عربية احمد طارق الجديدة :::
يا ترى نوعها اية ؟!!!!!!!
نشوف الفيديو ونرجع نشوف نوعها
YouTube - ‪The Top Secret Project‬‏
تويوتا سوبرا تربو
ياترى عاملة كام حصان وطارق حيوصلها لكام حصان ؟؟
عرض للطباعة
عربية احمد طارق الجديدة :::
يا ترى نوعها اية ؟!!!!!!!
نشوف الفيديو ونرجع نشوف نوعها
YouTube - ‪The Top Secret Project‬‏
تويوتا سوبرا تربو
ياترى عاملة كام حصان وطارق حيوصلها لكام حصان ؟؟
السلام عليكم و رحمة الله و بركاته
للناس فيما يعشقون مذاااااااااااااااااهب.
أنا مش عارف ايه المتعة, فى أن واحد يركب العربية و يقعد يحرق الكاوتش بتاعها على الواقف, و لا يقعد يلف حوالين نفسه فى حته فاضية فى دايرة قطرها 10 -15 متر !!!!!!!!!!
حاجة غريبة, أكيد الحاجتين دول, لا يعتبروا مقياس للمهارة فى القيادة و القدرة على التحكم فى السيارة على الاطلاق و لا يمكن أنا غلطان .
اكتر حاجه بتغيظني اللي بيعمل دريقت علي تراب او رمله ويفتكر نفسه بيعمل دريفت بجد
ربنا يباركلوا فيها
بس مهما وصلت لمليووووون حصان هيمشى بيها فى انهى شوارع؟؟؟
دة الواحد قبل ما بينقل على الغيار بيلاقى نفسوا فرمل
شوارع زحمة ومطبات على اعلى مستوى
ما شاء الله, ربنا يحفظة.
العربية عاملة 700 حصان.
جرب وانت تعرف
بس الكلام من غير تجربة دة غلللللللللللللط
عمر الدريفتات والقيادة الرياضية مكانت غلط ولا حرام
والا نلغى الفورميلا 1 والاوتوكروس وغيرة
والدريفتات والبيرن فدة علشان يوضح قدرة العربية الحقيقية
هو الفيديو ايوة فى الشارع بس دة تقديم للعربية وواضح انة كان فى وقت الشوارع فاضية علشان محدش يقوللى واحد ماشى ويخبطة والحوارات دية
ايوة بس عربية احمد تربو معدية فى الاحصنة يعنى تعمل دريفت على التراب والرملة والحيطة لو عايز كمان :))))))))
مهو دى المشكلة ان احمد فاهم وبيعدل جامد وبيفهم فى العربيات بس المشكلة انة مش بيلاقى حد يوفرلة المكان المناسب
هو اعتقد انة عامل العربية دى للاوتوكروس
وفى جولة جاية يوم 14&15 /7
ممكن بس اعرف انت جايب الرقم دة منين مجرد سؤال اصلى من امبارح بدور على قدرتها ومش لاقى جواب
بسم الله ماشاء الله
هو دخل التويوتا السوبرا مصر ازاى!!!!!!!!!
إزيك يا أستاذ محمد أخبارك إيه ؟؟
انا عندي سؤال بس معلش هو مين أحمد طارق ؟
و العربية كويسة بس أنا بفضل الايفو عن السوبرا :)
+111111111
اداء متميز
السلام عليكم و رحمة الله و بركاته
أنا بصراحة ماعرفش أعمل كده فى العربية لأسباب كتير:
أنى مستحيل أكون تعبان فى تمن العربية و طافح الدم عشان أجيب عربية, أقى بيها نفسى, أنا و أسرتى من ذل سؤال سواقين التاكسى و عربيات الأجرة و يهون عليا أنى أعمل فيها كده, ممكن يكون الموضوع ده عندى أنا بس و ممكن يكون فيه ناس تانية زيى, بس أنا ماعرفهمش بصراحة.
أنى فعلا, ماعرفش التكنيك بتاع الحركة دى.
أنى على ما أعتقد - و الاعتقاد ده ممكن جدا يكون غلط- أن حرق الكاوتش و العربية بالشكل ده, هو اهدار للمال الخاص اللى ربنا -سبحانه و تعالى- منحه لينا, أكيد مش عشان نحرقه بالشكل السئ ده, الا اذا كان الموضوع ده, لا بيأثر لا عالعربية و لا على الكاوتش, يبقى ده أمر تانى, لأنى من الناس اللى بأعتقد أن الانسان المسلم ليس له مطلق الحرية فى ماله الخاص, لكنه يجب أن يستخدم المال الخاص ده فى الأمور اللى فيها نفع ليه و لسائر المسلمين, لأن المفروض أن المال ده ربنا أعطانا اياه, عشان نقضى بيه حوائج المسلمين.
