الموضوع ده اتاخر شويه علشان الايقاف

الشباب والبنات داخلين الامتحان بكل همه وعزيمه


بعد 5 دقايق من بدايه الامتحان البنت طلعت ورقه الامتحان وسلمتها لزميلتها فى الحوش فضلوا واقفين مع بعض ربع ساعه ومستنيين ساعه الصفر على المحمول وزميلهم بيامن الوضع


خدى بالك من الورقه كويس انتى مش عارفه انا طلعتها ازاى



زميلتها خدت الامانه وراحت تسلمها للناس بره والشرطه مدياها ضهرها



تم التسليم والعوده بنجاح



بمجرد خروج الورقه اجتماع عاجل بين المدرسين واهالى الطلبه لحل الامتحان وارسال الاجابات بالمحمول
شدوا حيلكم ياجماعه الوقت بيعدى



متخافيش ياحاجه بنتك هتنجح ان شاء الله



سمعنى سلام تحت الشجره ياوهيبه وتحيه كبيره لرجال الداخليه الاشاوس اللى قاعدين جنب البوابه وكله بيحصل قداهم وعاملين مش شايفين



نسور قاعدين بصراحه



الف مبروك ياجماعه تعبتوا قوى فى اليوم ده
==============================
الى الساده المسئولين
مش عارفين تعلموهم ولاتفهموهم ولا تشغلوهم يبقى تلغوها احسن
الى الساده الاهالى الافاضل
مش عارفين تربوهم وبتشجعوهم على الغش يبقى متخلفوش من الاول الله يحرقكم . طول ماللى زيكم موجود والله ماهتنضف
الى الساده اعضاء الشرطه العظام
هقول فيكم ايه تانى وانتوا فيكوا كل العبر عموما فى حرام
الى الطلبه المحترمه اللى راعوا ربنا ونجحوا بعرقهم
ربنا يبارك فيكم وفى اهاليكم
عموما صلى صلى بلا وسواس
مفيش احسن من دفن الروس-جمع راس- فى الطين مش الرمال
وعاش تعليمنا الفاسد
الحكايه اكبر بكتير من مجرد ثوره ضد نظام والامل فيك يارب
خلص الكلام