انا برضه هى دى مشكلة عربيتى..
هى هيونداى اكسنت مو 2002 وبرضه بتسخن فى الزحمة والطرق الطويلة
وطبعا عشان كده برضه مبعرفش اسافر بيها ...
انا برضه هى دى مشكلة عربيتى..
هى هيونداى اكسنت مو 2002 وبرضه بتسخن فى الزحمة والطرق الطويلة
وطبعا عشان كده برضه مبعرفش اسافر بيها ...
متابع للاستفاده ورنا يكفينا شر السخونيه
جزاك الله خيرا
مش عارف الحل دا شغال ولا ايه
بس لما عملت عمرة الميكانيكي كان موصل مروحة الريديتير مباشر البطارية ولما ركبها بعد التليين ركبها معكوسة فـبقت تطرد الهوا بعيد عن الموتور بدل ما توجهه للموتور و دا اللي كان مسخن عربيتي وواحد خبرة هو اللي اكتشفها و بدل السكلين بتوع مروحة الريديتير و بقت تماااااااام زي السحر
ملحوظة:
عربيتي بولونيز والريديتير عندي ماسورتين بس و قديم كمان و سلكته بس :)
اول حاجة هتسلك الريدتير وتتاكد ان مفيش فيه تهريب وتتاكد من الطرمبة وحساس المراوح وحساس الحرارة
بعدين هتتاكد من كل الخراطيم والاكواع الحديد اللي بتمر فيها المياه علي المكينة اللي في ضهر المكنة..
لان ممكن الخرطوم يكون قدامك سليم وهو بيبخر مياه وبيدخل هوا مكانه.. والاكواع الحديد ( وكانت عندي ) مصدية وبتبخر مياه بسيطة لا ترى لانها بتتبخر قبل ما اشوفها )
هتشبك المراوح تخليها شغالة مع السويتش وتخليها علي اسرع درجة
هتفتح غطا الزيت تتاكد ان مفيش حاجة زي عجينة بيضا كده عشان نستبعد مشكلة راس المكينة ان شاء الله
هتفضي المياه من القربة لحد النص تقريبا لان القربة مش مفيد تكون مليانة قد ما المهم تكون فاضيه عشان تحتوي الزيادة اللي هتجيلها من الموتور وتتاكد ان خراطيم القربة سالكة عشان ممكن تكون كاتمة فايص المياه ..
نصيحة ثم نصيحة متعارف عليها في السعودية ( بلد الحرارة ) اوعا تستخدم مياه خضرا في الصيف يفضل استخدام المياه الاصلية للسيارة من التوكيل او ماء مقطر عادي جدا..
اخيرا لما تخلص كل الشغل تشغل السيارة وتعبي مياه وبعد ما يمتلئ الريداتير كمل تعبية عشان الهوا يطلع
جرب وان شاء الله هتبقي تمام
التمبرا بتسخن بسرعة فى الصيف ارجوكم عايز حل
الحل النهائى لسخونة السكودا هو غسل او عمل دورة تنظيف للردياتير والماتور بالذات بمادة حمضية قويه مثل خل مركز او مادة الفلاش المنظفة وتشغيل السيارة لمدة نصف ساعة ثم الغسيل بماء عدة مرات وفى النهاية استعمال ماء خضراء وتفسير الكلام ده ان المشكلة تكمن داخل المحرك حيث توجد بداخله فجوات يتحرك بداخله سائل التبريد هذه الفجوات سدت بمرور الزمن من الاملاح وتآكل المعدن نفسه ومنعت اكتمال الدورة داخل المحرك وكل الحلول السابقة مؤقته وسترجع الحرارة مرة اخرى
السلام عليكم ,,, جميعا
عندى مشكله فى حرارة عربيتى (لانسر بطه) 1993 وذلك كالاتى :
ارتفاع مؤشر الحراره عن النصف فقمت بتغيير تروموستات الحراره ولكن مازال العيب كما هو فقمت بتنظيف الريدادير بالكامل ولكن العيب مازال متواجد مع اختلاف ان ارتفاع المؤشر عن النصف قل نسبيا ولكن مازال العيب متواجد , روحت اخيرا لكهربائى وقال انى العيب فى الترموستات علشان المروحه مش بتشتغل عن درجه الحراره المطلوبه .
فهل الكلام ده مظبوط ولا فى عيب تانى ولو الكلام ده صح اجيب منين الترموستات الاصليه بتاعت اللانسر بطه
وشكرا ليكو برجاء الافاده للاهميه لإنى تقريبا بسبب العيب ده ممكن ابيع العربيه .
اجمل تحيه معطرة بارق باقات الورد والياسمين الى كل اعضاء نايل موتورز ..
انا امتلك فيرنا 1500 موديل 2007 عدادها الان 65000 كم ومقيم فى محافظة سوهاج مدينة طهطا ..
عندى مشكلة فى العربية ظهرت من عدة اشهر فى اواخر الصيف الماضى اثناء سفرى للاسكندرية على الطريق الصحراوى لاحظت ان عداد الحرارة بدأ فى الارتفاع متخطيا العلامتين فى العداد وشعرت بسخونة الموتور اوقفت السيارة ونظرت فى المراوح وجدتها تعمل .. قربة الماء لم يكن بها ماء نهائيا ..اعدت تزويدها بالماء وانتظرت انخفاض الحرارة ( كانت الساعة الثانية عشر مساء ) .. وبعدها تحركت لاقل من 15 او 20 كيلومتر وجدت العداد الخاص بالحرارة ارتفع ايضا ولم اجد ماء بالقربة .. اتصلت بالميكانيكى نصحنى بالكشف عن الزيت هل هو طحينى ولا عادى والحمد لله وجدته تمام .. اشار على بفك كوعة المياه واخراج ترموستات الكوعة لانها معلقة وبتطلع الميه للشكمان وتركيب الكوعة بدون الترموستات وفعلا ازلت ترموستات الكوعة ( ولم اركبها للان لانهم افادونى ان عدم تركيبها افضل ) ... واكملت السفر الى الاسكندرية وعينى على الحرارة وسرعتى لا تتعدى 90 حتى لا تسخن السيارة وقضيت اجازتى وعدت وفى اثناء العودة على طريق الجيش وجدت كل السيارات تجرى قلت اعمل زيهم وحاولت اوصل ل 130 ولكن عندما اتخطى 100 او 110 كم يرتفع عداد الحرارة انزل بالسرعة الى 80 او 90 تعود الحرارة لمستواها الطبيعى .. وعند عودتى ذهبت للميكانيكى قاللى العربية ما فيهاش حاجة رحت لاخصائى رادياتير عمللى غسيل وملأ الرادياتير بالمياه الخضراء وايضا قاللى الرادياتير سليم .. والى الان كلما تتعدى السيارة 110 كم ترتفع الحرارة وتتعدى العلامتين .. ارجو افادتى ماذا افعل وماذا قد يكون السبب .. وشاكرا مقدما لمن يهتم بالرد .. وائل الفى
انا عندى مشكلة السخونية مغلبانى جدا ومش عارف اعمل ايه
عايز حد يفدنى اازى انظف الريداتير بالصور وايه المواد المستخدمه