طبعا, هنا فى المنتدى, حرية الرأى مكفولة للجميع و كل واحد حر جدا فى رأيه.
و بالنسبة لأى حد شايف أن الموضوع ده لا حرام و لا غلط, خلاص, OK, Enjoy it .
طب هو بردو دخلها ازى مصر انا بعشق العربية دى
شكرا على الفيديو
دخلت جمرك وشال النمر وحط نمر تانية
ألش :) :)
ماشاء الله عربية جميلة جدا , ربنا يباركلة فيها .
تاعب نفسك ليه يا رفعت ,,, اتفرج على الفيديو دة للاخر YouTube - ‪The Secret Project Teaser‬‏
وانت هاتعرف العريبه كام حصان مكتوب انها 700
Damm it
it's Toyota Supra D90
I Adorrrrrrrrrrrrrrrrrrrrrrrrrrrrrrrrrrrrrrrrrrrrrrr rre
مش عارف الصراحة ؟!!!!!!؟
هى الش اهة بس بالقانون اكيد يعنى واسطة دخلت بالكوسة استيراد وهوة اتصرف فى الترخيص
جبت المفيد يا غزالى :)))
انا برضوة قولت انها ستوك واحمد لسة ناوى يعلى فيها ويوصلها لرقم مش موجود فى مصر
عربيه تحفة أكيد, كان نفسي أشوف واحدة في مصر من زمان, عقبال مانشوف الskyline بقى! ولو إنها مش هينفع تترخص هنا عشان حوار اليمين ده:angry06:
مفيش فيراري 900 حصان, أقوى عربيه فيراري الfxx ودي 700 حصان..
الsupra من العربيات القليلة اللي ممكن تتعدل لحد ماتوصل ل 1200 حصان! زي الskyline والevolution...
Ferrari FXX has V12 6Litre Engine 850 BHP
السوبرو دي معتقدش انها ستوك 700 حصان خالص يعني لو ستوك فعلا تبقي زي مالناس بتقول في كل حته يبقي الحاجه دي 280 حصان ودي مواصفاتها
Toyota Supra JZA80 3.0 GZ TwinTurbo Aero
اية المشكلة فى كدة ...واحد بيحب العربيات وماشاء الله بقى لية سبونسر دلوقتى ... ومعاة رخصة رياضية وبينزل بيها ايفنتات وتراكات درفت والاوتو... وفى امن واسعاف وكل حاجة معمولة حسابة ..غلط فى اية علشان الكلام الى اتقال دة كلة ...
ماشاء الله العربية متعدلة 700 حصان ..والى يعرف السوبرا يعرف انها بتوصل للارقام دية عااادى جدا وليها كتات بتعلى البروفومانس ومعروفة كمان ....وهو كان بيسوق مكن m3 وm5 يعنى مش جديد علية ...
عربية دافع فيها دم قلبة ومختار موديل سبور معمول للكلام دة يبقى مش حرام علية ....انما الحرام لما تكون عربية اسرة مثلا ومتستحملش ويتعمل فيها كدة دة الحرام ....
ومعلومة اخيرة مش كتير فى مصر بيعرفوا يعموا الى بيعملو احمد على فكرة مهما كانت عربيتة جامدة السواق بيفرق
فعلا معاك حق فى كل كلمة يا احمد بس الناس بتهاجم الدريفتات لمجرد الهجوم كانها حاجة عيب او حرام
احمد طارق الصراحة ملوش حل فى السواقة والدريفتات واللعب حتى دماغة فى العربيات وتظبيطها جامدة ........
هو الايفنت دة امتى وفين ؟؟؟؟؟؟ محدش يعرف
[youtube]http://www.youtube.com/watch?v=JjXxDtYw0zE[/youtube]
الناس كلها نفسها تعرف المكان دة فين برضك ههههههههههههههههههههههه
المفيد....
