سعة التانك 53 ليتر
و متوسط الإستهلاك في جميع الظروف 307_320
الإستهلاك في أفضل الظروف 360 _380
عرض للطباعة
360-380 ....... وعربية 1600 ؟؟
انا لو اعرف كده كنت جيبت الالنترا
دي التيوتا1300 ولا البولو1300 الللي كانت معايا مش بتعملهم
والرقم ده نظري ولا فعلي؟ .... التيدا نفسها معدتش 320 واللي بوجيهاتها بلاتينيوم
الرقم ده غريب انا مش مستريحله نفسيا ... ياريت بجد لو في تجربة او تقرير بالاستهلاك ده
والاخ الكريم اللي عمل 520 في 50 لتر تقريبا ... مهما حسن الظروف هايزيد 100 كم ؟؟؟ يعني من 260 الي 360 ؟؟
أولا إن شاء الله أنا مش هاقول معلومه غلط في سبيل عربيه تعتبر بالنسبه لي حته حديد و لا أكتر و لا أقل
الإلنترا سفر بتعمل 100 كم كل 6.5 ليتر ده الرقم المعلن الرقم المجرب مني أنا 7 ليتر
في داخل البلد (أنا مبمشيش في زحمه كتير معظم المشاوير دائري الرقم المعلن تقريبا كان 8.5 ليتر أنا بتعمل 9 ليتر بالكتير لكل 100 كم
الكلام ده في ظروف عاديه و ظروف متوسطه
لكن لما ببقي حنين عليها و بمشي بهداوه و من غير تكييف في الشتا بتعمل أرقام غير أرقام الحسابات خالص بيبقي إستهلاكها منخفض جدا
و الخلاصه إن العربيه بتعمل حوالي 307 في الصفيحه في الظروف المتوسطه أما الظروف الممتازه من حيث الجو و الطريق و عدد الركاب و خلافه بتعمل أرقام عاليه شويه
و لو حضرتك بتفكر تزوغ من قسم نيسان و تيجي معانا هيونداي دا شئ يشرفنا طبعا
ههههههههههههههههههه ...... منتحرمش من الدعوة الطيبة ديه
وانا مقدرش اسيب حبايبي هناك ...... انا مش عايز اقلك ان اول سبب اني جيبت الصني حبايبي اللي في نيسان
وانا بقي اللي مستنيك واول ما تيجي قلي علشان ندق الطبوووووول
انا مش قصدي انك بتقولكده علي العربية وخلاص ... زي ما قلت ديه حته حديدة
بس فعلا الرقم كبير اوي مش شويه كمان
تصدق بالله انا سألأت معظم اصحاب من اللي معاه من اول الياباني والامريكي والكوري حتي الالماني ... في عربية 1600 بتعمل الارقام ديه
وبصراحة قلتلهم الالنترا ....... قالولي لأ طبعا
وحتي صاحبي معاه كورسا 1200 سيسي بيقولي انا مبعملهمش
انا بتكلم ان ممكن حد يشوف الارقام ديه وفعلا يشتري العربية علشان كده ..... انا بحب اتأكد من المعلومة
علشان افيد بيها غيري
,والرقم 307 ده اه ممكن يكون طبيعي لان التيدا 1600 ونفس الارقم تقريبا زيادة سنه ....!!!
