انهي زيت افضل للاكسنت rb شل اصفر 5000 كم ولا شل الترا 10000كم؟؟
علما بأن عربيتي عامله 2000 كم وساعة صيانة ال1000 كم حطولي الترا 10 الاف كم ((5w40))). فهل اكمل عليه ولا اغير لشل الاصفر الصيانه الجايه ..
انهي زيت افضل للاكسنت rb شل اصفر 5000 كم ولا شل الترا 10000كم؟؟
علما بأن عربيتي عامله 2000 كم وساعة صيانة ال1000 كم حطولي الترا 10 الاف كم ((5w40))). فهل اكمل عليه ولا اغير لشل الاصفر الصيانه الجايه ..
السلام عليكم
كده كده حضرتك هاتنزل الزيت علي 5ألاف (ميعاد الصيانه الدوريه)
يبقي ليه تتحمل فرق السعر
يبقي أشتغل علي شل الأصفر و لزيادة التأكيد أشتري الزييت معاك من المحطه و غدهولهم في الصيانه بدل ميقول الجمله الشهيره (مفيش شل 5 ألاف )
و بالتوفيق إن شاء الله
شل الاصفر ده زيت معدنى
اما شل هيلكس الترا زيت تخليقى
وبما ان عربية حضرتك لسه زيرو يبقى بدون تفكير تستخدم الزيوت التخليقية
مش ضروري يغير الزيت في الصيانة على فكرةاقتباس:
المشاركة الأصلية كتبت بواسطة hossam99
زيت الترا هيلكس هتمشي بيه 10000 كم وغيره على صيانة ال 10000 كم يا صديقي
فترة التليين يتم استخدام الزيت المعدني (5000) بعد كدة حط زيت ال 10000 التخليقي وماتنساش الزيت يتغير كل 10000 كيلو او 6 شهور ايهما اقرب بمعني لو حطيت زيت 10000 شهر 1 وفي شهر 6 العربية ما عملتش ال 10000 كيلو غير الزيت افضل
سنة يا استاذ مشمش مش 6 شهور !
ال 10.000 أحسن لان العربيه جديده
خصوصا لو بتمشي بيها كتير و هتعمل ال 10000 في سنه او اقل
حضرتك متأكد يا استاذ اشرف علشان مكتوب كدة في الكتالوج وبغير الزيت كل 6 شهور !!اقتباس:
المشاركة الأصلية كتبت بواسطة ashraf_ibrahim
عموما وده مش بيحصل الا في حالة قلة استعمال العربية
اكيد ان شاء اللهاقتباس:
المشاركة الأصلية كتبت بواسطة mshmshm3
سنة او 10000 كم ايهما اقرب وفيه ناس بتمشي عليه 15000 كم كمان
شكرا للمعلومة يا استاذ اشرفاقتباس:
المشاركة الأصلية كتبت بواسطة ashraf_ibrahim
اقتباس:
المشاركة الأصلية كتبت بواسطة ashraf_ibrahim
لكن الأفضل أنه ينزل كل 5000 كم علشان طبيعة ظروف التشغيل المصريه
5000 كم قليل جداً علي زيت تخليقي
10-13 الف كيلومتر ممكن
و بعدين مفيش حاجه اسمها زيت معدني في التليين و تخليقي بعد كده
يا ريت تحط زيت تخليقي شيل هيلكس الترا زي اللي حطيته في اول صيانه
و ياريت يا رجاله ارجوكم نتأكد من معلوماتنا قبل ما نقولها عشان ما نقولش الناس معلومات غلط تتعامل علي اساسها
كلام سليم
اعتقد ده كلام علمىاقتباس:
المشاركة الأصلية كتبت بواسطة romieh
كتالوج الالنترا مكتوب فيه ان تغيير الزيت التخليقى على 10000 كم او 12 شهراقتباس:
المشاركة الأصلية كتبت بواسطة ashraf_ibrahim
اقتباس:
المشاركة الأصلية كتبت بواسطة mohamed_mohsen
حضرتك علي فكره أستنتجت معلومات جديده غير المعروضه في الموضوع
تحياتي
لا يا باشا انا بأكد علي معلومات صحيحه موجوده في الموضوع
و ردي فيه تنويه ان الناس تتأكد من معلوماتها
يا ريت سيادتك تقرأ ردي كويس
تقبل تحياتي,,,,
اقتباس:
المشاركة الأصلية كتبت بواسطة mohamed_mohsen
رد حضرتك كان جزء فيه بيقول إن 5000 قليل علي التخليقي مع إن محدش قال إن التخليقي يتغير 5000 غير إني قلت يغير من تخليقي لمعدني 5000 و كل قصدي أنه يتغير كل فتره قصيره بسبب ظروف التشغيل
و أنا مع حضرتك في إن فترة التليين مبتستوجبش زيت معين ممكن نلين بتخليقي عادي لكن ليه ننزله علي 1000 و هو بيقعد 10000 و زياده
أنا أسف لو مفهمتش حضرتك
انا آسف اني انا اللي موضحتش الفكره
بس انا في اعتقادي ان الزيت اللي بيبقي موجود في الموتور أصلاً و بيتغير عند الف كم بيكون لفترة التليين بس عشان كده بيتغير بدري
لكن بعد فتره التللين تنزله و تحط تخليقي و تغير بعد 10-13 الف
انا كان كل اعتراضي علي الزميل اللي كان بيقول ان في الأول تحط زيت معدني و بعدين تخليقي (كلام مش مظبوط و هيضر بالموتور)
و الدكتور امير يقوللهم لو هيروح صيانة ال5000 انه مش عايز يغير زيت لانهم حطوله زيت تخليقي 10000
ماتزعلش مني يا استاذ حسام لو حصل سوء فهم
تقيل تحياتي و اعتذاري,,,,,
الف شكر لكل الاعضاء الفضلاء اللي تفضلو بالاجابه ..كدا يبقى خليني في الالترا كل 10 الاف كم .