العربية نصين . وإتلحمت في الحرفيين ومترخصه على ورق تويوتا سيليكا
وبلاش حوار 700 حصان وكلام الاعلانات ده . والفيديو إلي مكتوب فيه الكلام ده بيسمي '' فيديو تلميع '' وغالباً بيبقى مدفوع الاجر أو خدمة من صديق
ده مش عزم ولاقوة 700 حصان و إلي ركب عربيه 700 حصان هيعرف أنا بتكلم عن ايه
ربنا يبارك ويحفظ كل الناس من العين
وانتا مين اكدلك الكلام دة يا ايفو ...انها نصين واتلحمت ..........؟؟؟
ورشة احمد الوكيل وتقريبا نصف عربيات الاوتو كلها بينى وبينهم شارعين بس
امتي يبقي وجود العربيات دي في مصر شيء عادي
اللي زي العربيه دي بره بيبقي برخص التراب واي عيل بيجيبها
من القهر اللي احنا فيه اللي بيبجيب عربيه من دي دلوقتي بيعملها مليون فيديو وكانها بوجاتي
ربنا يحفظهاله ويكفيه شرها
ممكن مصدر معلوماتك يا ايفو
اصل صعب العربية تبقى نصين وتبقى بيتلعب بيها كدة
والفيديو ايوة تلميع محدش قال حاجة احمد بقى نجم ولية جمهورة اية المشكلة ؟؟؟
عموما كل دة حيتضح فى اقرب اوتوكروس واحمد مش بيهرج يعنى لما يقول 700 حصان تبقى فعلا كدة مش حتى 650 .
انا متفق معاك ان العربية مش باين عليها بس يمكن دة اسلوب احمد مش بيحب يطلع كل امكانيات العربية فى الدريفتات ....
اولا العربيه دى مش ستوك تانى حاجه العربيه دى على الداينو عامله 672 حصان بلس يعنى بتوصل ل 700 فعلا و العربيه معموله عشان سبق ريد بول اللى هايتعمل فى بورتو مارينا يوم 8/7 ان شاء الله و العربيه ما شاء الله عليها ربنا يباركله فيها و يحميه من العين و النفسنه
[quote=maserati;3873589155]
هو اهدار للمال الخاص اللى ربنا -سبحانه و تعالى- منحه لينا,
بأعتقد أن الانسان المسلم ليس له مطلق الحرية فى ماله الخاص,
لكنه يجب أن يستخدم المال الخاص ده فى الأمور اللى فيها نفع ليه و لسائر المسلمين,
لأن المفروض أن المال ده ربنا أعطانا اياه, عشان نقضى بيه حوائج المسلمين.
[quote]
باشا حضرتك بتتكلم جد ! المال الخاص مليش حرية فيه ! والله انا دمي اتحرق حرق السنين بعد ما قريت جمل حضرتك ديه ! انا بجد مستغرب ! كدة عليه العوض و منه العوض لما يكون في ناس فعلا بتفكر بالمنطق ده ! يعني فاضل يتقال الواحد يشتري شقة غالية حرام عشان اهدار للمال الخاص, يشتري موبايل نفس الكلام حرام اهدار للمال الخاص, يشتري عربية غالية برضه اهدار للمال الخاص!
انا مسلم و كل حاجة بس ربنا مقلش نشتغل و نعمل فلوس و منصرفهاش على نفسنا.... و طالما بنتصدق و بنطلع زكاه, يبقى انا في السليم ... لكن مش حشتغل عشان اصرف على الناس و اقعد انا في الشارع عشان حوائجهم و اطنش حوائجي!
انا مش بهاجم حضرتك ولا عاوز حضرتك ترد ولا تفهم كلام شخصي ... انا بس الكلام استفزني و حبيت ارد !
بالنسبة للعربية ايوة كدة بقى خلينا نشوف البلد ديه فيا عربيات جامدة حاطة نمر مصر :) مصر لسه فيها خير :)
[QUOTE=Deshahcoka;3873614679][quote=maserati;3873589155]
اقتباس:
باشا حضرتك بتتكلم جد ! المال الخاص مليش حرية فيه ! والله انا دمي اتحرق حرق السنين ........................
:)
السلام عليكم و رحمة الله و بركاته
أنا آسف جدا لو كلامى استفزك, بس كلامك بصراحة ماستفزنيش و لا حاجة لأنى متأكد أن فيه ناس كتير ليها نفس التفكير.
يا أخى الفاضل: فيه فرق كبير بين أنك تنفق من مالك الخاص -الحلال طبعا- فى أنك تشترى شقة ب6 مليون جنيه, أو عربية MERCEDES AMG65 ب 2 مليون جنيه, أو أنك تشترى بمالك الخاص الحلال, عربية عشان تحرقها و تستهلكها فى سباقات و دريفتات, أو مثلا تشترى ألعاب نارية و صواريخ و تروح تحضر مباراة الأهلى و الزمالك و تفرقعلك ب500 جنيه صواريخ فى الاستاد.
لأنك لما تشترى عربية فاخرة و لا شقة غالية, أنت شارى العربية عشان تركبها و الشقة عشان تسكن فيها, حق لأى بنى آدم, لكن شارى العربية التويوتا سوبرا بالشئ الفلانى عشان تحرقها و تلعب بيها.
