عايز مشورتكم في موضوع خاص بصديق لي

**thedeveloper87** · 18-06-2011 12:20 AM

السلام عليكم ورحمة الله وبركاته

عندي صديقي وزميلي في العمل ما حصلش نصيب ومشوه من الشغل لأسباب لا أعلمها ... وهو حاليا قدامه فرصتين ، فرصة للرجوع للشغل القديم بنفس الراتب القديم اللي كان بياخده ، وقدامه فرصة سفر للكويت بمبلغ 350 دينار ، بس السكن وتذاكر الطيران وأي مصاريف أخرى على صاحبي ده.

أنا محتارله الصراحة ، هل مبلغ 350 دينار كويس؟ يستاهل الغربة؟ ولا لأ؟ وبالنسبة للسكن ايه نظامه؟ أسعاره عامله ازاي؟

وشكرا

**gaaz** · 18-06-2011 12:34 AM

طبعا يستاهل
هو كان مرتبه كم هنا ؟ اكيد الف ونص الفين بالكتير
اما ياخدله سبعه تمانية في الشهر حتى لو يصرف نصهم ويحوش اتنين في الشهر احسنله من انه يشتغل هنا سبعتلاف ساعه ويدوبك يجيب مصاريفه
البلد تذهب الى الهاوية انصحه بالسفر

**thedeveloper87** · 18-06-2011 12:42 AM

المشاركة الأصلية كتبت بواسطة gaaz

طبعا يستاهل
هو كان مرتبه كم هنا ؟ اكيد الف ونص الفين بالكتير

هو تقريبا فوق الألفين بشوية :)

أنا شايف إن فعلا ده القرار الأنسب والأسلم بالنسبة له إنه يسافر

**Ghosts** · 18-06-2011 12:43 AM

حد يبقى أدامة فرصة السفر لأى دولة سواء عربية أو أجنبية وخصوصآ اليومين دول ويبقى متردد ؟
دة كمان هيسافر وعارف هو هيشتغل فين و هيقبض كام ....
مش لسة هيدور ويتبهدل ....
خلية يتوكل على اللة ....
ويسافر ....

**MOUSTAFA_SAAD** · 18-06-2011 07:31 AM

يسافر يمكن وضعه يتحسن اكتر هناك

**ahmedsamir5edr** · 18-06-2011 07:42 AM

السكن .. تمن الشقه 200 دينار لوحدك ( متوسطه ) .. ممكن يجيب معاه اتنين و يقسم الفلوس 65 دينار للفرد

الأكل و الموبايل و المصاريف الاخري 100-150 دينار .. علي حسب الشخص

تذكره مصر للطيران 175 دينار ذهابا و ايابا

يعني هيوفر 150 دينار أقل شيء في المتوسط = 3000 ج

**shaddadfalcon1** · 18-06-2011 10:53 AM

انا حاسس ان المبلغ قليل جدا ومينفعش يبهدل نفسه بره عشان مبلغ زي ده

ممكن لو كان كل حاجه عليهم مثلا لكن بالطريقه دي وعلي كلام العضو ahmedsamir5edr لو ملقاش حد يسكن معاه يبقي ممكن ميتبقاش ليه ولا مليم ويصرف من جيبه كمان كل شهر

**MASERATI** · 18-06-2011 11:24 AM

السلام عليكم و رحمة الله و بركاته

اللى أنا أعرفه أن مرتبات الكويت عالية, بس المصاريف هناك كمان عالية و أنا أخشى أن ال350 دينار دول كوووووووووووولهم,يخلصوا على المعيشة هناك لأن السكن المعقول من 180-250 دينار كويتى, فالأفضل أنك تسأل برضه عشان تقدر تقرر صح لأن المفروض أن المبلغ اللى هيتبقى (حوالى 150 دينار) هما دول اللى هيعيش منهم هوا و أسرته و يحوش منهم كمان !!!! .

**superb** · 18-06-2011 11:59 AM

احب اقول لكل واحد مصرى فى مصر شايف ان السفر لأى مكان افضل .. عفوا .. العيشه لو فى احلى مكان فى امريكا ولا هاواى حتى .. لا تعوضك عن بلدك .. دا غير ان ظروف الدول العربيه لا تسر حتى لو دبى .. اسعار نار و الناس عارفه .. و حتى السعوديه .. مبقتش زى زمان .. يعنى اللى فاكر انه هيسافر و يعمل اللى قبلنا عملوه من دول الخليج يبقى مغيب عن الواقع .. اللى بياخد اكتر من 2000 جو مصر .. يشكر ربنا .. انه وسط بلده و اهله و ناسه .. و انشاء الله بكره هيكون افضل صدقونى .. مصر بلد الأمن و الأمان ماهما كان فيها .. و لكل واحد الأختيار .. بس لو حسبتها بطريقه ... لو اتغربت و وفرت مثلا 2000 جنيه فى الشهر فى السنه 24 الف جنيه .. دا فرضا انك وفرتهم .. يعنى فى ال 5 سنين 120 الف جنيه .. انت عارف و انا عارف ان دول ميجبوش شقه معقوله فى مصر .. و طبعا ولا ارض تبنى عليها بيت .. دا بعد 5 سنين من عمرك بعيد عن اهلك و ناسك .. الا لو كنت ناوى تنقل حياتك كلها بره و تعيش حياه كريمه بس متفكرش فى التحويش .؟. و كل دا و محسبناش لو فكرت تتجوز و تاخد مراتك ... ياريت الناس تراجع الحسبه تانى .

و الله الموفق للجميع و كلها ارض الله

**rov** · 18-06-2011 12:13 PM

لاااااااااااا احد يعرف ينصح صديقك الا نفسه
هوه اول واحد ادري بحياته وظروفه وايه اللي ليه في مصر وهل لازم يقعد ولا معندوش حاجه يبكي عليها؟
انا عارف ان ردي حاسم ولكن نصيحتي ليك تروح لصحبك وتقوله انا سالت كتير واخر جواب
انك تصلي استخاره وتقعد مع نفسك وتقرر

الموضوع: عايز مشورتكم في موضوع خاص بصديق لي

LinkBack

أدوات الموضوع

عرض

عايز مشورتكم في موضوع خاص بصديق لي - انشر الموضوع فى :

-

-

-

-

المواضيع المتشابهه

انا نازل بورسعيد و عايز مشورتكم

موضوع احتاج مشورتكم فيه

عايز مشورتكم في قرار مصيري ليا

محتاج مشورتكم بجد في موضوع مهم جدا بالنسبه ليا

الكلمات الدلالية لهذا الموضوع

المفضلات

المفضلات

ضوابط المشاركة