وجزاك الله عني خيرا ... وانا كنت بشوفك في نيسان بس خلعت ... واكيد العيب مش من عندنا :)))
اقعد بالعافية :bye2:
النهاردة الصبح فولت تانى من نفس المحطة لحد الزور
عدد الليترات كان 41 ليتر ودول المشونى 520 كم على سرعة 140 وبتكييف
كدة يبقى متوسط الاستهلاك فى الصفيحة 260 كم
حسام باشا 360 كم فى الصفيحة اعتقد كتير لان مهما كانتظروف القيادة لعربية 1600 المفروض لو على سرعة 90 مثلا الاستهلاك هيكون 300 كم فى الصفيحة
حلو اوي التقرير و ربنا يباركلك في العربية و عقبال صيانة ال 20000 و تفضل العربية مريحاك و عند حسن ظنك فيها ان شاء الله
+1+1+1
الرقم 260 ده فعلا بيحصل معايا و لو ماشي 80-90 كسرعه قصوي ممكن أكسره بسهوله أوي بس طبعا من غير تكيف
انا سافرت أليكس سرعه عاليه حبتين بس بأهدي في التحويلات و تكيف ب 3 شرط و الشرطه ب10 جنيه 92 يعني تقريبا 16.5 أو 17 لتر بس انا كنت مستعفي عليها حبتين :crying2:
لسه بقي لما أجيبلها البوجيهات البلاتينيوم و السلوك :glasses12:
بس كان نفسي غبور ال....* ينزلها مانيوال ب ABS
ربنا يباركلنا كلنا فيهم و عاوزين مظاهرات يا يرخصم لتر البنزين يا يرفعم الاوكتين بنفس السعر
360 ده انت شككتيني في العربيه يا راجل يا طيب مش بأكدبك بس ممكن أسلوب سواقتك هادي عننا
و أحييكم علي المناقشه ده و رقي الاسلوب في الحوار
أنا عملت قبل كدة 350 كيلو فى الصفيحة بس كان من غير تكييف و بسرعة 110-120 كيلو فى الساعة و فى طريق مفتوح و اعتقد مكانش فية رياح معاكسة قوية لكن الاستهلاك اللى بيتكرر معايا كتير و اعتقد دة المتوسط جوة البلد 200-220 كيلو فى الصفيحة و فى السفر 260-240 كيلو فى الصفيحة و دة فى ظروف قيادة متغيرة مثلا تشغيل التكييف باستمراروقوف متكرر داخل البلد او سرعات فوق 150 كيلو فى الساعة او مطالع كثيرة فى السفر
ده اللي بقوله واستهلاكات الصني زي ديه بالظبط .... جوه البلد من 210-220
وعلي الطوالي 250-260 ... واوتوماتيك
يعني انا لو اديت لحضرتك الصني علي نفس الطريق ده وسوقتها هاتعمل الرفم الاولاني 350 في الصفيحة .... !!!
حتي لو فرقت زي ما الناس بتقول ... يبقي 10 كم ناقص ولا حاجة يعني بتاع لتر بنزين ب2 جنيه
لو مانيوال هاتزود بتاع 10-15% تقريبا
اما عن موضوع استهلاك البنزين اللى شفت ان آراء حضراتك كلها (او معظمها) اختلفت فيها والمقارنه اللى حصلت بعربيات تانيه انا الحقيقه ماكنتش مركز انى اعمل حسابات دقيقه اوى على موضوع الاستهلاك واوعدكم انى هاحسبها بالضبط وافيد حضراتكم.. لكن اللى متأكد منه ان استهلاكها للبنزين منطقى وطبيعى جدا لكن التكييف اول ما يشتفل بحس بالفرق.. على فكره انا مقيم بالتجمع الخامس وحركتى معظمها داخل القاهره مع الوضع فى الاعتبار ان عملى يستلزم منى ان اسافر وابات خارج القاهره ليلتين ومابسافرش بيها لان المكان اللى بروحه ربنا مايوريكم.. وللعلم ايضا انا سافرت بالعربيه دى مرتين بس اليكس فى شهر 2 والساحل فى شهر 4 والسفريه الاولى حسيت فيها بمعقولية استهلاك البنزين بالمقارنه بالتانيه اللى اشتغل فيها التكييف.. لكن زى ماقلت فى المجمل هى عربيه معقوله جدا فى استهلاكها البنزين...:b4_033:
ربنا يباركلك فيها ويكفيك شرها
طالما أتفقنا إن الرقم 307 طبيعي يبقي مسكنا أول الخيط
نبدا بسم الله
مواتير الإلنترا فيها تقنيه Continuosly Variable Valve Timing (و هي تكنولوجيا تزود للمحركات لتعديل و تغيير وضع الصمامات بإستمرار ) و التكنولوجيا دي بتسمح للمحرك بإستخدام كل البنزين الواصل له بدون هدر و الإقلال من العادم
ما علينا
لكن هي بتعمل أرقام هايله جدا في الظروف الإقتصاديه بتعمل توفير من 10% و يزيد يعني لو قلنا إن موتور 1600 بيعمل 307 كيلو في الصفيحه يبقي بالتكنولوجيا دي يعمل حوالي 340 و يزيد كمان هو ده الأمر بكل بساطه
(لا تتفاجأ) لو سمعت عن إستهلاك النيو أكسنت أقل من الإلنترا بشويه كمان
و في النهايه إستخدامي ليها بيكون بالشكل الأتي
مواعيد الصيانه أقل من مواعيد الجدول
فلتر هوا إن لم يكن كل 5000كم يبقي 10000(بغيره بنفسي )
مفيش معايا ركاب دايما في العربيه (قليل جدا )
و هكذا من الظروف
و لعلمك التوفير ده بيطلع عليا في الماتريكس بتشفط البنزين(مش أوي يعني )
و الله يعافيك و يعفو عنك
أ/حسام ... كيف حالك يا بيك
احنا اتفقنا ان الرقم ده الطبيعي اللي ممكن اقصي استهلاك للعربية توصله .... مش استهلاك العربية لو اتحسنت ظروف السواقة هاتوصل لل340
واحنا شوفنا استهلاك اخوانا في المنتدي هنا اللي معاهم الالنترا واستهلاكهم الطبيعي 250-260 /اصفيحة واللي لو اتحسن ممكن يوصل للرقم ال307 /الصفيحة علشان التقنية اللي حضرتك قلت عليها
260 كم/الصفيحة *1.1 (10%)= 286 كم /الصفيحة ولو في ناس عملت 280 مثلا(مع اني مقريتهوش هنا) هايبقي بال10% = 308 كم /الصفيحة بالشكل ده يبقي ده الاستهلاك الطبيعي جدا جدا للالنترا
وفي سيت مشهور جدا بيعمل استطلاعات عن العربيات كلها وكاتب استهلاكات الالنترا
7.8L/100km (automatic) يعني اللتر بيعمل 12.82 =256.4 كم/ الصفيحة
7.4L/100km (manual) يعني اللتر بيعمل 13.51كم =270.3 كم/ الصفيحة
وممكن تراجع كلامي من اللينك ده
Hyundai Elantra : News & Reports
اعتقد كده الكلام كله قريب من بعضه اوي .... وديه اقرب ارقام للارقام الحقيقة لاستهلاك اللالنترا
ومقارنة بارقام استهلاكات الصني ..... انا عايز اقلك انها مفرقتش اطلاا عن الصني كتير ... ده يمكن الصني بتعمل 320 كم /الصفيحة
وهتلاقي استهلاكات الاعضاء في الموضوع ده ونوع كل عربية سواء مانويل اوا اوتو
http://www.nilemotors.net/Nile/227761-180.html
والف الف شكر لحضرتك علي الحوار الطيب ده ..... وان شاء الله نشوفك وتشرفنا في المنتدي اخ وضيف عزيز
السلام عليكم
واقعدوا بالعافية :bye2:
شوف يا أستاذي الفاضل أنا كان عندي بيجو 405 1800 تنكها 60 ..وبعدها جبت صني سوبر صالون زيرو وقعدت معايا سنتين ودلوقتي جبت سوناتا 2010 2000cc وتنكها 70 وكل عربية من دول بتعمل صيانات كاملة في التوكيل ومكنش فيها مشاكل .. احب اقولك إن النيسان 1600 نفس استهلاك البيجو والسوناتا بـالظبط والكارثة إن تنكها نصفهم تقريبا ... وكتير بقى كنت باجر لانسر وكرولا .. وفعلا اكتشفت إن استهلاك الصني لا غبار عليه أسوء استهلاك بنزين في عربية 1600 حديثة تنكها صغير .