اقتباس:
المشاركة الأصلية كتبت بواسطة mohamed_mohsen
مفيش بينا زعل إن شاء الله
و مقدرش أزعل من حضرتك يا أستاذ محمد
اقتباس:
المشاركة الأصلية كتبت بواسطة ashraf_ibrahim
اللى بيبيعوه بيقولوا انه بيمشى اكتر من 10.000 فعلاً لكن بصراحه انا مجربتش
بس اوعدك ناوى اجرب المره دى
هوا لازم صيانة ال 5 الاف ولا مالهاش لازمه طالما مش هغير زيت والعربيه الحمد لله تمام؟؟ هي ب 160 جنيه "تربيط عفشه وكشف على التكيف والسوائل والفرامل.!!!!!!!!!
ولا هيخرجو العربيه من الضمان لو ماروحتش؟؟؟؟
اقتباس:
المشاركة الأصلية كتبت بواسطة dramir1
مره كنت قرأت في كتالوج الماتريكس إن عدم الإلتزام بجدول الصيانه الدوريه بيخرج العربيه من الضمان
و لزيادة التأكيد أتصل بالمركز و إسألهم أو إسأل المهندس هاني في الموضوع بتاعه أكيد هايفيد حضرتك
انا اسف يا جماعة اني قولت في الاول تحط زيت معدني علشان التليين المعلومة دي مش من وحي خيالي انا جايبها من هنا من المنتدي وماكانش في اي اعتراض عليها دي غلطتي اني اخدت معلومة من هنا بأعتبرها من مصدر ثقة
صيانتين متتاليتين لا يتم عملهم يخرجوا العربية من الضماناقتباس:
المشاركة الأصلية كتبت بواسطة dramir1
طب حضرتك جرب مركز تكنو وان!
مركز صيانة معتمد وفي الضمان واسعاره في الحنين جدا وشغلهم نضيف جدا وانا مجربه عن نفسي
وده لينك المشاركة اللي تم اخذ منه المعلومة http://www.nilemotors.net/Nile/214771-a.html
اقتباس:
المشاركة الأصلية كتبت بواسطة mshmshm3
بص يا أستاذي علشان الموضوع أصلا كان هايسخن و يبقي فيه تشكيك في معلومات كل منا أنا سكت
و علي فكره معلومة حضرتك مش غلط و لا المنتدي مصدر غير موثوق فيه
و علشان نرتاح و نبعد عن نصب الشركات الزيوت التخليقيه أصلا مش لجو و لا لظروف تشغيل الشرق الأوسط
فعلا مكتوب في الكتالوج ان الزيوت 5w20 مش مناسبه للشرق الاوسطاقتباس:
المشاركة الأصلية كتبت بواسطة HOSSAM99
ولكنهم في التوكيل حطولي تخليقي 5w40 ايه الفرق بين الاتنين ...انا كدا احترت اكتر
....هل اطلب في صيانة ال5 الاف ينزلو التخليقي ويحطو الاصفر المعدني واكمل عليه بعد كده؟؟؟؟
يا صديقي كمل على الالترا متقلقش مش هيحصل حاجة وكفاءته كويسة جدا
لا تقلق اطلاقا
اقتباس:
المشاركة الأصلية كتبت بواسطة dramir1
لو كنصيحه و أنا بحط أيه في عربيتي أقولك شل الأصفر
ليه شل الأصفر أو أي زيت 5000 (لكن شل موثوق فيه شويه و مبيضربش) لأن شل الأصفر فترة وجوده في الموتور مش كبيره 5000 كم يعني بتبدل الزييت و تطمن عليه علي فترات متقاربه و تنزل الزيت بالشوائب و بقايا التشغيل
أي تغير في الزيت (أي زيت ) نبقي لحقناه و غيرناه علي طول
فيه نقطه بقي مهمه و هي إن جدول صيانة هيونداي (كل هيونداي ) بيتم تغيير الزيت و الفلتر كل 5000 يعني الفلتر في التخليقي هايقعد 5000 أو 7000كم زياده يبقي أنا ليه أخالف توصيات المصنع و هو أدري بقطعه الغيار و أدري بالعربيه
