والله قافل الكاميرا باستيكر
قديما قالوا : "تحدث حتى أراك" , اظن واضح اللي عايز اقوله[/colo]
ربنا يزيد بصيرتك يا سيدي
بس احب اضيف اني مش لازم اكون ثورجي وسخنان على طول الخط وضد ضد وخلاص واشتم في الماضي كله وارفع من شان الثورة بالكامل وخلاص ( مات الملك عاش الملك )
الثورة عمل انساني بشري غير منزه عن الخطأ وإحتمالات حدوث اخطاء فيها وارد جدا .... والمطلوب الاستفادة من اخطاء الماضي ... مش نقول ديه اعظم ثورة في تاريخ مصر بل في العالم ... طيب بأماره إيه
عذرا يا باشمهندس , فيه حاجة اكيد تعرفها اسمها التدرج , كلامك ده حصر الأمر في التطرف في الاتجاهين المتضادين , اما تبقى سخنان على طول و عايز تضرب في اي حد, يا اما تبقى بتسخر من اي حد بيحاول يصلح سواء غلطان او لأ , عذرا , فيه بين البينين , ولا داعي لتجاهله
[color="rgb(0, 100, 0)"]أنا معاك جدا في ده .... بس للأسف الطافي على السطح والظاهر هو التطرف في إتجاه الثوران ومعلهش لو الحد ده غلطان لازم اقوله انت غلطان حتى لو ماعنديش حل للمشكلة ..... والا تكون سلبية
- استفتاء شارك فيه نسبة مشاركة لم تحدث في تاريخ مصر وبعد النتيجة البيسموهم نخبة مش عاجبهم الاستفتاء
- ناس عايزة دستور قبل الانتخبات عشان اغراضهم الشخصية
- ناس عايزة انتخابات باسرع وقت عشان تاخد الاغلبية
- ناس عايزة تاخر النتخبات لاجل غير مسنمى عشان يحصل حاجة من اثنين
- تعمل قاعدة عريضة في الشارع واعتقد ده محتاج سنين
- المجلس العسكري يعجبه النظام ويحكم هو البلد (وصدقني البسطاء في مصر هايشجعوا ده)
- ناس عايزة مجلس رئاسي مدني عشان يوزعوا التركة
طب و هل عشان تشترك لازم تبقى مع اي من دول ؟
هل مافيش غير دول على الساحة ؟
لأ فيه غيرهم
و بفرض ان مافيش , طب ما فيه كتير هاتلاقيهم زيك , اتلموا مع بعض و ابقوا انتوا الفئة الوحيدة اللي بتعمل لصالح البسطاء اللي بتتكلم عليهم اللي على سبيل المثال الموازنة العامة الجديدة باعتهم لأباطرة المال
[color="rgb(0, 100, 0)"]صدقني الوضع كله مش حلو ... مصالح وبس
يعني اكون مع الإخوان مثلا وهدفي هو الحصول على الاغلبية المطلقة لإثبات ان انا الاقوى وباقي القوى تعرف قدرها
ولا مع الليبراليين المش عايزين يكلفوا نفسهم ينزلوا للناس ويكلموهم ويحاولوا يوصلوا فكرهم للبسطاء وعمالين مقاضينها حوارات في التليفزيون
وكلام الشعب البسيط مش بيفهمه .. وبينادوا بتأخر الانتخابات وعايزين الدستور وننسف ثقة الناس في صندوق الانتخابات المصدقنا انها اتوجدت اساسا.