50 لتر .... تانك صغير ؟؟؟ ....... وانا حطيت لحضرتك لينك الاعضاء اللي معاهم صني وعربيات تانية ياباني وغيرها
بس ارجع واقول لحضرتك بتفرق من رجل سواق لرجل سواق اخر ... استأذنك بس تقولنا استهلاكها هي بالذات قد ايه
يعني كام في الصفيحة وظروف السواقة ايه ؟؟ في نفس اللينك ده
http://www.nilemotors.net/Nile/227761-180.html
بس لو اقل من 180 /الصفيحة متكتبوش ... ممكن حضرتك تكتبه هنا
شاكر جدا لمعاليك
شوف حضرتك أنا بتكلم عن تجربتي الشخصية وسواقتي أنا على أكتر من عربية في نفس المشاوير في نفس الجو نفس الوقت .. الصني كانت بتكلفني بنزين اد اللي 1800 و 2000cc مابتكلفني .. ولما اجرت لانسر وكرولا شفت الفرق .. حسبتي اسهل بكتير من اللي حضرتك عايزه أنا دلوقتي بفول تنك السوناتا مرة كل أسبوع وكنت بفول النيسان مرة كل 4 أيام .. واللانسر وكورولا مرة كل أسبوع برده .. عشان تنك السوناتا اكبر فده معوض فرق السي سي .. لكن النيسان تنكها اد تنك اللانسر .. تفسير حضرتك إيه بقى للموضوع ده غير إن العربية استهلاكها عالي!!! .. أنا مقدر دفاعك عن العربية لأني كنت زيك كده بـالظبط قبل ما ابيعها وقبل ما اجرب عربيات تانية من نفس الفئة فترة طويلة بس برده الحق يقال إن لو رجع بيا الوقت تاني عمري ما كنت هشتريها .
يا اخي الكريم... دفاعي ده جيه من مطلق الاشاعات اللي بتطلع والناس بتصدقها... واكتر من 15 عضو كاتبين استهلاكهم في النوضوع ده والعربية بيتعمل من 180 لغاية 320.... وده اكبر دليل ان العربية مش المقياس
لا.. السواقة وظروفها والسواق نفسه
ولو رجع بيا الوقت تاني هاشتريها.... لاني مقتنع تماما انها الاولي بفضل الله في الفئة بتاعتها... ومش كعربية بس
كله... ماتور وعفشة وتوكيل وقطع غيار... حتي لو استهلاك عالي شويه.. بس الحاجات التانية تخليني مستخسرش علشان 30 ولا 40 كم زياده ب 4 جنيه
وفي الاول والاخر نصيب.... واللي بيخليني اتكلم في المواضيع ديه.. ان الصني دلوقتي بتغطي شريحة كبيرة اوي للمستهلك وده هتلاحظوه بالانتشار الرهيب ومعظمهم بيخش يسأل عليها... واول حاجة تقال... غووووول بنزين... وليه علشان بتاكل بتاع 4 ولا 5 لتر زياده.. ومبيحطوش الاعتبارات التانية
وانا لما اتكلمت.. اتكلمت بتجارب الناس.. علشان انا كنت مكان اللي بيسأل واول ما دخلت المنتدي.. سمعت الكلام ره.... ولما ربنا كرمني بيها وبفضل الله سعفتني في مواقف كتيير... واتعاملت مع توكيل كويس جدااااا ... قلت ارد بتجربتي للعربية ككل... وربنا ييسر الخير
واقعدوا بالعافية
تقرير متميز .... ويؤكد كلام ناس كتير عنها إنها عربية متميزة ...
الصني عربية ممتازة أيضا لايعيبها سوي أن شكلها لم يتغير من فترة ...
.
فرامل الالنترا عظيمه ومشغل تكييف او لا عليها كفاءه موتور غير عاديه العيب اكيد عندك يا ريس
[frame="6 60"]تقرير متميز .... ويؤكد كلام ناس كتير عنها إنها عربية متميزة [/frame]...
السيارة زى الفل بس أنا مش معاك فى الثبات العربية دة عوامة جدا و ضبط زوايا و مفيش فايدة بعد 100 لو موتوسكل عدى من جنبى العربية تعوم