فيه نقطه تحسب للزيت التخليقي و هو إنه في حالة أستخدام العربيه كتير يعني مثلا بتعمل 10000كم في شهر أو شهرين يبقي تخليقي علي طول لأن ليه ميزه
و هي طول فترة صلاحيته (الميزه الوحيده له في مصر)
بالتوفيق لحضرتك
اهلا بيكم انا مهندس عمرو عمران وكنت ماسك رقابة الجودة على انتاج الزيوت فى شركتى وحاليا ماسك الدعم الفنى وفيه مداخلة بسيطة احب اقولها وانبه ليها المفروض الزيت ما يقعدش فى العربية اكتر من 6 شهور مش سنة حتى لو ما عملتش عدد الكلوات اللى المفروض تعمله بالزيت ويا ريت يا جماعة تنصحونى اشترى ال rb ولا بلاش ما خاب من استشار واسال مجرب
اقتباس:
المشاركة الأصلية كتبت بواسطة eng_mero82
شكرا يا باشمهندس عمرو علي النصيحه بخصوص الزيت
أما الأر بي فهي عربيه رائعه جدا جدا جدا
لكن قول حضرتك محتاج من العربيه أيه و راصد للعربيه كام فلوس و إستخدام حضرتك لها أيه و إن شاء الله كلنا نقدم لك ما نستطيع
اولا انا هجيب العربية قسط لانى بتجوز وانتوا عارفين جدا ان ده سبب مقنع جدااااااا ان مايكونش معايا فلوس اجيب عربية زيرو كاش اما استخدامى للعربية هيكون كالاتى :
اولا انا من المنيا وشغلى فى اسيوط وبروح واجى كل يوم المشوار ده وساكن فى المنيا الجديدة طبعا انا مش هروح واجى اسيوط كل يوم بالعربية لكن المعاد اللى انا بنزل فيه من المنيا الجديدة (الساعة 4 الصبح) مش بيبقى فيه مواصلات وبالتالى هطلع وانزل بيها المنيا الجديدة كل يوم علما بان المشوار حوالى 10 دقايق على الاكثر ثانيا الامر مش هيسلم من السفر بالعربية اسيوط كام مرة فى الشهر وثالثا واخيرا لما اجى مسافر اغير جو انا والبيت هسافر بيها بس واسف اذا كنت طولت عليكم ولو مكنش الار بى يبقى ايه عشان انا بقالى 6 شهور حيران فى نوع العربية ومش عارف اخد قرار لان فيه عدم امانة فى ابداء الاراء يا اما حملات اعلانية مضادة يا اما تجار عاوزين يروجوا لعربية معينة وانا زهقت من المستعمل وقرفه اسف جدا للاطالة ومنتظر الرد
إن شاء الله يتم زواجك علي خير يا باشمهندس
هي الأر بي لغاية دلوقتي كل الناس بتشكر فيها و هي عربيه جميله من حيث الشكل و المضمون لكن بالرغم من كده أنا شايف (عن نفسي ) إن ثمنها مبالغ فيه في الفئه الهاي لاين
أما في المانيوال فهي معقوله إلي حد ما
أما بخصوص السفر و إحتمالها سافر في كل حته و كل يوم و متقلقش طالما مواظب علي الصيانه
و الكوري معروف بالتكييف القوي
و وسعها متوسط
و طبعا قطع غيارها هاتبقي زي الفيرنا سعرا و وجودا
و ربنا يوفقك إلي ما فيه الخير
و برضه أفتح موضوع في قسم المقارانات و حط رينج السعر و ظروف تشغيل العربيه المطلوبه و عدد الكيلومترات اليوميه و هكذا و هاتلاقي آراء كتير هاتساعد حضرتك إن شاء الله
انا متشكر جدا جدا على اهتمامك وردك بصراحة انا حابب العربية جدا بس مش عارف ليه محتار انا هعمل بنصيحتك وادخل قسم المقارنات وربنا يسهل ان شاء الله
اقتباس:
المشاركة الأصلية كتبت بواسطة eng_mero82
إن شاء الله ربنا يقدم ما فيه الخير