وبعدين مش شرط اكون مشارك في حزب عشان يكون ليا دور في البيحصل كله ليه دور في مكانه ... حتى اخوانا بتوع احنا اسفين يا صلاح .. برضه ليهم دور لأنهم هايكونوا المعارضة في الدولة الجديدة المنتظرة ان شاء الله[/color]
- والناس الفي الشارع ولا في دماغها كل الكلام ده .... الناس بتدور ازاي تأكل عيالها
هلاقي واحد يقولي ثمن الحرية غالي ... بس صدقني ثمن الامن اغلى بكتيييييير
محدش من المتكالبين على السلطة عارف انه هايستلم بلد خالية من الامن ومديونة لطوب الارض وفيها مرض وجهل وتعصب
ومحدش يقولي بسبب النظام البائد والكلام الحلو ده .... ده واقع وده الموجود
فعلا واقع و موجود , و برده هو بسبب النظام البائد , سيدنا عمر رضي الله عنه لما اتسأل "هل تخرب القرى و هي عامرة" رد و قال "اذا علا فجارها على ابرارها" , وده اللي كان حاصل
ولو عايز تحارب فساد .... حارب الفساد الفي نفسك .... لان الفساد وصل من رئيس الجمهورية لعامل القمامة البيكنس الشارع
وده محتاج اجيال عشان يتصلح
طب و ماله ؟ ما طريق الألف ميل بيبدأ بخطوة , و اصلاح الفساد اللي في نفسك ده بس رهبنة , مش هاتصلح اي حاجة , و ارجع لسيرة الرسول عليه الصلاة و السلام هاتلاقي اللي باقوله صحيح
اتمنى اكون ما طولتش بس الوضع بصراحة اصبح مستفز
[u[color="rgb(0, 100, 0)"]]هو مين المستفز وضع البلد ولا رأينا ولا افعال النخبة والحكومة ولا ولا..[/color]
[/u]يا اخوانا البلد لو ماوصلتش لإستقرار بأسرع وقت ممكن هاتلاقي ثورة مضادة بس مش فلول .......... هايكون شعب زهقان وجعان وعطلان
وده اخطر من الفلول
وشكرا
كلامك مظبوط بس عايز اقول لك حاجة , كان فيه مقال لفهمي هويدي من حوالي اسبوع , كان بيتكلم عن ازمة اقتصادية طاحنة البلد (طبقا للتقارير الرسمية اللي تم تجاهلها) كانت داخلاها بقوة و كان نظام مبارك سايبها , البلد كانت هاتخرب خالص يا باشمهندس احمد
لما اطلع دلوقت اقول عايز حد ادنى و اقصى للأجور و عايز ميزانية الصحة تترفع و التعليم كمان و الدعم اللي بياخدوه رجال الاعمال و هما بيبيعوا للشعب بالسعر العالمي و اكتر يتوقف
يبقى انا كده عايز الخير للبلد و عايزها ترتقي ؟
ولا نسيبها ترجع زي ما كانت لحد ما نستقر في القاع ؟؟؟
[color="rgb(0, 100, 0)"]جميل جدا ... أنا مش باقول ان الوضع كان زي الفل والناس عايشة ومعاندهاش مشاكل... بس برضه ارجع واقول هو مين الحط الموازنة الجديدة مش حكومة الثورة ... يبقى اكيد ليس في الإمكان افضل مما كان ... ... فين مموارد الدولة الهاتتحمل كل النفقات الحضرتك بتطلبها .. طيب نحدد خطة الاول .. استقرار . دولة . استثمارات تدخل فلوس لخزينة الدولة . خدمات صحة وتعليم . بعدين مرتبات .... مستحيل كله في وقت واحد
المقصود ان بدل ما احنا عمالين نطول في فترة عدم الاستقرار ... نوصل البلد بسرعة لبرلمان ورئيس وحكومة عشان الأمور تمشي للأمام .... لأن دلوقتي مصر تعود للخلف[/color]
وشكرا على الحوار المحترم الهادف
يا باشمهندس احمد ما حكومة الثورة ما طلعتش حكومة ثورة :S
اتمنى انك تقرا المواضيع دي
دول امثلة لناس عايزين فعلا يعملوا حاجة للبلد و همهم المظلومين
http://www.nilemotors.net/Nile/227224-a.html
http://www.nilemotors.net/Nile/227102-a.html
http://www.nilemotors.net/Nile/226750-a.html
http://www.nilemotors.net/Nile/226335-a.html
انا عايزك بجد تقرا المواضيع دي كلها لأنها كمان شيقة جدا و فيها ردود على شوية نقط انت اثرتها و اظنها هاتهمك
واخد بالك ان مش بالضرورة ان البلد كلها احزاب ليبرالية او اخوان ؟
بص على اللقاء ده كمان و شوف الناس دي بتتكلم ازاي , اظنك هاتلاقي كلام اول مرة تسمعه
انا اكيد مش هاقول لك ما تقولش لأ للغلطان , بس لما يكون غلطان , لو حد انت شايفه غلطان و انا شايفه على الحق , او العكس , نتناقش
[youtube]http://www.youtube.com/watch?v=cWqyvYLFfXQ[/youtube]
:b4_388::b4_388::b4_388: ويا ريت الناس توعى شوية لنفسها ونوحد صفوفنا ونبعد عن الأغراض الشخصية علشان صالح البلد .اقتباس:
المشاركة الأصلية كتبت بواسطة م.احمد زكريا
فعلاً لسه شوية على تحقيق الأهداف المرجوة .اقتباس:
المشاركة الأصلية كتبت بواسطة wawoo
كلام ممتاز وسليم مليون في المية .اقتباس:
المشاركة الأصلية كتبت بواسطة e_farid