الموضوع: الى ملاك الفرنا فقط

السلام عليكم ورحمة الله و بركاته
انا ان شاء الله نويت اجيب فيرنا زيرو
وكنت عايز استفسر من ملاكها على بعض الحاجات
1- تكييفها اخباره ايه ........ سمعت انه تلاجة بس كنت ركبت فى تاكسى فيرنا و معجبنيش خالص
2- مدى تأثير التكييف على سحب العربية
3- الناس بيحسسونى ان العربية دى طيارة و ان موتورها فيرارى......... فهل هى مثلا تجميعها اسرع من البومة 1600.
4-اخبار الثبات ايه ....... للعلم انا معايا باسات و مش بحب اعدى بيها 140 ..... مش عشان العربية مش ثابتة ..... بالعكس دى على 180 ولا الهوا ....... بس انا مش بحب اجرى و كده كده 99% من سواقتى فى زحمة البلد
5- مدى توافر قطع الغيار الاصلية بره التوكيل..... و اسعارها اخبارها ايه
6- مدى اعتمادية السيارة ...... و ارجو ذكر تغيير اى قطع فى السيارة و عند الكيلو كام
7- مدى تأثير التقفيل المصرى عالسيارة و هل مسبب اى عيوب جوهرية
8- هل فى اى مشاكل او تغيرات فى موديل 2011
9- اخبار عفشتها ايه ........ انا مش عايز عفشة ناشفة
10- كنت سمعت ان الفيرنا هيتوقف انتاجها فى2012 ....... فما مدى صحة هذا الكلام
11- اجيبها فول اوبشن ولا ملهاش لازمة ....... وانا اولى بالفرق فى الفلوس
لو فى عيوب فى العربية ارجو ذكرها

متطلباتى من السيارة التى اريد شرائها
زيرو
فى حدود 70000
اعتمادية و قليلة الاعطال
سهولة الصيانة برة التوكيل لانى مش ههوب ناحية غبور
قطع غيار رخيصة
تكييف ايس كريم زى مبيقولوا ........ مهم جدا جدا ......... تقريبا التكببف مبيبطلش عندى طول الصيف
مش مهم تبقى عائلية لانى لم اتزوج بعد
سعر اعادة بيع جيد لانى ممكن اغير كمان سنتين
ليس بها مشاكل جوهرية


طبعا انسب حاجة ليا هى الفيرنا من وجهة نظرى مع انى كنت نفسى اجيب لوجان ........
لوجان لأ عشان قطع الغيار و اعادة البيع ....... و كده كده انا نازل من باسات و بقرف اساسا لما بسوق البومة ...... فكده كده اللوجان بالنسباللى اقل بكتير

لانوس لأ ...... عشان تكييف ضعيف و موتور ضعيف نسبيا و بعد مبقت شيفورليه الناس بقت تشتكى منها

اى حاجة صينى لأ عشان اعادة بيع سيئة جدا

ساجا لأ لنفس السبب


اسف اذا كنت طولت عليكوا بس انا زهقت من كل واحد بيفتى و خلاص بدون ميكون اساسا جرب العربية

و ارجو ان اللى يرد يكون من واقع الخبرة و التجربة العملية

و شكرا مقدما و فى انتظار الردود