و بعدين, هو أنا قلت أن مالك الخاص ده مش مالك و أنه مالى أنا !!!!!!!!!!, المال الخاص ده بتاعك و لكن كله من فضل الله و كله لله, لا يجوز أن تنفقه فى أى وجه يغضب الله.
المشكلة هنا بأه, أنك شايف أن حرق العربيات و استهلاكها فى الدريفتات و السباقات ده مش من الأوجه اللى ربنا -سبحانه و تعالى- لا يرضى عنها, لكن أنا عن نفسى -وده رأيى و أنا حر فيه- شايف, أنه من الأوجه اللى ربنا لا يرضى عنها.
و أنا كمان على فكرة, شايف, أنه من الخطأ -أنا ماقلتش أنه حرام لأنى ماقدرش أقول اذا كان حرام و لا لأ- أنى أجيب عربية بالشئ الفلانى و أقعد أحرق فيها و أمرمط فيها و يشوفنى فقير من فقراء المسلمين, هو يعلم جيدا, العربية دى بكام و أد ايه تمنها يفرق معاه, أنا مابقولش, أنى أنزل من العربية و أديهاله, لكن على الأقل, أنى ما أعملش كده أودامه.
أنا اللى خلانى أفكر التفكير ده, أنى استشعرت أنه ماينفعش أجيب عربية أتسابق بيها و أمرمطها و يشوفنى و أنا بعمل كده, واحد فقير يقف يبصلى و هو ساكت لأنه مش فى ايده طبعا أنه يعمل حاجة لأنها عربيتى مش عربيته, هو ساكت صحيح مابيتكلمش, لكن مخه شغال و عمال يقول لنفسه أنه يتمنى يكون عنده عشر تمنها عشان يحل بيها مشاكل كتير أوى عنده.
و طبعا, كل واحد مسؤول عن نفسه و حر فى رأيه و ربنا ييسر لينا الأحوال.
آسف للاطالة و تقبل تحياتى .
العبد لله هو مصدر المعلومات . و بعدين دي حاجة معروفة و أقولك مين إلي دخلها البلد كمان لو عاوز .
أما بقى موضوع 700 حصان فبكل بساطة إنت علشان تطلع 700 حصان من موتور سوبرا محتاج تربو '' ضخم '' والتربو دة مش هيبدأ '' Spool '' أو بمعنى أصح يديك بوست إلا بعد 5500 RPM يعني العربية هتبقى مقتولة ومش هتبقى سوبرا إلا بعد 5500 -6000 RPM
هل دي عربيه تنفع في اوتوكروس مع كل التربو لاج دة ؟ ولا لزم يكون فيها تربو صغير علشان تبقي جاهزة في ال RPM المنخفض !!
عموما المجادلة ملهاش داعي 700 حصان ده شئ مش سهل ، عاوز تصرف مصاريف مهولة على الموتور وفي النهاية هتبقى دراج كار وشبه ستريت مش اوتوكروس
الدينو هو إلي ممكن يحكم وأنا بتكلم عن دينو قدام الناس أو بفيديو مش أي جراف تتحطلو صورة والسلام :)
[QUOTE=MASERATI;3873615335][QUOTE=Deshahcoka;3873614679]
مفيش مشكلة يا باشا ولا اطالة ولا حاجة معلش لو وجهة نضري مضايقة حضرتك بس في ناس كتير لابسة وش الدين و يحرقوا الدم و شيوخ مدورنها تجارة ( الدقن ديه تجارة ) و تلاقيه بتاع رشواي و جايب عربية بقد كدة و فلان جابلة هدية عربية ...
الكلام مش موجه لحضرتك انا بس حبيت اوضح وجه النظر على كلام حضرتك و فرصة سعيدة :)
العربية دي ياشباب 670 حصان وعندي صور ليها وهي علي الداينو وبعدين عربية بالقوة دي أكيد السيطرة عليها مش سهل و ده أكيد
وبعدين عربية زي دي ياعم أيفة متعدلة من برة في شركة تعديل كبيرة فأكيد مش هيبقي فيها لاج و غير كده معروف عن مواتير السوبرا وال سكاي لاين مواتير مصنوعة من الفولاز مش من الألومنيوم زي باقي الماتير علشان كده بتستحمل أعداد الاحصنة الماهولة الي مطلعها وبعدين أكيد في الفديو مش هيطلع قوة ال 700 كلهم علشان بنزين بلدنا و أكيد مش فاتح بوست كتير وغير حاجات كتيررررررررر اوي